MATHAIA 1:21 - PATHIAN LEKHABU IRTHIANG C.L. Bible (BSI)

²¹ Nâipasal nei a ta, ar hming Jisua phua ni ti, Ama khan a mihai kha an sualhai ata a isaninhring hrang a ni,” a tia.

MATHAIA 1:21 Iomraidhean Croise

IRPHUTNA 17:19

Khan Pathianin, “Ni thei no ni, ni dôngma Sari’n nâipasal nang neipui a ti; a’rhming khom Isaka phua ni ti: iti’n ki thuthung chu hi zoia irchihai hrang khomin kumkhua thuthung ni hrangin ki indet a ni.

IRPHUTNA 17:21

Ki thuthung hi chu Isaka, nakuma Sari’n atûn lai zoroa a inei hrangpa kuanga vai kêng ki indet ual hrang a ni,” a tia.

IRPHUTNA 18:10

Khan anni laia inkhatin, “Zoro hi a hong tung nôk tika chu ni kuanga hong nôk ki ti, khan irngai ro, ni dôngma Sari’n nâipasal nei a ti,” a tia. khan a hnung tiang puan in mikot ata Sari’n an hriat chiana.

JEREMIA 23:6

Rengin a toi tena chu, Juda mihai chu zôk riam ta an ta, Israel mihai chu irtharngamin om ta an ti. Ama chu, ‘Rengpa ei saninhringna’ tia koi ni a ti.

JEREMIA 33:16

Juda mihai le Jerusalem mihai chu sansuak ni an ta, zôkriamin om ta an ti. Khopui chu ‘Rengpa ei saninhringna’ tia koi ni a ti.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

MATHAIA 1:25

Khannisianlân nâipasal a nei mâka chu zâlpui suam ma, khan Josefa’n ar hminga JISUA tiin nâi irhminga khan a phua tâka.

LUKA 1:13

Khannisianlân, vântîrtônin chu, “Zakaria, chi no roh, ni chongchaina kha inhriat a ni, ni dôngma Elizabeti’n nâipasal nang nei pe a ti, ar hming Johana phua ni ti.

LUKA 1:31

Inrâi ni ta, nâipasal nei ni ta, ar hming Jisua phua ni ti.

LUKA 2:11

A vuan hin nin ta hrangin Davida khuaa saninhringtu a suak ta, Reng Krista chu,

LUKA 2:21

Khan, a sertan hrang nikhua sûn riat a hong chukin chu, sula a om mân daia angin a lei iphua tâk irhming Jisua ti kha an phua tâka.

JOHANA 1:29

A tûka chu Johana’n Jisua khan ama a hong ipan kha a hmua; “En u ta, Pathian Belrate, rammual sual pêl hrangtu so,” a tia.

JOHANA 4:42

Khan, nupang kuang khan, “Atûn chu ni thu’nsîr sika iam ni ta ma unga, kei ni ngêtin a thu’nsîr kin inhriata, hi mi hi rammual saninhringtu a ni ngêt ti kin inhriat ta,” an tia.

TÎRTÔNHAI SINTHO 13:23

Pathianin a lei inkung tâk ang khan, kha irchihai laia irthoka khan Israel mihai Saninhringtu Jisua a zuang intung a ni.

TÎRTÔNHAI SINTHO 3:26

Pathianin a nâi kha an thanga, nin sualhai irheisantir zit hrang le sat nangni vur hrangin nin kuang a zuang itîr masa a ni hi,” a tia.

TÎRTÔNHAI SINTHO 4:12

“Tu dang kuang khom saninhringna om mah, irvân hnuaia mihriam irhming iphua laia ni saninhring thei irhming dang rêng rêng om mahai,” a tia.

TÎRTÔNHAI SINTHO 5:31

Israelhai sual irlettira ngaidam an ni theina hrangin. Ama ngei kha Pathianin rêng le saninhringtu ni hrangin a chang tiang a chôiindôm ta.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

HEBRAI toc2 HEBRAI 7:25

Khasikin amaa Pathian kuanga honghai chu atûn le itiklai khomin a saninhring thei, anni ta hranga Pathian kuang ngên pe hrangin kumtuangin an hring mai sikin.

1 JOHANA 1:7

Ama vâra a om angin vâra ei iomna san chu ei irpôlkhôm hi a ni, A Nâipa Jisua thisenin ei sual murdi a ni’rsûkinfai tâk a ni.

1 JOHANA 3:5

Ama kha sualhai lapai hrangin a hong inlanga, amaa khan sual om mah ti nin inhriat.

THUPHUANG 7:14

“Ka pu, inhre ma ung. Nangma’n nin hriat,” tiin ki sâma. Ama khan ki kuang, “Hihai hi dengintheina ichiom tak ata hong zôkhai kha an nia, an puanhai Belrate thisena irsunfaiin an inchek tâkhai a ni.

ROIRÊLTUHAI 13:3

Nupangnu kuang Rengpa vântîrtôn a zuang inlâra, “Irngai ta, nâi nei thei loia ni iching hi, atûn chu inrâi ni ta, nâipasal nei ni ti.

1 SAMUELA 1:20

Khanchu Hani khan nâi a vong tâka, nâipasal a neia; “Rengpaa ki izong a ni,” tiin a’rhming khom Samuela tiin a phua tâka.