DANIELA 2:9 - PATHIAN LEKHABU IRTHIANG C.L. Bible (BSI)

⁹ keima ata chu thu a suak tâk khom nin inhriat, keima ata irmang khan nin inlang loina hrang dân inkhat vai a om; minlak hrila, ki kuanga hril hrang minlak le thu chanlamboi nin isin a ni; khasikin irmang kha ni hril roi, khanchu a hrilfiana khom nin entir thei nin tih ti inhria ki ti,” a tia.

DANIELA 2:9 Iomraidhean Croise

1 RÊNGHAI 22:22

Rengpa’n, “Itin mo ni ihuang hrang,?” a tia. Irtha khan, “Zu fe ki ta, Ahaba deipuhai laia minlak tho pehai ki ti,” a tia. Rengpa’n “Fe’n lân, zu huanghai ro, hlo hong chuk ni ti,” a tia.

1 RÊNGHAI 22:6

Ahaba’n deipu irzaminli vêl a koibukhaia, “Ramot khua mo hong doi ning?” tiin ar donhaia. Anni khomin, “Doi roh Rengpa’n nan hnêtir a ti,” an tia.

ESTHERI 4:11

“A ram sûnga mi tukhom pasal khom nupang khom, koi loia rêng in sûnga lûta, rêng va hmu chu, a sinthotuhai ngei khom, that hrang ti mi murdi’n an inhriat, rêngin a rângachak khianghrol an lek pehai vaiin a ina lût thei a ni. Sûn sômthum reng ni koi ta mah,” tiin Mordekaia chu an inhriattira.

THUVÂRHAI 12:19

Milak chu sôtnotea hrang vai a nia, thutak chu kumtuangin om mai a ti.

ISAIA 41:23

Thil hong tung hrang lei hrilna ni sian, Pathianin sûn maton nih ti len hriat kin ta, A siat moh a sa moh tho phot unglân, chi kin ta, nangni chi thei kin ti.

ISAIA 44:25

Deipu dolhai thu hlochuk loiin tasân theihai mualinphoitirin, mi vârhai thu ki thuan paihaia, an inhriatna chanlamboi kin hriattirhaia,

EZEKIELA 13:17

Khan, nang mihriam nâipa, ni mihriam nâinuhai, an lungrîla irthoka thuhriltuhai, ni mihai nâinuhai tiang irnghatin lân, anni doi lamin thu hril roh.

EZEKIELA 13:19

Barli tômte le bai tiam hmu hranga thi loi hrang inthotir hrang le hring loi hrang inhringtir hrangin nin milak insîr hi mihaiin an iam sikin ki mihai laia ki’rhming nin porinchetir a ni.

EZEKIELA 13:6

Rengpa thusuak a ni titu khan ite ni loi le lei hrilna milak an changa, Rengpa itîr an ini loi rêng rêng a ni; an thu chu a ini ngêt hrang angin mihai an in-iamtirhaia.

DANIELA 2:16

Khanchu Daniela kha a lûta, rêng kha hrilfiana inentir hrangin hun inkian roi tih a ngêna.

DANIELA 2:21

Hunbihai le zorohai an danglam theia: rênghai a sonpai theia, rênghai an dettir thei: Mi vârhai kuang vârna a pêka; an hretheitu kuang inhriat theina a pêka.

DANIELA 2:8

Rêngin a sâma, “Zoro sôt lam vai kêng nin ingaitua ti kin hriat;

DANIELA 3:15

Atûn hin bekul, theihle, perkhuang, rosem, têngrep le serânda irhâinei murdi an ringa khûksadela ki millim siam chubai nin la mûk hrangin chu la sa a ta; nin mûk nuam noa ni’n chu, kha zoro zel khan hâlirvômna meipuia lût nin ti; ki kut ata sansuak theitu pathian chu tu mo a ini hrang?” a tia.

DANIELA 5:28

Parsin ti chu ni ram hi sem darh a nia, Media le Persia kuanga pêk a nih tihna a ni,” a tia.

DANIELA 5:31

Khan Daria Midian mi khan ram chu a ilua a ni ta. Ama chu kum sômruk le kum hnia mi a ni.

DANIELA 7:25

Inchungtakpu doiin thu hril a ta, inchungtaka mi irthiang irzaltir a ta, hun le dânhai indanglam tum a ti, kum thum le a chimrip chu a kuta pêk ni a ti.

2 KORINTH 2:17

Mi tamtak chu Pathian thu hi irvaina hmang an iom ang khan, keini chu hmang ma ung. Pathianin a ni tîrna sikin Krista zuituhai ang khan Pathian mit hmua dik takin kin ichong a ni.