JOSUA 5:1 - PATHIAN LEKHABU IRTHIANG C.L. Bible (BSI)

¹ Jordan dung nitâk tianga om, Amor rênghai murdi le Mediteranean tuipui panga om Kanaan rama rêng murdihaiin Israelhai Jordan dung an irkân sûng chu vadunga tui chu Rengpa’n an kangtir ti an lei inhriatin an chia, an lei rot zit tâka.

JOSUA 5:1 Iomraidhean Croise

IRPHUTNA 12:6

Khan Abrama chu, kha rama Sekem hmun dênin, More tâng seso thing hmun dênin a fe zêla; kha zoro khan Kanaan mihai chu kha rama khan an lei oma.

IRPHUTNA 48:22

Hi khêla hin ni urêng danghai nêkin nang ki pêk intam, ki chemhring le ki thalngul, Amor-hai kuta ki ilâk pehai kha ni dongtum a ni sa,” a tia.

2 SAMUELA 21:2

Gibeon mihai kha Israel irchi ni mahaia, Amor mi la omsunhai, Israelhaiin hrung inzôk hranga chong an lei inkung pehai kha an ni. Khannisian Saula khan Israel irchihai le Juda irchihai hranga sathnem irngai sika that irhmang a lei itum ngai a ni.

1 RÊNGHAI 10:5

Solomona fâk zong an irfûk pe dân hai, a siahlohai omna inhai, rêng sinthotuhai sin irzêk dân hai, an tukfam sa lam dânhai, a enkoltu hai tukfam sa lam, tempila hâlirvôm thilinhlan a inei intam lamhai a hmu’n chu, a’rkhêl tiin a enhaia, a mit insim loi rakin.

EZRA 9:1

Khahai kha a’rzoiin chu, mi lianhaiin, “Israel mihai le ochaihai, Levi irchihai chu hitaka mihai leh hin ite danglamna boiin, Kanaan hai, Hit hai, Periz hai, Jebus hai, Amon hai, Moab hai, Aigupta hai, Amor hai sintho intirom an itho angin an thoa.

INPÂKNA HLAHAI 135:11

Amor-hai rêng Sihona le Basan ram rêng Oga le Kanaana rama mi murdi chu:

FESUAKNA 23:28

An laia khuaipui insua ki ta; Hiv hai, Kanaan mihai le Hit mihai chu irzûl indarhai an ti.

ISAIA 41:5

Chômbunghaiin ki sintho hmu an ta chi an ti, Kôlkunga omhai chu chi an ta inthing an ti. An irbuka, an hong irthok ta.

EZEKIELA 16:3

‘Rengpa pathian khan Jerusalem kuanga khan hiang hin a ti, ti ro: Ni suakna ram le ni’rzirna ram chu Kanaan mihai ram a nia, ni pa chu Amor mi a nia, ni nu chu Hit mi a ni.

EZEKIELA 21:7

Khan, ‘Ithoa mo ni inrûm?’ an ti’n chu, ‘A thurchi chu a hong tung tâk sikin ki irzal a ni. Mi murdi lungrîl zâm irzal a ta, an kut sahai kim a ta, thâiindôpin om an ta, irlo’nthingin om an ti,’ ti roh. Irngai ro, a zoro a hong tung tâk a ni,” Rengpa pathian thusuakin a ti.

DANIELA 5:6

Rêng kha a hmêl a hong danglama, a lungrîl a buai pea, a ke kut irnak boiin a oma, a’rzalpui tâka.

AMOSA 2:9

“Khannisianlân anni makunga Amor-hai, Sidar thing anga irsâng le thing sesua anga hrât khom kha ki’rhmangtira; a chung tiang ata a ra le a hnuai tiang ata a’rzung khom kin boitira.

NAMBAR 13:29

Amalek mihai chu sim tiang an oma, Hit mihai, Jebus mihai, Amor mihai chu tâng rama an oma, Kanaan mihai chu tuipanga le Jordan tuipanga an om,” tiin an hrila.

JOSUA 17:12

Hi khuaa omhai hi Manasea irchihaiin inhnotsuak thei mahai; khasikin Kanaan mihai chu an la om zêl a ni ta.

JOSUA 17:18

Tâng ram khi nin changtum hrang ni a ta, rampuipa ringot khom ni sian, tukdarh unglân a ram pumin inhnê roi, Kanaan-hai chu an thîr sakorhai leh hrât tak khomsian, inhnotsuakhai zit an ti,” a ti.

JOSUA 24:15

Rengpa sintho hi sa nin ti no’n chu nin irchibul pi le puhai ibiak, Mesopotamia ram pathianhai sin kha mo nin tho nuam, atûna nin omna rama mi, Amor pathianhai hi mo, a vuan hin nin nuam nuam inthang roi. Kei le ki insûng mihai rekin chu Rengpa sin hi a nih kin tho hrang chu,” a tia.

JOSUA 3:16

sak tiang ata tui zuang luang chu a chata, a hnâr tianga Zarethan bul Adama khopui dênin tui chu irbukkhômin a’rngama. Araba tianga tuipui thia luang lût ngai chu a kanga, a chat zita; mipuihai chu Jeriko khua kôl irdîn taka khan an irkân kâi tâka.

JOSUA 3:17

Israel mihai chu an rêngin irnêng châra Jordan vadung chu an irkâna; thuthung bôm irzôntuhai chu li laia khan irnêng châra mipuihai kâi zoi mâka chu an indinga.

THUPHUANG 18:10

A hremna kha tuang sa an chi sikin hla tak ata thîr an ta, “Babulon kho roiinpui le kho det, ni chung a rik! Ni chung a rik! Dârkâr khat sûngin te ni chunga roirêlna a itung tâk hi,” an tia.

ROIRÊLTUHAI 1:1

Josua thi hnungin Israelhaiin Rengpa an zonga, “Kanaan mihai doi hrangin kin laia tu nam hi mo kop masa tak hrang?” an tia.

ROIRÊLTUHAI 11:23

Rengpa Israelhai Pathianin Amor mihai ram a lâkpai pehaia, Israel mihai a ipêk chu, nangin neipai hrang ni itum ma ni?

ROIRÊLTUHAI 3:3

Kha namhai kha chu: Filistia rêng ringa hai, Kanaan mi murdihai, Zidon mihai, Lebanon tâng, Baal Hermon le Hamath khua lûtnaa om Hiv mihai an nih.

ROIRÊLTUHAI 4:2

Khasikin, Rengpa thuin Kanaan rêng Jabina’n Israelhai an hnêa, Hazor khuaa an lala, a sipai hruaitu chu Haroset-Goim-ah om Sisera a ni.

1 SAMUELA 25:37

Kha hnung chu zîng tiang Nabala inrui kha a hong harin chu, a dôngma khan kha thu kha a hong hrila; a lungrîl an thing pe raka, a hnang zuak tâka.