DANIELA 8:8 - PATHIAN LEKHABU IRTHIANG C.L. Bible (BSI)

⁸ Kêlchalpa kha lian le hrât ar ti lai takin, a’rki roiinpuitak kha a kiak pea; ama irthûla khan irki dang inlâr ual minli, kôlkung minli irhîlin a hong suak nôka.

DANIELA 8:8 Iomraidhean Croise

2 THURCHI SUINA 26:16

Reng Uzia chu a roiinpui ok zoiin chu, a’rsong pehaia, a isiatpuina chu a ni. A Pathian Rengpa thu poi ti loiin mirimhoi hâlna dokânga mirimhoi hâl hrangin tempila a lûta.

ESTHERI 9:4

Ram pumpuia Mordekaia chu ircham a hong nei ta, ti mi tinin an inhriat tâka, a hong inlal ual ual tâk a ni.

JEREMIA 49:36

Kil tina irthokin Elam chu phâivuahaiin sêm ki ta, ram inkhat lua an invâi loina a om mâka chu, a mihai kil tina in thekindartirhai ki ti.

JEREMIA 5:27

Sekâr thotuhaiin kok sûnga vatehai an ithun insip angin, an inhai chu inru thilin an insip a ni. Khasika khan kêng sin tho thei le irchong an nia,

EZEKIELA 16:7

Ramhnuaia hloisûl hloi hnâ angin nang ki don inliana, ni hong irsôn hlut hluta, ni hmêl khom a hong sa tiai tiaia, ni’rhnutehai a hong oma, ni samhai khom a hong saa, khannisian korongboi ang mai ni la ni.

EZEKIELA 28:9

Nang that hrangin an zuang tena khom pathian angin ni la irbe mai hrang ma ni? Nang a that hrangtuhai kuta chu Pathian ni loiin mihriam kêng ni ini kha.

DANIELA 11:4

A hong suak ata chu a ram chu irsem ni a ta, kôlkil minlia hin irsem ni a ti, ar chihai hrang ni loiin, a thunei laia a irêl ang ni loiin; a ram chu a mihai hrang ni loiin, mi danghai hrang sutpai ni a ti.

DANIELA 4:31

Kha thu kha rêng hmûra a suak lai takin, irvân ata irhâi a hong suaka, “O rêng Nebukadnezara ni kuang thu a hong tung: inlalna ram khan nang a mâksan ta.

DANIELA 5:20

Khannisian a lungrîl irsongin, a milung a ngara, mualinphoiin a oma, a roiinpuina chu a lâkpai pea;

DANIELA 7:2

Daniela’n zân inlârna khan hmu ki neia, irngai ro, kôlkung minlia phâivua hi tuipui lian taka ang khan a hong hrânga.

DANIELA 7:6

Kha irzoiin chu ki ena, irngai ro, a dang kâmkeite anga om a hnung tiang va mitha nei minli angin a oma, ama hin lu khom minli a neia, a kuanga khan roirêlna pêk a nia.

DANIELA 8:22

khan irki kiakna hmuna minli hong suak kha chu, kha nam ata kha ram minli la hong ngîr suak a tih tihna a ni, a sinthotheinahai leh ni loiin.

DANIELA 8:5

Ki’rngaitua lai takin, irngai ro, nitâk tiang ata irthokin irnêng pumpui chunga hin kêlchal a hong pûta, irnêng khom tôn loiin; kha kêl khan a mit le mit kâr taka hin irki a neia.

DANIELA 8:7

Belrachal kha a’rtet rakin ki hmua, a ning an mur pe oka, belrachal kha a tâia, a’rki inhni kha an khiakpai pea, ama doi hrangin belrachal kha ite a hrâtna om pe ta maka; irnênga irtettirin a sirpha tâka, belrachal kha a sansuak thei tûte om mahaia.

MATHAIA 24:31

Bekul inring tak tum ni a ta, khanchu, a vân vântîrtônhai kha rammual kil minlia tîr suakhai a ta, kôlkung rengata kiang tianga kôlkung dênin a mi inthanghai chu bukkhômhai an ti.

MARKA 13:27

Kha tikin chu kôlkung ata kiang tianga kôlkung dêna rammual kil minli sûng ata Pathian mi inthanghai bûm hrangin vântîrtônhai tîr suak a ti.

DÂN INHNINA 31:20

An irchibulhai kuanga pêk ki inkung, khuaihlutui le dûttui luangna rama khan nangni hruai intung ngêt ki ti. Nuam dôr fâk hrang nei mai an ta, mar lu lul an ta, pathian danghai tiang irheiin chubai mûk ual ta an ta; ni hnuaisia’n ki thuthunghai kha tho’nchâi an ti.

THUPHUANG 7:1

Kha irzoiin chu, muanga le tuikhangliana le thingkunghai rêng rênga phâivua a tho ta loina hrangin phâivua chela irnêng kil minlia ngîr vântîrtôn minli ki hmua.