JOSUA 7:9 - PATHIAN LEKHABU IRTHIANG C.L. Bible (BSI)

⁹ Kanaan mihai le hi rama omhaiin an inhriatin ni’rhual an ta, ni that zit an ti! khanchu, a mihai khom hualsûng zoihai mah ni ti ngêt an ti,” a tia.

JOSUA 7:9 Iomraidhean Croise

INPÂKNA HLAHAI 115:1

Keini ni pe loiin, O Rengpa, Keini ni pe loiin, Ni’rhming chu roiinpuina pe ual ro, Ni lungkhamna le ni thutak sikin.

INPÂKNA HLAHAI 48:10

O Pathian, nir hming ang dênin ni kut chang tiang khan felna’n a isip a ni.

INPÂKNA HLAHAI 79:9

O ni saninhringtu Pathian, nir hming roiinpuina hrangin ni changpuiin lân: Ni’rhming sikin ni saninhringin lân, Kin sualhai hi infâitir roh.

INPÂKNA HLAHAI 83:4

“Thoi, an nam irhmang rakin inboihai ei ti! Israelhai irhming rêng rêng hi inhriat chiana a om ta loina hrangin,” an tia.

INPÂKNA HLAHAI 83:5

Thu irrualin an irti irhlôma; Ni chunga a siat lama, tho hrangin chong an inkunga.

FESUAKNA 32:12

‘Tâng rama that irhmang hrang pialin ni mihai hi Aigupta ram ata ni ihruaisuak a ni,’ tiin Aigupta mihai khan itin moh an iti thei? ni ningmurna insum zâmin lân, ni milung inchong thûlin hi vânduaina irkhêl hi ni mihai chunga insum no roh.

EZEKIELA 20:9

Khannisian, an omna namhai mithmua ki’rhming a siat loina hrangin an chunga ite tho ta ma unga, Aigupta ram rengata hruaisuakin an kuang ki inhriattir zêl a ni ta.

JOELA 2:17

Ochai, Rengpa sinthotuhai kha, bokrop le maichâm kâra khan chaphai sianlân; “O Rengpa, ni mihai hôiin lân, nir chonhai hi hrilsiata oma namhaiin an chunga roirêl pehai hrangin pe no roh: ‘An pathian kha khôn mo a om tâk’, tiin mipuihai laia khan ithoa mo an iti hrang?” ti ri se.

MIKA 7:10

Khanchu ki râl kuang, khôn mo Rengpa ni Pathian, titu khan kha kha hmu a ta, mualinphoina’n ama kha irkhu a ti. Ki mithai hin ama kha en a ta; atûn chu kholai dialdôk anga sirbe ni ta a ti.

NAMBAR 14:13

Khannisian, Rengpa’n Mosia kuang, “Hi mipuihai hi Aigupta ram ata nangma sinthotheinaa ni ihruai suakhai an nia, hi mipuihai chunga ni sintho hi, Aigupta mihaiin inhria an ta,

JOHANA 12:28

“Ka Pa, nir hming chôiindôm roh,” a tia. Khanchu, irvân ata hnukirhai a zuang suaka, “Ki chôiindôm ta, la chôiindôm nôk mai ki ti,” a tia.

DÂN INHNINA 9:28

khano’nchu, Aigupta mihaiin, ‘Rengpa khan pêk a inkung ram kha nangni a ihruai intung zoi loi a ni; nangni a khôkmâk sikin ramchâra that hrangin nangni a ihruai suak a ni hi,’ tina’n ti.

JOSUA 7:10

Rengpa’n Josua kuang, “Thoiin lân, irnênga inbok mai ta no ro.

JOSUA 7:8

O Rengpa, Israelhai chu an râlhaiin an doi mai tâk sikin, chongna hrang khom nei ta loi kin ni hi.

1 SAMUELA 12:22

A chonginkung dettak sika hin Rengpa’n a mihai chu masan no nia, a mi ni hrangin nangni a len sâp tâk sika hin.