MATHAIA 17:3 - PATHIAN LEKHABU IRTHIANG C.L. Bible (BSI)

³ Khanchu, irchutir inthumhai khan Mosia le Elija’n Jisua an chongpui lai an hmua.

MATHAIA 17:3 Iomraidhean Croise

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

MALAKIA 4:5

Irngai u ta, Rengpa zuangna nikhua ichiom tak le irkhêl tak makunga khan deipu Elija kha nangni zuang tîr pe ki ti.

MATHAIA 17:2

An mit hmua Jisua hmêl a hong danglama, a hmâi misa angin a hong vâra, a puan silhai khom irtêk rakin a vâra.

MATHAIA 17:4

Khan, Petera’n Jisua kuang, “Rengpa, hitaka om hi ei ta hrangin a sa! Ni nuamin chu, kairêng inthum sin ki ta; ni ta hrangin inkhat, Mosia hrangin inkhat, Elija hrangin inkhat,” a tia.

MARKA 9:4

Khan Elija le Mosia kha an zuang inlâra, Jisua’n a chongpuihaiin an hmua.

LUKA 1:17

Pahai chu an nâihai irngaisaktir hrangin, mi pualoihai chu mi felhai lungrîl irput ang irput hrangin, Rengpa ta hranga a mihai hranga lei sinsiam hrangin Elija irtha dong le a sinthotheina neiin, Rengpa makunga khan a izuang masa hrang a ni,” a tia.

LUKA 16:16

Baptistu Johana a hong mâka chu, Mosia Dân le deipuhai lekhabu thuhai kha hmang hrang a nia; kha rengata chu Pathian Ram Thurchi Sa hril a nia, mi tinin lût tumin an inbo sup sup a ni.

LUKA 24:27

Khanchu, Mosia ata irphutin deipu murdi thu suiin Pathian Lekha thua, a thurchi irziakna hmun tina a hrilfiah pehaia.

LUKA 24:44

Jisua’n an kuang, “Nin laia ki om lai khan hi thuhai lele hi nangni ki hril ngai khate. Mosia Dân bua, Deipu lekhabua, inpâkna hlabuhaia ki Thurchi an lei irziak, hong tung indik ngêt hranga nangni ki lei inhrilhai kha a ni,” a tia.

LUKA 9:33

Mihai khan Jisua an mâksan tôn chu, Petera’n a kuang, “Irchutirtu, hitaka om hi ei ta hrangin a sa, kairêng inthum sin ki ta, nangma ta hrang inkhat, Mosia ta hrang inkhat, Elija ta hrang inkhat,” a tia, (kha thu kha imo a iti khom a inhriat infel loi a ni.)

JOHANA 1:17

Dân kha Mosia hmanga pêk a nia, lungkhamna le thutak chu Jisua Krista zâra zuang tung a ni.

DÂN INHNINA 18:18

an laia mi ngêt deipu nangni inkung pe ki ta, an kuang insîr hrang hril ki ta, ki thupêk ang kha nangni hril irzôt a ti.

DÂN INHNINA 34:10

Khataka irthoka khan Israelhai laia khan Mosia anga Rengpa’n hmâiirsan ngeia a ibiak deipu zel hong om ta mahaia.