JOSUA 22:5 - PATHIAN LEKHABU IRTHIANG C.L. Bible (BSI)

⁵ Rengpa siahlo Mosia’n dân nangni a ipêk kha zôm ngêt unglân, nin Pathian Rengpa chu lungthungin a thupêkhai chu zôm unglân, a nuamlam tho ngai unglân, ama chu iamoma kop indet khakin nin lungrîl murdi le nin irtha murdi’n a sin tho roi,” a tia.

JOSUA 22:5 Iomraidhean Croise

MATHAIA 22:37

Jisua’n a kuang, “ ‘Rengpa ni Pathian chu ni lungrîl murdi’n, nir tha murdi’n, ni lunginchongna murdi’n lungthung roh!’ ti hi,

FESUAKNA 20:6

Khan lung ni thunga ki thupêk zômtuhai chu an irchi sâng tamtak tena khom lungkham insua mai ki ti.

ROM KHUAA MIHAI KUANGA TÎRTÔN PAULA LEKHATHON 8:28

Pathian lungthungtu, ama inkung anga a ikoihai hrangin chu, an satna hrangin itinrêngin a tho pe ngai tih ei inhriat;

DÂN INHNINA 11:22

A thupêk nangni ki ihril murdi hi zôm unglân, tho ngai roi. Rengpa nin Pathian kha lungthung unglân, a nuamlam angin om unglân, ama kha chel khak roi.

FESUAKNA 15:26

“Rengpa ni Pathian hnuk irhâi kha ngûk takin irngaiin lân, a mit hmua a sa a iti murdi ni sina, ni pomin chu Aigupta mihai chunga hri ki inlêngtir ang khan ni chunga inlêngtir no ning. Keima hi Rengpa nang an damtirtu ki ni,” a tia.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

MATHAIA 4:10

Jisua’n a kuang, “Setan, rot pat ro, ‘Rengpa ni Pathian chu chubai mûkin lân ama sin vai tho ro,’ ti irziak a ni,” a tia.

ROM KHUAA MIHAI KUANGA TÎRTÔN PAULA LEKHATHON 12:9

Lungthungna chu vârillekna kop loiin ni ri se. Sual chu khôkmâk unglân, a sa kha pom khak roi.

ROM KHUAA MIHAI KUANGA TÎRTÔN PAULA LEKHATHON 1:9

Ki chongchainahai khan nangni kin hriat mai ngai a ni, a dik taka a Nâipa Thurchi Sa insîrin ki lungrîl murdi’n a sin ki tho ngai, Pathian kha nin hriatpuitu a ni.

TÎRTÔNHAI SINTHO 27:23

A ta ki nia, a sin ki tho ngai, Pathianin vântîrtôn inkhat zânin khan a zuang tîra, ki kuang a zuang ngîra,

TÎRTÔNHAI SINTHO 11:23

A zu tungin chu Pathian lungkhamna sintho chu a hmua, a sân a lôma; Iamom taka Rengpa chel khak ta hrangin an rêngin an thorhaia.

JOHANA 14:15

“Nangni’n lung nin ni thungin chu, ki thupêkhai zôm nin ti.

LUKA 1:74

Ei râlhai ata a ni sana, chi loia a sin ei tho theina hrang thu kha.

MATHAIA 6:24

“Tûte’n hruaitu inhni sin irkop thei no nihai, inkhat hnôlin, inkhat indit an ta; aninole inkhat irngaiinnat an ta, inkhat hmusit an ti. Pathian sin le sum sin irkop thei no chin ni.

ISAIA 55:2

Khop liama om loi hrangin, nin sum nin inchêk ngaia! khopna ni loi hrangin nin irnak nin paia, ki thu hi irngai roi, thil sa tui zât murdi nin inuam tak nin fâk theina hrangin.

INPÂKNA HLAHAI 106:3

Roirêlna vong insahai chu an vân a sa e, Itiklai khoma fel taka thotu leh.

DÂN INHNINA 11:13

Khanchu, a vuana nangni ki ihril thupêkhai hi zôm roi, Rengpa nin Pathian hi lungthung unglân, a sate’n a sin tho roi.

