DANIELA 12:7 - PATHIAN LEKHABU IRTHIANG C.L. Bible (BSI)

⁷ Khan mi puan zerhmi sila irvo tuipui chunga om khan, a kut chang tiang le vei tiang irvân tianga phar suakin, “Hunbi khat le a chînte, a chimrip sûnga hrang nih a ti; mi irthianghai sinthotheina chu an inkhoi zoi tena hi thil murdi hi irkip a ta; tia hring kumkhua sâmin khomâk a sâm tih kin hriata”.

DANIELA 12:7 Iomraidhean Croise

JOBA 27:2

Ki theithiamna thu lâkpaitu, ki’rtha beiindongtirtu, Itinrêngthotheitu Pathian irhmingin ki hril.

ISAIA 62:12

Rengpa irtanhai chu, “Nam irthiang,” ti an ta. Nang khom, “Rengpa zong suak, khopui mâksan thei loi,” nang ti an ti.

JEREMIA 4:2

ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

EZEKIELA 20:5

khan, ki mi inthang, Jakoba irchihai chunga ki bân ki phara, kut phar maiin, kei hi nin Pathian ‘Rengpa chu ki ni, tiin Aigupta rama khan kin hriattira.

DANIELA 10:5

ki mit ki hor heia; irngai ro, mi puanze irhmia irvo, a konga Upaz rângachak irthianga irkhit hi a oma:

DANIELA 11:13

Hmâr tianga rêng kha hong pût nôk a ta, mipui matona nêka tam hong hruaihai nôkin, zoro hnungkhôn kum hek tiang chu sipai râltukfam leh tamtakin hong pan an ti.

DANIELA 12:6

khan mi tu’n mani, mi puan zerhmi sila irvo tuipui chunga om kuang khan, “Hi thil irkhêl mongna hrang hi, itika mo a ini hrang?” a tia.

DANIELA 12:8

An hriat chu kin hriata, a’rngailam chu inhre ma ung: khanchu keima’n, “O Rengpa hi thilhai mongna chu itika mo a ini hrang?,” ki tia.

DANIELA 4:31

Kha thu kha rêng hmûra a suak lai takin, irvân ata irhâi a hong suaka, “O rêng Nebukadnezara ni kuang thu a hong tung: inlalna ram khan nang a mâksan ta.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

DANIELA 7:21

Ki en maia, ama irki khan mi irthianghai a doia, an hnêa;

DANIELA 7:25

Inchungtakpu doiin thu hril a ta, inchungtaka mi irthiang irzaltir a ta, hun le dânhai indanglam tum a ti, kum thum le a chimrip chu a kuta pêk ni a ti.

DANIELA 8:14

Khan vântirtôn dang iti hi kin hriata, “Sûn sânghni irzathum sûng chu om mai a ta, kha sûng rêng rênga chu zîng tiang le khohloi tiang thilinhlan inhlan ni no ni. Khanchu tempil chu irthiangtir ni nôk a ti,” tiin.

DANIELA 8:24

A thuneina hrât tak ni a ta, ama sinthotheina ringot ni loiin; irkhêl takin insiat a ta, hlochuk a ta, mi hrâthai le irthianghai chu insiat a ti.

LUKA 21:14

Lei inhre diam roi, itin mo irphilin kin lei isâm hrang, tiin lunginkâng no roi.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

DÂN INHNINA 26:19

A siam, nam dang murdi nêkin nangni a roiinpuitira, an pâk irhlo nin ta, nin irhming inthang sa a ta, mi’n nangni chôiindôm an ti, a inkung ang ngeiin Rengpa nin Pathian ta hrang nam irthiang ni nin ti.

DÂN INHNINA 32:36

Rengpa khan a mihai san a ta, a siahlohai dongtum siatzia hai, mi ngar khom ngar loi khom a thi ban tômzia a hmuin inren nôk a ti.

DÂN INHNINA 32:40

Pathian hring ki ni hi, bân pharin ki nuam le thu kin kung ngai.

DÂN INHNINA 7:6

Nangni chu, Rengpa, nin Pathian ta hrangin ser indang khak nin ta; Rengpa nin Pathian khan rammuala nam tinrêng lai ata a dongtum bîk ni hrangin nangni a inthang a ni.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

THUPHUANG 12:14

Khanchu, nupangnu kha dragon tôn phâk bana, kum thum le a chimrip sûng enkola a omna hrang ramchâr tiang a vuang theina hrangin irmupui lianpa mitha kianghniin an pêka.

THUPHUANG 12:6

Nupangnu kha chu ramchâra Pathianin hmun ar fûk pea, sûn sângkhat irzahni sômruk sûnga enkola a omna hrang tianga khan a rot ta.

THUPHUANG 13:5

Khan, sahrâng kha irpâk thei hrang le Pathian hrilsiat thei hrangin phal a ni, tha sômminli tha hni sûng ircham nei hrangin phal a ni sa.

THUPHUANG 4:10

Upa sômhni minlihai kha rêngtoihmuna toitu makunga khan inbokin kumtuanga hring maitu kha chubai an mûka. An rênglukhumhai kha rêngtoihmun matona siain,

THUPHUANG 4:9

Khan, thilhring minlihai khan rêngtoihmuna toi kumtuanga hring mai kuanga khan roiinpuina le chôiindômna hla an saka, lômthu an insîr rikipa,