MATHAIA 21:3 - PATHIAN LEKHABU IRTHIANG C.L. Bible (BSI)

³ Tukhomin nin kuang i khom lei tihai sian, ‘Rengpa’n a innang kêng,’ ti unglân; khanchu, nangni inhongtir zôi a ti,” a tia.

MATHAIA 21:3 Iomraidhean Croise

1 RÊNGHAI 17:9

“Thoiin lân Sidon biala Zarefat khuaa fe’n lân, kha khan om ro, nang an fa hrangin meithâi inkhat nang kin thang pe ta,” a tia.

EZRA 1:1

Persia rêng Kura inlal kum khatna deipu Jeremia hmanga a lei ihril tâk kha Rengpa’n an tungtir tâka. Ama thupêk, a ram pumpuihai inhriat hranga tep suak hrangin Rengpa’n Kura lungrîl an thor pea.

EZRA 1:5

Khasikin, Juda le Benjamina irchi, in sûnga a lu u ualhai, ochaihai, Levi hai, Jerusalema Rengpa in hong sin hranga Pathianin an lungrîla a inthorhai chu an hong sina.

EZRA 7:27

Jerusalema Rengpa in en inhoitir hrang rêng chu, hianga lungrîl invongtirtu le rêng le roirêltu rêng milian inlârtakhai kôla ki chunga lungkhamna insuatirtu Rengpa, kin pi le puhai Pathian chu inpâkin om ri se.

INPÂKNA HLAHAI 24:1

Irnêng le a sûnga om murdi hi Rengpa ta a nia; Rammual le a sûnga lênghai leh hin.

MATHAIA 21:2

an kuang, “Nin matona khuaa son fe unglân, sakuartung, a kôla a tê leh irthung hmu zôi nin ti. Sût unglân ki kuang hong kai roi.

MATHAIA 21:4

Deipu hmanga a insîr kha a hong tung theina hrangin khahai kha a hong iom a ni.

JOHANA 17:2

Mi murdi chunga irchamneina a kuang ni pêk tâk sikin, Ama khomin ni ipêk murdihai kuang kumtuang hringna a pêk theina hrangin.

JOHANA 3:35

Pa’n Nâipa lung a thunga, a kuta itinrêng a sia ta.

TÎRTÔNHAI SINTHO 17:25

Mihriamin ei sem hrang thil ite khom irsam mah. Ama ngei kha tinrêng laia hringna hai, phûksâna hai le thil tinrêng pêktu a ni.

2 KORINTH 8:16

Nangni changpui hranga kin irzuk lam ang taka Tita khom irzukna inneitu Pathian chunga kin lôm tak tak.

2 KORINTH 8:9

Ei Rengpa Jisua Krista lungkhamna nei intamzia chu nin inhriat; inriangna sikin nin hong irchong theina hrangin irchong ok khomsian, nangni sikin a lei inriang tâk a ni.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

1 SAMUELA 10:26

Khan Saula khom kha Gibe khuaa a in tiang a fea; khan mi hrât senkhat, Pathianin an lungrîl a itôn pehai khom kha an fe saa.