DANIELA 12:3 - PATHIAN LEKHABU IRTHIANG C.L. Bible (BSI)

³ Hruaitu vârhai chu irvân vâr angin vâr an ta, mi tamtak felna tianga hong kîrhai chu ârsi angin kum kumtuangin vâr an ti.

DANIELA 12:3 Iomraidhean Croise

FESUAKNA 34:35

A hmêl ir-al phut kha an ihmu ngai a ni. Khanchu Rengpa chongpui hrangin a fe nôk mâka chu a hmâi a’rkhu nôk ngai.

THUVÂRHAI 11:30

Felna ra chu hringna a nia, nunrôngna rêkin chu hringna a lâkpai ngai.

THUVÂRHAI 3:35

Mi vârhai khan roiinpuina dong an ta, intohai chu mualphoina vai tong an ti.

THUVÂRHAI 4:18

Mi felhai lampui chu zîng kôl misa suak, sûn laitak a ni mâka hong vâr tîr tîr ngai ang kha a ni.

THUHRILTU 12:9

Thuhriltu chu a sân a vâra, a vârna chu mihai irchûtirna’n a hmanga. Thuhriltu hin irdîn takin a suia, thuvâr tamtakhai a sinsiama.

ISAIA 53:11

A sinthôna ra a hmu tena chu, a tuangna chu man boi ni mah ti inhria a ti. Ki siahlo feltakin, mi tamtak saninzôkhai a ta, an sualnahai pêl pehai a ti.

JEREMIA 23:22

Ki ngaituana irthuphai an inhriat ni sianlân chu, ki mihai kuang ki chongbe inpuang suak an ta, an sual hringnunhai le an sual sinthohai an imâksan thei hrang a ni.

DANIELA 11:33

Khan mihai laia a vârhai chu, mi tamtak irchutirhai an ta, khannisian, khandai hai, meichok hai, sal intângna le inrûk irhmangna’n mi tamtak irlet an ti.

DANIELA 11:35

Khan a vârhai laia senkhatin, anni infâi le irthiang hrang le invâr hrangin irtetpui an ta, a mongna ni dênin; zoro inkung a la ni mai sikin.

DANIELA 12:10

mi tamtak chu an irthiangin an ivâr nôk a nia, an isa a ni; khannisian mi siathaiin chu sualin an la om mai, mi siathaiin ar ngai dân inhre no nihai; mi vârhaiin chu a’rngailam inhria an ti.

MATHAIA 13:43

Khanchu, Pathian nâihai chu an Pa Rama misa angin vâr ta an ti. Irngai roi, mikuar nei murdi’n chu!

MATHAIA 19:28

Jisua’n an kuang, “Thudik nangni ki hril: Zoro thara chu, Mihriam Nâipa a rêngtoihmun roiinpui taka a toi tika, nangni a ni zuituhai khom hi Israel nam sômhleihni chunga roirêlin rêngtoihmun sômhleihnia la toi nin ti.

MATHAIA 24:45

“Siahlo iamom vâr tak, a pu’n a in sûng charêla, siahlo danghai zoro tina an fâk sem pe hranga hruaitua a isiam kha tu mo ni ni?

JOHANA 4:36

Bu âttu chu a hlo a hmu ngaia, kumtuang hringna dêna om hrangin a ra a bûm ngai, a phuntu le a âttu an lôm irrual theina hrangin.

JOHANA 5:35

Johana chu meiser chok tak le vâr tak ang a nia, a vâra raifân taka hong om chot khom nin nuama.

TÎRTÔNHAI SINTHO 13:1

Khan, Antiokei Koiindang mihai laia khan deipuhai le tîrtônhai an oma. Khahai kha Barnaba, Simeona (Nigera, an ti) Kurini mi Lukia, rêng Heroda’n urênga a inei Manaina, Saula hai an nia.

1 KORINTH 3:10

Pathianin thilpêk a ni ipêk hmangin in sintu thiam tak angin keima’n lungphûm ki phûma, mi dangin in an isin a ni. Khannisianlân, mi tinin an sin hrang lam chita irdîn ri sehai.

EFESI 4:11

Khanchu, “Mihriamhai kuanga thilpêkpu” kha ama hi a ni: mi senkhat chu tirtôn hrangin, senkhat chu deipu hrangin, senkhat Thurchi Sa hriltu hrangin, senkhat pastor le irchutirtu hrangin a zuang inkunga.

HEBRAI toc2 HEBRAI 5:12

A zoro ngaitua’n chu irchutirtu ni thei ta zit le nin irhoia, khannisianlân, Pathian thu bul rêt A, B, CH ata irchutir nin nang nôk tâk a ni. Bu’nhrum ni loiin irhnutui lan nang kêng nin ini.

2 PETERA toc2 2 PETERA 3:15

Rengpa tuangdiarna hi saninhring nin ni theina zoro inchuma bê unglân, Pathianin vârna nangni a ipêk angin ei urêngpa inditom tak Paula khomin hi thu hi a irziak ngai a ni.

THUPHUANG 1:20

Ama hi ki kut chang tianga ârsi sari ni ihmuhai le rângachak meiser siana sarihai omzia irthup chu a ni: Ârsi sari chu Koiindang sarihai vântîrtôn an nia, meiser siana sari chu Koiindang sarihai an ni.

ROIRÊLTUHAI 5:31

O, Rengpa ni râlhai khaang khan thihai sian, Ni rualhai rêk chu, misa suak angin vâr phut ri sehai tiin. Kum sômminli sûng chu an rama irngeina a lênga.