DANIELA 2:11 - PATHIAN LEKHABU IRTHIANG C.L. Bible (BSI)

¹¹ Khanchu rêng inphût hi thil intak a nia, taksa inlang theiloi mi pathianhai ti no’n chu a entir thei hrang tûte om mahai,” an tia.

DANIELA 2:11 Iomraidhean Croise

DANIELA 5:11

ni rama hin mi inkhat Pathian irtha irthiang nei mi a om; ni pa zoro lai ata, en theina, inhriat theina, vârna, Pathian vârna nei anga mi a om ti len hriat a ni tâka; o inlaltak ni pa rêng Nebukadnezara’n dôi theihai, kutzia en theihai, Kaldai mihai tasân theihai chunga hruaitua a lei isia a ni tâka;

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

JOHANA 14:23

Jisua’n a sâma, “Mi’n lung an ni thungin chu ki thu khom zôm a ta, ka Pa’n ama kha lungthung a ta, a kuang zuang kin ta, a kuang om mai kin ti.

JOHANA 14:17

Irtha dik tak chu, rammualin nei thei maka, ama an hmu thei no sik le ama an inhriat no sikin. Nangni’n chu ama nin inhriat, nin kuang a om maia, nangnia a om mai sikin.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

MATHAIA 19:26

Jisua’n anni kha en ngitin an kuang, “Ama kha mihriam hrangin chu thei ni maka, Pathian hrangin chu thei a ni,” tiin a sâma.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

FESUAKNA 29:45

Israel mihai laia lêng ki ta, an Pathian ni ki ti.

IRPHUTNA 41:39

Faroa khan Josefa kuang, “Pathianin hihai murdi hi nang a inhriattir sikin, nangma anga mi bengvâr le thiam hi om mahai:

THUPHUANG 21:3

Rengtoihmuna irthokin hnukirhai inringtakin, “Atûn chu Pathian in kha mihriamhai laia a zuang om ta! Ama chu an kuang om a ta, anni chu a mihai ni an ti. Pathian ngei kha an kuang om a ta, an Pathian ni a ti.

JOELA 3:21

Khan, an thisen ki infâiloi kha infâi ki ta: Rengpa kha Zion-a a om mai sikin.

ISAIA 8:18

En ro, keima le Rengpa ni ipêk nâipanghai hi, Zion tânga om tinrêng Rengpa’n Jerusalem mihai hranga irsinsiana thil irkhêl tak ni hrangin a ni ti a ni.

INPÂKNA HLAHAI 132:14

Hi hi kumkhuaa ki omna hrang hmun a nia; Hi hin om mai ki ta, ki nuam lam tak a ni.

INPÂKNA HLAHAI 68:18

Nang chu chung tiang ni kâia; Ni ichelhai kha suakin ni hruaia; Mihriamhai ata thilpêkhai ni donga, A ni, tehel zonghai laia khom; Rengpa Pathian kha an kuang a om theina hrangin.

2 THURCHI SUINA 6:18

Khannisianlân, nang Pathian hring chu irnênga mihriamhai laia ni om ngêt hrang ma ni? Irngai ro, irvân irzâ taka khin irleng mak chea, hi keima in sin len vâng hin te irleng le khom irhoi mak chea!

1 RÊNGHAI 8:27

“Khannisian nang Pathian tak hin irnêng mihai laia hin om nuam ual le nang irhoitir ma ung? Irvâna lua om loi ni nia. Ki tempil sina hin om nuam theiin mo?

NAMBAR 35:34

Nin omna ram, ki omna hi nin iporinchetir hrang ni ma, kei Rengpa hi Israelhai laia hin ki oma,’ ti ro,” tiin.

FESUAKNA 8:19

Khanchu tasân theihaiin Faroa kuanga khan, “Hi hi Pathian kut chal a ni,” an tia. Faroa lungrîl chu an ngartira; Rengpa’n a lei ihril tâk angin an thu hrilhai chu irngai ual loiin.

IRPHUTNA 41:8

Zîng khua a hong vâra, Faroa chu a char an dong oka, khanchu Aigupta ram sûnga mitphil, dôithei, mi vârhai zong hrangin mi a tîra; khan Faroa’n a hril pehaia, khannisianlân tûte’n a hrilfia pe thei om mahaia.

ISAIA 47:12

Ni dôi theina hai, ni dôi bûrhai, Ni nâipang lai ata ni ihmang ngai kha masan no ro, tuhai lai ata mani chu sin sain lan lâppui thei ni ti.

DANIELA 4:4

Khan kei Nebukadnezara hi ki ina hoitak le in hoitak sûnga ki fâkin ki nêka.