JOSUA 10:3 - PATHIAN LEKHABU IRTHIANG C.L. Bible (BSI)

³ Khasikin, Jerusalem rêng Adoni-zedeka’n Hebron rêng Hohama hai, Jarmut khuaa rêng Pirama hai, Lakis rêng Jafia hai, Eglon rêng Debira hai chu chong an thuana.

JOSUA 10:3 Iomraidhean Croise

IRPHUTNA 23:2

Khan Sari chu Kanaan ram Kiriath-arba khuaa khan a thia, (hi hi Hebron khua a ni): khan Abrahama chu Sari chûlpuia châ hrangin a honga.

IRPHUTNA 37:14

Khanchu, “Va fe’n lân, ni uhai chu an dam le damloi thu, kêlhai khom va eninfelin lân, an thurchi ni hon hril nôk ro,” a tia. Khanchu Hebron phâi ata a tîr suaka Sekem chu a va tung ta.

2 SAMUELA 2:11

Davida’n Hebron khuaa khan Juda irchihai chunga kum sari le tha ruk roi a irêl a ni.

2 RÊNGHAI 18:14

Lakis khua Senakeriba khuaa om chu Hezekia’n, “Thil ki lei itho indik loi kêng a ni ta. Ni rotsan ta ro, ni izong tak nang pe ki ti,” tiin lekha a thona. Assuria rêngin sumru her sîngkhat le rângachak her sângkhat chôi ro, a ti pea.

2 RÊNGHAI 18:17

Assuria rêngin Jerusalema Hezekia doi hrangin sipai tamtak a tîra, sipai hruaitu lian inthum, Tartana, Rab-saria le Rab-sakea hai a hruaihaia. Jerusalem an hong tungin chu dîl sak tiang ata tui lama puan irsûkna hmun fena lama khan an oma.

2 THURCHI SUINA 11:9

Adoraim hai, Lakis hai, Azeka hai,

JEREMIA 34:7

Babulon ram rêng sipai pâlin khopui an doi lai taka khan, Judai rama khopui kul nei a la omsun Lakis le Azeka khom kha sipai pâlhai khan an doi saa.

MIKA 1:13

O Lakis mi, tâli kha sakor hrâta khan kop ro; hi hi Zion nâinu sualna bulpui a ni, Israelhai tho’nsualna kha nangmaa hin a lei iom a ni.

NAMBAR 13:22

Sim tiang khan an fe baka, Hebron an va tunga, khataka khan Anaka irchihai Ahimana mihai, Sesai mihai, Talmai mihai an oma. (Hebron chu Aigupta rama Zoan om mâna kum sari mâna lei om a ni ta.)

JOSUA 10:1

Kha lai khan Jerusalem khuaa rêng chu Adoni-zedeka a nia, Josua’n Ai khua a lâka, an siat chit thuhai, Jeriko le an rêng a ihrem ang khan Ai khua le an rêng a hrem ti thuhai a lei inhriata; Gibeon mihai khomin Israelhai leh irngeina thuthung an neia, an laia an kop sa ta tihai a lei inhriat sa nôka.

JOSUA 10:23

Khanchu, Jerusalem rênghai, Hebron rênghai, Jarmut rênghai, Lakis rênghai le Eglon rênghai chu khur ata an hong hruai suakhaia.

JOSUA 10:34

Josua le Israelhai chu Lakis ata Eglon khuaa an fea, an irhuala an doia.

JOSUA 10:5

Amor mihai rêng ringa, Jerusalem rênghai, Hebron rênghai, Eglon rênghai chu an irruala, Gibeon khua chu an irhuala an doi tâka.

JOSUA 14:15

Tianlai khan Hebron chu Kiriath-arba ti a ni ngai, Arba khua tihna a ni. Arba chu Anak mihai laia khan rêng roiinpui tak a nia. Ram chu hoi takin a om tâk.

JOSUA 15:54

Humta, Hebron, Zior, an kôlvêla khuahai leh khopui kuak a ni.

JOSUA 15:63

Juda irchihaiin Jebus-hai, Jerusalema omhai chu inhnotsuak zoi mahai. Juda irchihai leh Jebus-hai chu atûn ten hin an la om mai a ni.

JOSUA 18:28

Zela Haelef hai, Jebus hai (Jerusalem an ti sa), Gibea hai, Kiriath-jearim hai, an kôlvêla khua omhai leh khopui sômkhat minli a ni. Hi hi Benjamina irchi insûngkua tina dongtum khuahai chu a ni.