MATHAIA 10:23 - PATHIAN LEKHABU IRTHIANG C.L. Bible (BSI)

²³ Khua inkhat ata an nuam nuamin nangni an lo’n chu, kho danga rot pat roi. Thudik nangni ki hril, Mihriam Nâipa a zuang mân Israel ram kho murdia nin sintho zoi no chin ni.

MATHAIA 10:23 Iomraidhean Croise

MATHAIA 16:28

Thudik nangni hril ki ti, hitaka ngîr senkhathai hi, Mihriam Nâipa, inlal taka a zuang an hmu mâka chu thina irtem loi hrang an om,” a tia.

TÎRTÔNHAI SINTHO 17:10

Khanchu iamtuhaiin kha ni zân ngeiin Paula le Sila kha Beroia khuaa an infetirhai zôia, khan an tungin chu Judai Sinagoka an lûta.

TÎRTÔNHAI SINTHO 8:1

Saula khom khan Stefana thi kha a sa a ti saa. Kha nikhua ata khan Jerusalem-a Koiindang kha deng an theitirhai tâka. Khanchu, tîrtônhai vai no chu Juda le Samari ram kho tina an indarh zit tâka.

MARKA 13:26

Kha zoi tikin chu Mihriam Nâipa hi a sinthotheina irkhêl tak le roiinpui takin sûm laia zuang ta a ti.

LUKA 21:27

Kha zoro tika chu Mihriam Nâipa hi sinthotheina le roiinpuina irkhêl tak leh sûm laia zuang hmu an ti.

LUKA 18:8

Nangni ki hril, zuang set infel pe lat a ti. Khannisian, Mihriam Nâipa hin a zuang tika rammuala iamna nei zuang hmu ni mo?” a tia.

JOHANA 7:1

Kha zoi chu Jisua’n Galili ram ar fanga, Judahaiin that an tum sikin Judai ram irfang nuam maka.

MATHAIA 26:64

Jisua’n a kuang, “Ni ni ti mai tâk khate. Khannisianlân nangni ki hril: nakana chu, atûn ata Mihriam Nâipa hi Itinrêngthothei chang tianga toia, irvân sûm chunga zuang la hmu nin ti,” a tia.

MATHAIA 24:30

Kha zoro tika chu irnênga nam tinrêngin chapin an rôp irchûm an ta, Mihriam Nâipa hi sinthotheina le roiinpuina irkhêl tak le irvân sûm laia a zuang hmu an ti.

TÎRTÔNHAI SINTHO 17:14

Khanchu, iamtuhaiin tuipui dêna irkuanga fe hrangin Paula kha an tîra, Sila le Timothea chu an la oma.

MATHAIA 25:13

Khasikin, irsiam diamin om roi, a nikhua le a zoro kha nin inhriat no sikin.

MATHAIA 24:48

Khannisianlân, siahlo saloi a niin chu, a milungin ka pu chu hong lat no nih ti a ta,

MATHAIA 24:27

Mihriam Nâipa zuang nôk hrang chu kôlirtêka, sak tiang ata thang tiang ten irtêk ang kha a ni hrang sikin.

MATHAIA 23:34

Khasikin nangni ki hril, nin kuang deipuhai, mi vârhai, Dân irchutirhai hong tîr ki ti; senkhat that nin ta, hembe nin ti; senkhat Sinagoka zêm nin ti, kho tina inhnot irzûl thiai nin ti.

MATHAIA 4:12

Johana an chel ti an hriatin Jisua kha Galili rama a fe pat tâka.

MATHAIA 2:13

An kîr hnungin, irngai ta, Rengpa vântirtôn inkhat Josefa kuang irmangin an lâra, “Thoiin lân, nâite le a nu hruaiin lân, Aigupta rama rot ta ro; nang ki hril nôk mâka chu kha khan om mai ro, Heroda’n nâite hi thatpai tumin a izong hrang a ni,” a tia.

TÎRTÔNHAI SINTHO 20:1

Buaina kha a boi hnungin Paula’n irchutirhai a koi buka, an thorhaia, chonghoiin an irsena, Makedonia rama fe hrangin a suak tâka.

JEREMIA 26:21

Reng Jehoiakima le a sipaihai le a mi lianhaiin Uria thu’nsîr kha an inhriatin chu, rêng khan that a tuma. Khanchu Uria’n a len hriata, ichia inthing pumin Aigupta ram tiang laizâm a tho tâka.

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

MATHAIA 23:36

Thudik nangni ki hril, khahai murdi kha atûnlai mihai chunga a itung hrang a ni.

MATHAIA 24:34

Thudik nangni ki hril, khahai murdi kha a tung mâka chu atûn laia mihai hi boi no nihai.