DÂN INHNINA 11:1

Khan, Rengpa nin Pathian kha lungthung unglân, a thu zôm unglân, a thu’nkunghai, om hrang dân a itihai, a thupêkhai zôm mai roi.

DÂN INHNINA 6:17

Rengpa nin Pathian thupêk kha kuluk takin zôm unglân, a thu inhriattir le a chonginkung nangni a ihril kha zôm ngai roi.

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

HEBRAI toc2 HEBRAI 12:15

Tûte Pathian lungkhamna ata kîr nôk loia, thingkung khâ hong inchera, a tûr sika buaina tamtak insua anga mi om loi hrangin en zit roi.

JOHANA 12:26

Tukhom ki sintho nuam murdi’n chu ni zui ngêt ri se, ki sin thotu chu ki omnaa a om sa theina hrangin. Tukhomin ki sin tho chu ka Pa’n chôiindôm a ti,” a tia.

THUVÂRHAI 4:23

Thil dang nêkin ni lungrîl vêng insa ro; hringna hong suakna kêng a ini.

1 SAMUELA 12:24

Rengpa chu chi phot unglân, nin milung murdi’n ama sintho unglân, nin laia a sintho roiinpuihai le nin milung sûnga vong mai roi.

1 SAMUELA 12:20

Khan Samuela’n mipuihai kuang, “Chi no roi, hi thil saloi hi a tho chu nin lei tho tâka, khannisianlân Rengpa nin izui hi pêtsan ual no unglân, nin milung murdi’n Rengpa sin chu tho mai roi.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.

JOSUA 23:8

Rengpa chu iamom takin atûn ten nin kop indet ang hin kop indet khak roi.

DÂN INHNINA 13:4

Rengpa nin Pathian hnung kha zui unglân, a sin kha tho roi.

DÂN INHNINA 10:20

Rengpa nin Pathian kha chi unglân, a sintho unglân, ama kha chel khak roi; inkungna hrangin a’rhming vai sâm ngai roi.

DÂN INHNINA 4:9

Khanchu, irdîn unglân, nin mit ngeia nin thil hmuhai kha nin dam sûnga nin irnghil loina hrangin irnak song unglân, nin nâi le te khom, nin tuhai khom, hrilhai ngai roi.

DÂN INHNINA 4:6

Hi dânhai hi uksak unglân, zôm khak roi; nam danghaiin an inhriat tika, ‘Hi nam hi nam vâr tak le changkâng tak an lei ni hi te,’ ti an ta, nin vârzia le nin changkâng bîkzia inhria an ti.

DÂN INHNINA 4:4

Nangni Rengpa chel ngittuhai rêk chu atûn ten nin la dam hi te.

JEREMIA 12:16

Ki mihai chu Baal irhming songin chonginkung an lei irchutir ngaia, khaang takin, ‘Rengpa mihring’ irhming songin chonginkung an irchu tika ki mihai omdân lan lang a ta, an laia kop sa an ti.

THUPHUANG 15:3

Pathian suak Mosia hla le Belrate hla an saka, “Rengpa Pathian Itinrêngthothei, Ni sinthohai chu a roiinpuiin ar khêl tak tak! Nangma chu nam tinhai laia Inlaltak, Ni lampuihai chu a felin a dik tak tak!

FESUAKNA 23:25

Rengpa nin Pathian chu chubai nin mûka niin chu bu le rotuiin sat nangni vur ki ta, nin lai ata natna irkiangtir ki ti.

DÂN INHNINA 4:29

Khannisianlân, kha ram ata kha Rengpa nin Pathian kha a sân nin chia, lungrîl murdi le ama nin zongin chu hmu nôk nin ti.

DÂN INHNINA 5:10

lung ni thunga ki thupêk zômtuhai rêk chu an irchi, a sâng sâng dên chunga khom khâzana ki nei ngai a ni.

INPÂKNA HLAHAI 78:7

An sabeina chu Pathiana an irnghat theia, Pathian sinthohai chu irnghil mahaia; A thupêkhai chu an zôm ualna hrangin.

FESUAKNA 23:13

Keima Rengpa nin kuang ki itih murdi hi lunghnâng tho roi, Pathian dang laia chu chongchai no unglân, an irhming lua sâm no roi.