Khanchu, Jisua’n an kuang, “A vuan zân ngêt hin nin rêngin laizâm tho nin ta, ni masan zit nin ti, ‘Belrapu chu zêm ki ta, belrahai chu indarh zit an ti,’ ti irziak a ni kha.
Ni mit chang tiangin nang an tûktirin chu kêlsuakin lân, pai rak roh; ni taksa pumpui hremhmuna pai nêkin chu taksa mit kiangkhat boi chu ni ta hrangin a sa ual.
Mari nâipa mistiri, a urênghai khom Jakoba, Josefa, Juda le Simona hai hi ni mahai mo? A farhai khom ei kuanga om mo ni mahai?” an tia. Kha hnung chu ama kha an hnôl ta.
Simeona khan anni kha sat a vura, a nu Mari kuang, “Irngai roh, Israel laia mi tamtak siata tûk hrang le inngîr suakna hrangin, hi nâite hi inkung a ni, Pathian irsinsiana, mi tamtakin an isêl sup sup hrang ni a ti.
Tukhom Irtha nei loiin chu Pathian Irtha ata thil pêkhai kha dong thei ma. Kha mi khan chu kha thilhai kha inhre thei mah; ama ta hrangin chu invêtna kai a ni, a hlutzia kha irtha vaia inhre thei a ni sikin.
Urênghaio, keima’n sertan a nang tiin lei hril ngai inlân, itho mo deng an ni intheitir hrang? khaang khan nisian, kros thu kin ihril hin buaina siam no ni.
Pathian Thubu ngêtin, “Lung, mi tûkna hrang le Lungpui mi khâlna hrang khom a ni,” a iti ang khan. Thu kha an iamno sikin an itûk a ni, ama kha Pathian lei irêl dân khom a ni chian ta.