DANIELA 2:4 - PATHIAN LEKHABU IRTHIANG C.L. Bible (BSI)

⁴ Khan, Kaldai mihaiin Aramaik chongin rêng kuang khan, “O rêngpa kumtuangin dam ro: ni’rmang chu ni siahlohai hi hrilin lân, a hrilfiana chu hrilhai kin ti,” an tia.

DANIELA 2:4 Iomraidhean Croise

IRPHUTNA 31:47

Khan Labana’n kha lung irchuan hmun kha chu Jegar-Sahadutha a phuaa; Jakoba’n chu Galeed a phuaa.

IRPHUTNA 41:8

Zîng khua a hong vâra, Faroa chu a char an dong oka, khanchu Aigupta ram sûnga mitphil, dôithei, mi vârhai zong hrangin mi a tîra; khan Faroa’n a hril pehaia, khannisianlân tûte’n a hrilfia pe thei om mahaia.

1 RÊNGHAI 1:25

A vuan hin ar siamin sehrâtchal tamtak le belra mar saihai thatin, rêng nâihai le sipai ulianhai le ochai Abiathara hai a koi bûmhaia, atûn son an fâkin an inêk a ni so, rêng Adonija dam sôt ri se tiin an ikhêk a ni.

1 RÊNGHAI 1:31

Batsebi chu a hmâi hnuai enin rêng chu chubai a mûka, “Ka pu, rêng Davida chu dam sôt ri se,” a tia.

2 RÊNGHAI 18:26

Eliakima, Sebna le Joa haiin, “Suria chongin thu hril ro, kin inhriat thei; Juda chong chu hmang no ro, kul bang bula toihai hin an irngai nuam a ni,” an tia.

EZRA 4:7

khan Artazerzia inlal laiin Bislama hai, Mithredata hai, Tabeela hai le an rual danghaiin Persia rêng Artazerzia kha lekha an thona; an lekha irziak chu Aramaik chong, Aramaik horopa irziak a ni.

NEHEMIA 2:3

Keima’n rêng kuang khan, “Reng chu kumtuangin dam sôt ri se: ki irchibulhai thân omna khua chu a ramin a inkhârhai a kânga, beidong hmêl irput loiin mo ki ini hrang?” ki tia.

ISAIA 36:11

Eliakima hai, Sebna hai, Joa haiin Rab-sakea kuanga, “Lungkham takin Aramaik chongin ni siahlohai laia hin thu hril roh, kin inhriat thei ving kul kôla Juda omhai inhriat thei loi hrangin,” a tia.

ISAIA 44:25

Deipu dolhai thu hlochuk loiin tasân theihai mualinphoitirin, mi vârhai thu ki thuan paihaia, an inhriatna chanlamboi kin hriattirhaia,

DANIELA 2:7

Anni’n hiang hin an sâma, “Rêngin kha irmang kha chu a siahlohaiin nin hrilhai sian, an entirna chu hrilhai kin ti,” an tia.

DANIELA 3:9

Rêng Nebukadnezara kuang khan, “O inlaltak, kumtuangin dam sôt ro,

DANIELA 4:19

Khanchu, Daniela, ar hming Beltesazzara chu chidêk dôkin, ar ngaituana a buaia; Rêngin a kuang, “Beltesazzara, irmang a hrilfiana’n mo nang a inbuai,” tiin a hrila. Beltesazzara’n, “Ki rêngpa irmang chu a en nuam loituhai hrang ni sian, a hrilfiana khom ni râlhai hrang ni sian.

DANIELA 4:7

Khanchu dôi theihai, tasân theihai, Kaldai mi tasân theihai an honga, ki’rmang chu ki hrilhaia, khannisian a hrilfia thei om mahaia.

DANIELA 4:9

o, Beltesazzara mitvai dôitheihai hruaitu, nangma hin Pathian irthiang irtha a om ti le thu’rthup murdi’n nan buai ngai mah ti kin hriat sikin: ki’rmanga ki ihmu inlârna le hrilfiana nin hril roh.

DANIELA 5:10

Khan rêng le a mihai khêk irhâi khan rêngnu kha hruaithena ina a hong lûta; rêngnu khan, “O inlaltak kumtuangin dam ro; ni lungrîl inbuai no ro, ni hmêl khom danglam no ri se;

DANIELA 5:8

Khan a mi vâr om dôrhai an hong lûta; khannisian a’rziak kha tep thei mahaia, a hrilfiana khom inhre loiin an oma.

DANIELA 6:21

Daniela’n rêng kuang khan, “O inlaltak, kumtuangin dam ro;

DANIELA 6:6

Khanchu hruaitu le thuneituhaiin rêng kuanga irbukin hiang hin an hrila. “Rêng Daria, kumkhua’n damin lân.

DANIELA 6:7

Ram hruaituhai, thuneitu, ar fûktirtu le optu murdihai chu sûn sômthum sûnga, o inlaltak nang ti no’n chu pathian mo, mihriamhai kuanga zongna nei murdi chu kâmkeibaknei khura pai hrang, tiin rêng hin dân siamin khap sianlân, an irtia.

MATHAIA 21:9

Mipui Jisua maton tianga fehai le a hnung tianga zuihai khan, “Davida Nâipa kuang, Hosana! Rengpa irhminga hong chu inpâkin om ri se. An chung taka khin Hosana!” tiin an khêka.

1 SAMUELA 10:24

Khanchu Samuela’n mipuihai kuang, “Rengpa’n mi a inkung hi nin hmu mo? eini lai ata ama ang hi tûte om mak me,” a tia. Khanchu mipui an khêka, “Reng hi hring insôt ri se,” an tia.