MATHAIA 13:57 - PATHIAN LEKHABU IRTHIANG C.L. Bible (BSI)

⁵⁷ Khanchu, ama kha an hnôl tâka; Jisua’n an kuang, “Deipu chu a khua le a in mihai laia ti no chu hmun tina an chôiirsâng ngai,” a ti pehaia.

MATHAIA 13:57 Iomraidhean Croise

ISAIA 49:7

Israelhai irtantu mi irthiang, Rengpa’n hiang hin a ti: “Nangma, mi ihnuaisia, nam tin ien indong, roirêltuhai siahlo, rênghaiin suak ata ni izôk nang hmu an ta, mi lianhai khom ni makunga kûn an ta; Rengpa’n a thu an kung sikin Israel mi irthiangin nang an thang ta.”

ISAIA 53:3

Ennuam om loitak, mihai ihnôl, mihriam chuk loi, natna tuang chuan chuan, dam nî nei loi, Mi tin imâksan, ennuam loitak, ite bêa ei ibe loi chu a ni.

ISAIA 8:14

A’rthiang hrai sikin Israel in sûng mi inhnihai hrangin irfûina hrang lung, irfûia irtetna hrang chu a ni. Jerusalema omhai hranga tâkna hrang khur an khitna hranga châng a ni.

MATHAIA 11:6

Tukhom ki chunga lunghlâna nei loihai chu an vân a sa,” a ti pea.

MATHAIA 13:58

An iam no sikin khataka khan chu sinirkhêl tho intam ok ma.

MARKA 6:1

Jisua’n kha hmun kha a suaksana, a omna ngai khua tiang a fe nôka, a irchutirhai khomin an zui maia.

MARKA 6:14

Jisua irhming kha a sân an thang tâk sikin, rêng Heroda khan a len hriat sa tâka. “Baptistu Johana kha mithi lai ata a hong thoi nôk tâka, hi sinthotheina irtha hi a inei,” an tia.

MARKA 6:3

Mari nâipa mistiri, a urênghai khom Jakoba, Josefa, Juda le Simona hai hi ni mahai mo? A farhai khom ei kuanga om mo ni mahai?” an tia. Kha hnung chu ama kha an hnôl ta.

MARKA 6:4

Jisua khan an kuang, “Deipu chu a khua le a urênghai laia ti no chu hmun tina chôiindômin a om ngai,” a tia.

LUKA 4:24

Jisua’n, “Deipu chu mâni khuaa tûte’n lôm ngai mahai,” a ti pea.

LUKA 7:23

Khan, tukhom ki chunga milung irlakna nei loi chu an vân a sa,” a tia.

JOHANA 4:44

Jisua ngêtin, “Deipu kha ama ram tiang chôiirsângin om ngai mah,” a lei ti ngaia.

JOHANA 6:42

“Hi pa hi Josefa nâipa, Jisua, a ini loi ma ni? A nu le pa khom ei inhriat khate. Itin mo ‘Irvân ata zuang chum ki ni,’ a iti tâk hi?” an tia.

JOHANA 6:61

Kha thua khan a irchutirhai an chiar tih Jisua’n a lungrîlin an hriata, an kuang, “Hi thu hin nin milung a ini loi mo?