DANIELA 2:12 - PATHIAN LEKHABU IRTHIANG C.L. Bible (BSI)

¹² Khasikin rêng kha a ning an mur pea, a thang a tôm pe tâka; Babulon mi vâr murdi thatpai ving hrangin thu a pêka.

DANIELA 2:12 Iomraidhean Croise

JOBA 5:2

Mi’nto chu chiar chiarin thi a ta, irhnarsâna hin mi’nmôl a that thei.

INPÂKNA HLAHAI 76:10

Mihriam ninginmur khan nang a roiinpuitir uala, Ning nin murin a hmâihai chu irkhit a ti.

THUVÂRHAI 16:14

Mi vâr khan rêng inlômtir tum a ta, rêng ningmurna chu thanginthei ang kha a ni.

THUVÂRHAI 19:12

Reng ningmurna chu kâmkeibaknei inrung ang kha a nia, a ditsakna rêk chu satvur rua ang kha a ni.

THUVÂRHAI 20:2

Reng ningmur kha chi ro, kâmkeibaknei inhrûm ang kha a nia; a ninginmurtir chu mâni hringna chunga thil tho’nsual a ni ngai.

THUVÂRHAI 29:22

Ninginmur zel zel ngai mihaiin irkhalna le buaina tamtak an kêlsua ngai.

DANIELA 2:24

Khanchu Daniela’n Babulon mi vârhai irhmangtir hranga rêngin a inkung Arioka kuang a fea, a kuang, “Babulon mi vârhai chu irhmangtirhai no ro: rêng kuang ni hruaiin lân, rêng kuang a hrilfiana inentir ki ti,” a va tia.

DANIELA 2:5

Rêngin Kaldai mihai kha a donhaia, “Ki kuang ata thusuak sai a ni ta, irmang le a hrilfiana chu ki makunga nin inlangtir thei no’n chu sâtpai ni nin ta, nin inhai khom nimnok siana ni a ti.

DANIELA 3:13

Khanchu Nebukadnezara ningmur takin Sadraka, Mesaka le Abednego hai chu hong hruaihai hrangin thu a pêkhaia; khanchu hi mihai hi rêng kuanga khan an hong hruaihaia.

DANIELA 3:19

Khanchu Nebukadnezara chu a sân a ning an mur tâka, Sadraka, Mesaka le Abednego-hai ata kha a hmêl a danglam tâka; hâlirvômna meipui lak a tik danga nêka bâk saria hrâtin tho roi ti thu a pêkhaia.

DANIELA 5:19

liannatak a pêk sikin mi tin, nam tin, le chong tinhaiin an chia, a makunga an inthing ngaia; a inuam angin a thathaia, an hring theia, a inuamhai chôiirsângin, ar hnuaitirhai theia.

MATHAIA 2:16

Khan, mi vârhaiin an ihuang a nih ti Heroda’n an hriatin chu, a sân a ning an mur tâka, a zoro thu an irdona an ihril ang khan Bethlehem le a kôlvêl murdia nâipang kum hni hnuai tianga chu an thattirhai zita.

MATHAIA 5:22

Keima’n chu nangni ki hril, mâni urêng chunga ningmur chu a chungthu rêl ni a ti; a urêng “hmangnaboipa” ti chu Sanhedrin-ah rêl ni a ti; a urêng “invêtpa” ti lenvâng chu hremhmun meia fe inruk a nih ti nangni ki hril a ni.