JOSUA 9:1 - PATHIAN LEKHABU IRTHIANG C.L. Bible (BSI)

¹ Jordan thang tianga tâng rama omhai, phâi rama omhai, le Mediteranean tuipui kôla Lebanon tâng dêna om Hit-hai rêng le, Amorhai rêng, Kanaan rêng, Periz-hai rêng, Hiv-hai rêng, Jebus-hai rênghaiin Israelhai hrâtzia an lei inhriata.

JOSUA 9:1 Iomraidhean Croise

2 SAMUELA 24:7

Kha hnung chu sim tiang Tura khopui kulpui neina khan an fea, Hit mihai le Kanaan mihai khua murdi an irfanga, Judai ram sim tiang Beerseba khan an fea.

FESUAKNA 23:23

Ki vântirtôn khan nangni hruai a ta, Amor hai, Periz hai, Kanaan mihai, Hiv hai le Jebus hai rama nangni hruai inlût a ta, anni chu that irhmangpai hrang a ni.

FESUAKNA 23:31

Nin ram chu Tuipui Sena irthokin Mediteranean tuikhanglian kâr le ramchâr ata Eufrates vadung ten ni a ti. Kha rama omhai chunga thuneina nangni pe ki ta, hong nâi maiin nin irzûl suakhai hrang a ni.

FESUAKNA 3:17

Aigupta rama dengthei taka nin iom hi, nangni hruai suak ki ta, Kanaan hai, Hit hai, Amor hai, Periz hai, Hiv hai le Jebus hai ram khuaitui le dût tui luangna rama nangni hruai lût ki ti, ki lei iti kha tiin ki kuang a zuan lâr a ni; zu ti’n lân.

FESUAKNA 34:11

A vuana dân nangni ki ipêkhai hi zôm ngit unglân, malam nin pan thiai lai hin, Amor-hai, Kanaan mihai, Hit mihai, Periz mihai, Hiv mihai le Jebus mihai inhnotsuakhai ki ti.

NAMBAR 13:29

Amalek mihai chu sim tiang an oma, Hit mihai, Jebus mihai, Amor mihai chu tâng rama an oma, Kanaan mihai chu tuipanga le Jordan tuipanga an om,” tiin an hrila.

NAMBAR 34:6

Khan nitâk tianga ramri hrangin Mediteranean tuipui ata thengthai a ta, Hor tâng huam sa a ti.

DÂN INHNINA 1:7

Nin irbu insiat unglân, irtôl irson roi. Amor-hai ram, tâng rama khan fe unglân, a kôlvêl ramhai irfang roi. Jordan dung phâi, tâng ram, sim tiang ram hai, Mediteranean tuipui kam dênin fe roi. Kanaan hai ram, Lebanon tâng pên Eufrates dung dênin fe roi.

DÂN INHNINA 3:25

O Rengpa, Jordan dung fe kâiin ram satak, tâng ram satak tak, Lebanon tânghai kha, lungkham takin nin hmutir sa ta,’ tiin ki ngêna.

DÂN INHNINA 4:49

Jordan dung sak tiang ivakam phâi khom Tuipui Thi dênin tâng pang leh a huam a ni.

DÂN INHNINA 7:1

Rengpa nin Pathianin nin lua hrang rama khan nangni hruai inlût a ta, khataka om nam sari, nangni nêka tam ual le hrât ual, Hit mi, Girgas mi, Amor mi, Kanaan mi, Periz mi Hiv mi le Jebus mihai kha nin matona inhnotsuak a ti.

JOSUA 1:15

Rengpa nin Pathianin nangni a pêk hrang ram, Jordan dung nitâk lam tiang chu an lua fela, Israel namhaiin an omna hrang chita hoi taka an om zoi tena vai kîr thei nin ti, Jordan nisua tianga ram, Rengpa siahlo Mosia’n nangni a ipêkna hin om thei nin ti, a ti kha,” a tia.

JOSUA 1:4

Sim tiang ramkâr ata hmâr tiang Lebanon tâng; sak tiang Eufrates vadung ata nitâk tiang Hit mihai ram, Mediteranean tuipui dênin nin ram ni a ti.

JOSUA 10:23

Khanchu, Jerusalem rênghai, Hebron rênghai, Jarmut rênghai, Lakis rênghai le Eglon rênghai chu khur ata an hong hruai suakhaia.

JOSUA 11:17

A ram lâk sim tianga Helak tâng, Seir bul ata sak tiang Baalgad, Lebanon irhôr Hermon tâng bul a dêna; an rênghai chu an hnêa, a chela, a thata.

JOSUA 13:5

Gebal mihai ram, Lebanon tâng nisua tiang Hermon tâng kôla Hamath khua lûtna dênin ram la lâk loi a ni.

JOSUA 15:12

Tuipui liantak chu nitâk tianga an ramri a nia. Kha ramri sûng chu Juda irchihai omna hrang chu a ni.

JOSUA 22:4

Atûn chu, Rengpa nin Pathianin a inkung angin nin urêng Israelhai chu hoitakin a inomtir tâk hi, khasikin Rengpa nin Pathian siahlo Mosia’n Jordan râla ram nangni a ipêk tâka khan va kîr nôk ta roi.

JOSUA 22:7

Mosia’n Manasea irchi chimriphai chu Jordan nisua tianga Basan ram a pêka, a chimrip dang chu Josua’n Jordan nitâk tianga ram a pêk sa. Josua’n in tiang an kîrtirhaia khan sat a vurhaia,

JOSUA 23:4

Kin inhnê tâkhai nam omna ram le kin la inhnê loihai omna ram chu nin irchon hrangin ki sem infel zit tâk a ni; nisua tianga Jordan dung ata nitâk tianga Mediteranean tuipui dênin sem a ni.

JOSUA 24:11

Jordan vadung nin kâia, Jeriko khuaa mihaiin nangni an lei doia; Amor mihai, Periz mihai, Kanaan mihai, Hit mihai, Girgas mihai, Hiv mihai le Jebus mihai khomin nangni an lei doia; khannisian nangni ki inhnêtir zit a ni.

JOSUA 3:10

Josua’n, “Pathian hring chu nin laia a oma, nin matona Kanaan mihai, Periz mihai, Girgas mihai, Amor mihai, Jebus mihai hi an hnotsuak ngêt hrang a nih ti inhre ngêt nin ti.

JOSUA 3:17

Israel mihai chu an rêngin irnêng châra Jordan vadung chu an irkâna; thuthung bôm irzôntuhai chu li laia khan irnêng châra mipuihai kâi zoi mâka chu an indinga.

JOSUA 5:1

Jordan dung nitâk tianga om, Amor rênghai murdi le Mediteranean tuipui panga om Kanaan rama rêng murdihaiin Israelhai Jordan dung an irkân sûng chu vadunga tui chu Rengpa’n an kangtir ti an lei inhriatin an chia, an lei rot zit tâka.

JOSUA 6:27

Rengpa’n Josua chu a ompuia, ram pumpuia a’rhming an thang tâka.

JOSUA 9:7

Israel mihaiin Hiv mihai kuang, “Hi lai vêla nâitaka mihai reng nin ang, itin mo irngeina thu nangni kin ithungpui thei hrang,” an tia.