DANIELA 8:3 - PATHIAN LEKHABU IRTHIANG C.L. Bible (BSI)

³ ki mit ki hong inlêngtira, ki hong ena, irngai ro, tui kôla khan kêlbelrachal irki inhni nei a ngîra; ar ki inhnihai chu an seia; inkhat kha a sei ual bîka, ar sâng ual kha a mông inhnung ual a nia.

DANIELA 8:3 Iomraidhean Croise

1 THURCHI SUINA 21:16

Davida’n a hong ena, Jerusalem insiat hrang vântîrtôn khandai chôi, irnêng le irvân kâra ngîr a hmua, Davida le mipui hruaituhai khan bora puan an sil vinga, hnuai enin an kûna.

EZRA 1:2

“Persia rêng Kura’n hiang hin a ti, ‘Rammuala ram murdi chu Rengpa irvân Pathianin a ni pêk ta; khan Judai rama Jerusalema in sin hrangin thu a ni pêka.

EZRA 4:5

Persia rêng Kura inlal sûng chu, Persia rêng Daria inlal dênin an sintumhai sin thei loi hrangin a hrilpui hrang irbe’n an om ta.

ESTHERI 1:3

Reng a chang kum thumna khan a rama mi lianhai, a sinthotuhai Persia le Media sipai hruaituhai, bial tina ram optuhai le rêng nâihai le mi felhai ta hrangin hruai an thêa.

ISAIA 13:17

Babulon doi hrangin Media mihai kin phûthaia, sum irzuk loiin, rângachak khom lôm no nihai.

ISAIA 21:2

Intângna in ichiom tak a ni’rhmutira, kâng inzôina tui a’rsok but buta, inrûk ngaituhaiin an inrûka, Elam sipaihai, imo nin la ien mai, Media sipaihaio, kulhai kha doi ta roi ba, mi dang charindongtirtuhai chu inhek paihai ki ti.

ISAIA 44:28

Kura kuanga khan, “Ki belra enkoltu ni ni, ki thiltum chu hlo nin chuk pe ro, Jerusalem siaminsa nôk sianlân, Tempil sinna hrang lung inphûmtir ro,” ki ti saa.

JEREMIA 51:11

Rengpa’n Babulon ram chu insiatchit a tum sikin, Media rênghai a intorhai dîm a ni ta, hiang hin a nia, tempil siatna kha phuba a lâk hrang dân chu. A doitu sipai ulianhai khan thu an pêka, “Nin thalhai intât inngaih unglân, nin phohai siam diam ta roi.

DANIELA 10:5

ki mit ki hor heia; irngai ro, mi puanze irhmia irvo, a konga Upaz rângachak irthianga irkhit hi a oma:

DANIELA 2:39

Khan ni hnunga hin ram dang mi nangma nêka chîn ual hong lian a ta; khan, dâr, ram inthumna irnêng murdia roirêl hrang chu om nôk a ta.

DANIELA 5:31

Khan Daria Midian mi khan ram chu a ilua a ni ta. Ama chu kum sômruk le kum hnia mi a ni.

DANIELA 6:28

Kha tena chu Daniela hi Daria roirêl lai le Persia mi Kura roirêl lai chu lam tinrênga a inchumtir tâk a ni.

DANIELA 7:5

Sa dang inhnina chu savom anga omin, hi tiang a kehai leh a ngîra, a bâia hin kângru inthum a oma, a sê khokhaia, thoiin lân taksa nei fa’n tam ro, tiin an hrila.

DANIELA 8:2

kha inlârnaa hmu ki inei chu hiang hi a nia, ki hmu lai khan Elam biala Susan khopuia rêng ina ki oma; Ulai tui kôla ki oma,

DANIELA 8:20

“Belrachal irki inhni nei ni ihmu kha Media le Persia rêng an nia,

ZAKARIA 1:18

Khan, ki mit ki hong inlêngtira, ki hong ena, irki minli ki hmua.

ZAKARIA 2:1

Khan, ki mit ki hong inlêngtira, ki hong ena, mi inkhat a kuta irkhîna chôi hi ki hmua,

ZAKARIA 5:1

Khanchu ki hei thîr nôka, boiruaka lekha irzuat vuang lai hi ki hmua.

ZAKARIA 5:5

Khanchu vântirtôn chu a zuang inlang nôka, “En ro, thil i ma ni a zuang,” a tia

ZAKARIA 5:9

Khanchu irvân tiang ki hei ena, nupang inhni hi keima tianga zuang vuang hin ki hmuhaia, phâivosimphûr hrât anga mithahai hi an neia. Khanchu bôm kha hrût likin an vuangpui tâka.

ZAKARIA 6:1

Khanchu inlârna ki hmu nôka, sumsen tâng inhni kâr ata hi sakor tâli minli hong suak hi ki hmua.

NAMBAR 24:2

Khan Balaama’n Israel irchihai chu ama panama an om kha a hmuin chu, Pathian irtha a chunga a zuang tunga,

JOSUA 5:13

Josua chu Jeriko khua kôla a om laiin mi an envêla, mi inkhat, khandai chôi hi a matona a lei inding a hmua. Josua’n a va pana, “Keini tianga sipai mo ni inih kin râl mo ni ini?” a tia.

THUPHUANG 13:11

Khan sahrâng dang irnêng ata hong suak ki hmua. Belrate irki angin irki inhni a neia, dragon angin a chonga.

THUPHUANG 5:6

Kha hnung chu, rêngtoihmun inlaina tak, thilhring minlihai le upahai irhîlin Belrate ngîr that tâk anga inlang, irki sari le mit sari nei ki hmua; kha mit sarihai kha chu Pathian irtha sari, irnêng chung pumpuia tîr suakhai kha an ni.