DANIELA 7:1 - PATHIAN LEKHABU IRTHIANG C.L. Bible (BSI)

¹ Babulon rêng Belsazzara kum khatna khan Daniela’n irmang a neia, a zâlhmuna a ihmu chu, khan a’rmang chu a’rziaka, a tângpuiin an sîra.

DANIELA 7:1 Iomraidhean Croise

IRPHUTNA 15:1

Kha zoiin chu Abrama kuang Pathianin, “Abram chi no ro, kei hi ni pho le lômman hlutak ki ni,” tiin Rengpa thu chu irmang angin an hriata.

IRPHUTNA 46:2

khan Pathianin zâna a’rmang tiang Israel chu a chongpuia, “Jakob, Jakob,” a tia. Ama’n, “Hin ki om,” a tia.

JOBA 4:13

Zân dâichit lai taka, zân inlârna kha ki ngaitua laiin,

ISAIA 30:8

Fe’n lân, an mit hmu ngêta irziakna khan irziak ro: kumtuanga inhriat maina hrangin lekha bua irziak lût roh.

ISAIA 8:1

Rengpa’n ki kuang, “Irziakna hrang a phêk liantaka lan lân, mihai tep thei hrangin ‘Maher-salal-Khas-Baza hrang’, ti thîr irzum leh irziak ro,” a tia.

JEREMIA 23:28

Irmang nei deipu khan irmang papai a nih ti inhre ri se, khan deipu, ki chongbe inhriattu khan dik takin a inpuang hrang a ni. Fapôl le bu’rmal hin imo irangna a nei.

JEREMIA 27:7

Nam tinrênghaiin a sin tho an ta, a nâi le a tûhai dênin, an naminrîl zoro a tung mâka chu, a sin tho pe an ti: kha zoiin chu nam tamtak le rêng tamtak sin an panam pumpuiin tho ta an ti.

JEREMIA 36:32

Khanchu lekhabu inzuat dang ki lâk nôka, ki ziaktu Baruka chu ki pêka, ki iti pe kai a lei irziaka. Lekhabu inzuat matona chuang murdi ki lei isâm pe tâk le chongbe ir-anghai a’rziak tâka.

JEREMIA 36:4

Khaang khan Neria nâipa Baruka chu ki koia, ki kuang Rengpa thu’nsîr a rêngin kin sîr pea, khahai kha Baruka’n lekhabu irzuata a lei irziaka.

EZEKIELA 1:1

Kum sômthum kuma, tha minlina, tarik ringa nî’n Babulon rama Kebar dung kôla Judahai sal intâng laia ki om sa laiin irvân ar honga, Pathian inlârna ki hmua.

EZEKIELA 40:2

Pathian thil lei hmûna sikin Israel rama a ni hruaia, tâng irsângtak sim tianga khopui hoitak ki hmua, kha khan a nin sum tâka.

DANIELA 1:17

Khanchu hi ruatharte minlihai hin theina le vârna murdi le inhriatna le bengvârna, Pathianin a pêkhaia. Daniela’n inlârna le irmang murdi omzia an hriat thei tâka.

DANIELA 2:1

Nebukadnezara roirêl kum hninaa khan, Nebukadnezara’n irmang a neia; a lungrîl a buai pea, in thei loiin a oma.

DANIELA 2:26

Rêngin Daniela, ar hming Beltesazzara kuang khan, “Irmang ki nei nôka a omzia mo ni hril theiin?” a lei ti pea.

DANIELA 4:13

Ki zâlna rengata inlârna khan a hong ena, irngai ro, irvân ata enkoltu, mi irthiang a zuang suaka,

DANIELA 4:5

Irmang ki ichitak ki phana; ki zâlhmuna ki ngaituana le ki lua inlârna khan a nin buaia.

DANIELA 5:1

Khan zân khat chu rêng Belsazzara’n hruaithe mi sângkhathai hrang lian takin an thea; an kôla khan uain a ina.

DANIELA 5:22

Khan nang a nâipa, o Belsazzara hihai hi nin hriat khoma, ni lungrîl irhnuaitir loiin,

DANIELA 5:30

Kha ni zân khan Kaldai rêng Belsazzara chu that a ni ta.

DANIELA 7:13

Zân inlârnaa khan irngai ro, vân sûmlâia zuang mi inkhat mihriam nâipa anga om ki hmua, kumtuanga om pa kuanga khan an hong hruaia.

DANIELA 7:15

Khan kei Daniela hi ki taksa chunga hin ki lungrîl a sôla, ki lua inlârna ki ihmuhai hin a nin buaia.

DANIELA 7:7

Kha zoia inlârna khan, irngai ro, sa minlina chu sa irkhêltak le ichiom tak ki hmu nôka; thîr ha roiinpuitak neia, a ei chut chuta, an pot thêrhaia, a ifâk mihliahai chu a sirphahaia: matona sa danghai nêkin chu danglam tak a nia, irki sômkhat nei a nia.

DANIELA 8:1

Khan rêng Belsazzara roirêl kum thumnaa khan inlârna a voihnina chu ki hmua.

JOELA 2:28

Kha zoi tika chu hiang hin ni a ta, mi murdi chunga ki’rtha buak ki ta; khanchu nin nâipahai, nin nâinuhaiin ki thu hril an ta, nin putarhaiin irmanga phan an ta, nin ruathartehaiin inlârnahai hmu an ta:

AMOSA 3:7

Dik takin Rengpa pathian khan a sinthotu, a deipuhai kuang a thu’rthup hril loiin ite tho no ni.

HABAKUKA 2:2

Khan, Rengpa khan hiang hin a ni sâma: “Inlârna kha irziakin lân, a teptu’n intân puma a tep thei dôra felin lung phêk chunga irziak roh.

NAMBAR 12:6

Ama’n, “Ki thu hi irngai roi, nin laia deipu nin oma ni’n chu, keima chu an ni kuang inlâr ki ta, an irmang tiang chongpuihai ki ti.

ROM KHUAA MIHAI KUANGA TÎRTÔN PAULA LEKHATHON 15:4

Pathian Lekha thua lei irziak tâk rêng rêng chu nir chutir hranga irziak a ni, thu irziak ata dorôina le irtharngamna ei dong zâra sabeina ei nei theina hrangin.

2 KORINTH 12:1

Ki irsong hrang rêng rêng a ni, ite ar fêna a om no hrang khomin. Khannisianlân, atûn Pathianin inlârna a ni irhmu le thu phuang hrang a ni ipêkhai kha insîr ki ti.

THUPHUANG 1:19

Khasikin ni thil hmuhai, atûna omhai le hi inhnunga la hong om hranghai hi irziak roh.

THUPHUANG 10:4

Kha khonri sarihai khan an rôl an insua zoi le chu irziak ki tuma. Khannisianlân, “Khonri sarihai chong kha ip chian roh, irziak no roh,” tiin irvâna irthokin hnukirhai kin hriata.