JOSUA 3:16 - PATHIAN LEKHABU IRTHIANG C.L. Bible (BSI)

¹⁶ sak tiang ata tui zuang luang chu a chata, a hnâr tianga Zarethan bul Adama khopui dênin tui chu irbukkhômin a’rngama. Araba tianga tuipui thia luang lût ngai chu a kanga, a chat zita; mipuihai chu Jeriko khua kôl irdîn taka khan an irkân kâi tâka.

JOSUA 3:16 Iomraidhean Croise

IRPHUTNA 14:3

Khahai murdi kha Sidim hual sûnga khan an irsan irhlôma (hi hual sûng hi Tuipui Al a ni.)

1 RÊNGHAI 4:12

Tanak le Megido Zerethan dep Zezreel hnuai, Beth-san ata Abela Mehola le Jokmeam dênin, Beth-san ram pumpui enkoltu chu Ahiluda nâipa Baana a ni.

1 RÊNGHAI 7:46

Rengin Jordan phâizôl Sukoth le Zereda kâra an chuangtira.

INPÂKNA HLAHAI 114:3

Tuikhanglian khan kha kha a hmua, a rota; Jordan dung kha inkîrtirin a om tâka.

INPÂKNA HLAHAI 114:5

O nang tuikhanglian ithoa mo laizâm ni itho? Nang Jordan, ithoa mo ni ikîr nôk tâk?

INPÂKNA HLAHAI 29:10

Rengpa chu tuisânglian lai khan rêngin a toia, A ni, Rengpa chu kumkhontuanga hrangin Rêngin a itoi a ni.

INPÂKNA HLAHAI 33:7

Ama khan tuikhanglian tuihai chu hmun khata a bukkhôma: Tui inthûk takhai chu siana hmun inhaia a siam sa ngai.

INPÂKNA HLAHAI 66:6

Ama khan tuikhanglian chu irnêng châr an changtira; Mihriamhai khan tuipui kha ke’n an kâia, kha khan ama chunga ei râi a fâna.

INPÂKNA HLAHAI 74:15

Nangma’n chu tuihnârhai le tuipûthai nin pût suaktira; Nangma’n chu tuipuihai nin kangtira.

INPÂKNA HLAHAI 77:19

Ni lampui chu tuikhangliana a oma, Ni lampuihai chu tui irzat taka a oma, Ni hnunghai khom hmu thei ni mah.

INPÂKNA HLAHAI 78:13

Tuikhanglian chu a’rsentir phata, an fetirhaia; Tuihai chu i i ei isia rum angin an ngîrtira.

FESUAKNA 14:21

Mosia’n Tuipui chunga a kut a phara; Rengpa’n zân sôtin nisua tianga phâivua a hong inhrângtira, Tuipui kha a sêm inkîrtira, khanchu Tuipui kha irnêng châr a hon changtira, Tuihai kha irsen chitin a oma.

FESUAKNA 14:22

Israelhai khan Tuipui sûng kha irnêng châr angin an fe tâka. Tuihai kha an chang tiang le vei tianga hrângin bang angin a hong om pehai tâka.

FESUAKNA 14:29

Khannisianlân, Israelhai rêk chu Tuipui sûnga irnêng châra khan an fesuak ving theia; tui kha an chang tiang le an vei tianga hrangin bang a hong chang pehai ta.

FESUAKNA 15:8

Ni hnâra phûkin tui an irhloma, Tuihai kha bang angin an indingtira; Tuipui inthûknahai khom a kang zoi ta.

ISAIA 50:2

Ki hong lai khan tûte’n ni uksak mak chêia, Nangni ki koi lai khan tûte’n ni sâm mak chêi; sansuakna hrangin ki kut a ibong mo nin isôn? Sansuak hrangin ki ihrât loi mo nin isôn? tuipui khom ki hala, a kang theia, Tuipuihai khom kin chârtir thei, tui a om no sikin nga an thia, an thu zoi ta.

EZEKIELA 47:8

Khanchu ki kuang, “Hi tuihai hi nisua tiang ata ram hi hroin Jordan phâizôla a lûta, khatak ata kha tuipui thia a luang lûta. Khan tuipui thia a luang lût tena chu kha tuipuia tui al kha tui irthiangin an changtir ngai.

NAHUMA 1:4

Tuikhanglian kha a halirchua, an kang inchârtira, tuidung tinrênghai khom an kangtir zoia: Basan ram le Karmel tâng kha a châr zoia, Lebanon tâng pârhai kha a ichuai a ni.

HABAKUKA 3:8

Rengpa chu ivadunghai chunga khan a milung a inchukloi ma ni? Vadunghai chunga khan ni ninginmurna kha a omin, Tuikhanglian chunga khan ni ninginmurna kha a iom ma ni? Ni sakorhai chunga khan chuangin, Ni saninhringna sakor tâlihaia khan ni ichuang hi?

NAMBAR 34:3

Sim tiang ramri chu Tuipui thi hekna rengata sak tiang pang ni a ta.

DÂN INHNINA 1:1

Hi hi Jordan dung sak tiang ramchâra Israelhai an om laia an kuang Mosia thu’nsîr irziakna bu a ni. Jordan dung phâi, Sufa irhôr Tofel khua, Labana khua, Hazerot khua, Dizahab khua hai le Paran ramchâr kâra an om lai a ni.

DÂN INHNINA 3:17

Kho thang tiang ri khi Jordan dung hi a nia, Galili dîl ata Tuipui Thi, Pisga tâng kôl ten a dêna.

JOSUA 12:3

An rama khan Jordan dung nisua tiang, Galili dîl ata thang tiang vadung phâi murdi, Beth-Jesimot, Tuipui Thi nisua tiang Pisga dênin a huap sa.

JOSUA 15:2

Sim tiang ramri chu Tuipui Thi sim tiang kil mongna tiang a’rphuta.

JOSUA 16:7

Khan Jona ata kha Atarot le Naara tiang a chum nôka Jeriko sunin Jordan-a a zu monga.

JOSUA 3:13

rammual pumpui Rengpa thuthung bôm irzôntu ochaihai kezapha Jordan tuidung an sir laiin, Jordan vadunga tui luang chu chat a ta, sak tiang ata tui hong luang murdi chu hmun khata irchunkhôm a ti,” a tia.

JOSUA 4:22

‘Hi zoroa hin Israelhaiin irnêng châra Jordan tuidung an irkân a ni’ tiin nin irchihai chu lan hriattirhai nin ti.

JOSUA 5:1

Jordan dung nitâk tianga om, Amor rênghai murdi le Mediteranean tuipui panga om Kanaan rama rêng murdihaiin Israelhai Jordan dung an irkân sûng chu vadunga tui chu Rengpa’n an kangtir ti an lei inhriatin an chia, an lei rot zit tâka.

ROIRÊLTUHAI 7:22

Gideona mihaiin bekul irzathum kha an tuma; Rengpa’n râlhai murdi chu anni le anni a’rtuktirhaia; Zarethan tiang Beth-sita dêna rot intân an oma, Tabat bul Abel-mehola ramri dêna rot intân khom an om.