DANIELA 9:2 - PATHIAN LEKHABU IRTHIANG C.L. Bible (BSI)

² a roirêl kum khatna khan, keima Daniela’n lekhabua chuang deipu Jeremia kuanga Rengpa thu zuang tung, Jerusalem siatna tung hrang a inkung kumhai chu kin hriat thei tâka, kum sômsarina chu.

DANIELA 9:2 Iomraidhean Croise

2 THURCHI SUINA 36:21

Jeremia bâia Rengpa thu lei hril chu, Kum sômsari sûng chu nin ram châr a ta, a iti kha a hong itung a ni ta.

EZRA 1:1

Persia rêng Kura inlal kum khatna deipu Jeremia hmanga a lei ihril tâk kha Rengpa’n an tungtir tâka. Ama thupêk, a ram pumpuihai inhriat hranga tep suak hrangin Rengpa’n Kura lungrîl an thor pea.

INPÂKNA HLAHAI 119:24

Nangma irchutirna thuhai chu ki lômna a nia; Roi ni izêk petuhai khom an ni.

ISAIA 64:10

Ni kho irthianghai chu ramchâr a chang zoi ta, Zion khua chu ramchârna hmun a chang zoi ta, Jerusalem khua chu a ram zoi ta.

JEREMIA 1:1

Hi lekhabu hi Benjamina ram sûnga Anathot khuaa ochaihai laia inkhat Hilkia nâipa Jeremia thu’nsîr chuangna a ni.

JEREMIA 25:18

Jerusalem le Judai ram khopuihai chu, an rênghai le an hruaituhai leh khan ramchâr thil irkhêl inlaina an ni theina hrangin le mihaiin an irhming kha khomâksâmna hranga na hmang theina hrangin, atûn tena an la ihmang ngai ang hin annihai chu hi khilât ata lei in intirhai hi a ni.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

JEREMIA 27:7

Nam tinrênghaiin a sin tho an ta, a nâi le a tûhai dênin, an naminrîl zoro a tung mâka chu, a sin tho pe an ti: kha zoiin chu nam tamtak le rêng tamtak sin an panam pumpuiin tho ta an ti.

JEREMIA 29:10

“Khan Rengpa’n, ‘Babulon rama kum sômsari a hekin chu, nangni ngaisaka, in tianga nangni hruai kîr nôk hranga ki chonginkung thangsua ki ti.

JEREMIA 7:34

Ram chu ramchâr inchang a ta, Juda khopuihai le Jerusalem kholâihaia raifân le lômin hri inboitir ki ta, irneina hruaithe irhâi hoihai ten lua inmongtir ki ti,” a tia.

CHAP HLA 1:1

E he! Jerusalem khua irhming satak ni ngai kha te, a lei siat rem rum ta ngaia! Nam tinhai irngaiirsâng lei ni ngai kha meithâi angin te a om tâka. Khua roiinpui tak lei ni kha, siatin te a om tâka.

EZEKIELA 29:11

Mihriam mani, ramsa mani khom, kha khan inlôi thei ni no nihai, kum sômminli sûng chu tûte lua thei ni no ni.

DANIELA 9:3

Bu ngheiin, bora puan hai, vâiphin irthua chongchaina le zongin, Rengpa Pathian tiang ki hor heia.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

ZAKARIA 1:12

Khataka Rengpa vântîrtôn khan a sâma, “O sipaihai Rengpa, Jerusalem le Juda khopui chunga, hi kum sômsari ni ninginmurnahai hi i dôr ten mo lung ni inkham loi hrang?” a tia.

ZAKARIA 7:5

“Hi rama mipuihai le ochaihai kuang hin hiang hin hril ro, kum sômsari sûng tha ringana le tha sarina bu an inghei hi keima ta hranga an inghei ni mah.

MATHAIA 24:15

“Khanchu, intakna ichiom porinche tak, deipu Davida lei insîr kha hmu nin ta, hmun irthianga khan ngîr hmu nin ti,” (khan a tep murdi’n chu a omzia inhre ri se).

MARKA 13:14

“Intakna ichiom tak kha a ngîr nona hranga a ngîr la hmu nin ti, (a teppu dôrin a omzia inhre ri se) kha tika chu Judai rama omhai kha tânga laizâm tho ri sehai.

TÎRTÔNHAI SINTHO 8:34

Khan, thainuzel khan Filipa kuang “Deipu hin tu thu mo a insîr, ama thu mo, mi dang thu mo? Ni hril ta,” a tia.

1 TIMOTHEA toc2 1 TIMOTHEA 4:13

Ki zuang mân chu vântâng laia Pathian thu tep hai, thuhril hai, irchutirna hai lei uar roh.

THUPHUANG 1:3

Hi lei hrilna bu teptu le ar ngaihai le a sûnga thu om zômhai chu an vân a sa! Hihai murdi tungna hrang zoro hi anai tâk sikin.