DANIELA 3:1 - PATHIAN LEKHABU IRTHIANG C.L. Bible (BSI)

¹ Rêng Nebukadnezara’n rângachak millim, a’rsânglam mûk sômruk, a khang lian mûkruk a isiam, Babulon biala Dura phâizôla a siaa.

DANIELA 3:1 Iomraidhean Croise

1 RÊNGHAI 12:28

Khaanga thil ar ngaitua zoiin chu, rângachakin sehrâtte irlim inhni a siama, a mihai kuang khan, “Nin ta hrangin Jerusalema fe mai mai nangni an tak pe hrang sikin, hi hi nin Pathian, Aigupta ram ata nangni hruai suak kha a ni hi,” a tia.

ESTHERI 1:1

Reng Ahasuera’n India ram rengata Sudan dênin ram bial, irzakhat sômhni sari chunga roirêltu a chang laia hi thil hi a hong itung a ni.

INPÂKNA HLAHAI 135:15

Nam danghai millimhai chu tangka le rângachak an nia; Mihriamhai kut suak an ni.

FESUAKNA 20:23

Sumru mo, rângachakin mo, nangni hrang siam no roi, keima ti no chu chubai mûk hrang ite siam no roi.

FESUAKNA 32:31

Mosia chu Rengpa kuang a kîr nôka, “Hi mihai hin sual ichiom tak an lei tho tâka, rângachak tui leh millim an siama, Pathian angin chubai an lei imûk a ni ta.

ISAIA 2:20

Kha nikhua kha a hong tungin chu, an ibiak tangkaruaa siam millim le rângachak millim, an isiamhai chu a bong a bûiin pai suakhai an ti.

ISAIA 30:22

Nin tangkarua tuamna le rângachak inluan millimhai chu intirom ti nin ta, pai nin ti, pai zoi a ni tah la ti nin ti.

ISAIA 46:6

An hmarsa ata rângachakhai kêlsua an ta, tangkaruahai varh an ta, kut theithiamhaiin pathian illim siam an ta, kûnin chubai an mûk tâka.

JEREMIA 10:9

An millimhai chu Spain rama irthokin tangka le Ofir rama irthokin rângachaka inluan kut sintheihai kutsuak a ni. Puan không theihai ikhông puan dum le senduk sil an nia.

JEREMIA 16:20

Mihriamin Pathian a isiam thei hrang ma ni? Thei no ni, a theia ni’n chu, Pathian diktak an ini loi hrang a ni,” ti an ti.

DANIELA 2:48

Khanchu rêng khan Daniela kha a donsuia; thilpêk roiinpui tamtak a pêka, Babulon ram bial pumpuia roirêl hrang le Babulon mi vârhai murdi chunga a hruaitutak ni hrangin a sia tâka.

DANIELA 2:49

Khan Daniela izong angin rêng khan, Sadraka, Mesaka le Abednego-hai chu Babulon bial chungchânga hruaituin a siahaia, Daniela rêk chu inlaltak roirêlna khan a om ta.

DANIELA 3:14

Nebukadnezara’n an kuang, “O Sadraka, Mesaka le Abednego, ki pathian sintho loia, ki rângachak millim siam hi chubai mûk loi nin itum ma ni?

DANIELA 3:30

Khanchu rêng khan, Sadraka, Mesaka le Abednego-hai chu Babulon biala khan an liantirhai ta.

DANIELA 5:23

irvân Rêngpa nêkin ni lian uala, a ina bûr bêlhai ni lâka, nang le ni mi lianhai ni dôngma le ni lâksîrhaiin uain inna’n nin hmanga; sumruhai, rângachakhai, dâr le thîr, thinghaiin lunga isiam pathianhai hmu theiloi, irngai theiloi, inhre theiloi kha nin chôiindôma; khan Pathian ni hringna murdi a kuta omtu khom inzak loiin.

DANIELA 5:4

Uain inna in, rângachak, sumru, thîr, dâr, lunghaia siam pathianhai an chôiirsânghai dup dupa.

HOSEA 2:8

Bu, uain, sahriakhai hi, tangka ki inpung pehai hi, rângachak, Baal hranga an ihmanghai le, keima ipêk a nih ti hi inhre mahai.

HOSEA 8:4

Ki itho ni loiin anni khan rêng an siama; kin hriat loiin hruaituhai an siama, an irhmangna hrangin an tangkarua le rângachakin millim an irsiama.

HABAKUKA 2:19

Thing kuanga khan, “Har roh,” tia lung chong theiloi kuang, “Thoi ro,” titu kha, A chung a rik e! Hi hin nangni a irchutir hrang ma ni? En ta, rângachak le tangkaruaa inluan a nia, A sûnga phûk zel om viat ma.

TÎRTÔNHAI SINTHO 17:29

Khanchu, Pathian irchihai ei ni’n chu, Pathian chu rângachak mani, sumin mani, lung mani, mihriam thiamthei le inkunga songhai ang mani hi niin ei ibe hrang ni mah.

TÎRTÔNHAI SINTHO 19:26

Khannisianlân, hi Paula sintho hi nangni khomin nin hmu, nin inhriat, Efesi khuaa vai khom ni loiin Asia ram pumpuia ti hrang dôrin hi mi hin, ‘kuta siam pathianhai hi pathian ni viat mahai,’ tiin mi tamtak an thêm inhnê zoi tâka.

DÂN INHNINA 7:25

Thing millim, an itukhai kha, hâl nin ta, a tuamna sumru le rângachakhai kha irzuk no unglân, la sa no roi; nin ta hrangin in-ôkna le châng ichiom tak ni thei a ti. Rengpa nin Pathian hrangin thil intirom a ni.

THUPHUANG 9:20

Mihriam, kha hremnaa that banhai khan an kut sinthohai ata irlet ual mahaia; ramilhli hai, rângachak millim hai, sum millim hai, dâr millim hai, lung millim hai, thing millim hai, ite hmu theiloi, inhretheiloi le fe theiloi hai biak kha ma mahai.