DANIELA 12:10 - PATHIAN LEKHABU IRTHIANG C.L. Bible (BSI)

¹⁰ mi tamtak chu an irthiangin an ivâr nôk a nia, an isa a ni; khannisian mi siathaiin chu sualin an la om mai, mi siathaiin ar ngai dân inhre no nihai; mi vârhaiin chu a’rngailam inhria an ti.

DANIELA 12:10 Iomraidhean Croise

INPÂKNA HLAHAI 107:43

Tukhom vâr ka kaiin khahai kha vong insa an ta, Rengpa lungkhamnahai ngaitua an ti.

INPÂKNA HLAHAI 51:7

Husopin nin fâiin lân, khanchu fâi ki ti: Ni’rsûk infâiin lân, khanchu vur nêkin vâr ki ti.

THUVÂRHAI 1:5

Hi thuvârhai hin mi vârhai inhriatna ar bôktir theia; mi thiamhai lampui a’rhmutir thei ngai.

ISAIA 1:18

Rengpa khan, “Thoi hong roi lei ngaitua irhlôm rei! Nin sualhai kha seninlâr angin om ta khomsian, ivur angin la vâr a ta; senduk angin sen ta khom sianlân, belra mul angin om ta a ti.

EZEKIELA 36:25

Tui kathâr nangni inthikkhum ki ta, nin millim murdihai ata le nangni a porinchetirtu thil tinrênghai ata kha nangni thâr irthiang ki ti.

EZEKIELA 47:11

Khannisian khataka tuichir hmunhai le dialdôk hmunhai kha chu irthiangtir ni no ni, michi khurin om mai a ti.

DANIELA 11:33

Khan mihai laia a vârhai chu, mi tamtak irchutirhai an ta, khannisian, khandai hai, meichok hai, sal intângna le inrûk irhmangna’n mi tamtak irlet an ti.

DANIELA 11:35

Khan a vârhai laia senkhatin, anni infâi le irthiang hrang le invâr hrangin irtetpui an ta, a mongna ni dênin; zoro inkung a la ni mai sikin.

DANIELA 12:3

Hruaitu vârhai chu irvân vâr angin vâr an ta, mi tamtak felna tianga hong kîrhai chu ârsi angin kum kumtuangin vâr an ti.

HOSEA 14:9

Tu mo vâra hihai hi inhre thiam thei hrang; tu mo fing vâra inhre thei hrang? Rengpa lampuihai kha a dika, mi dikhai khan an izui hrang a nia; tho’nchâituhai rêk chu kha khan an irfûiin an itûk hrang a ni.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

MALAKIA 3:3

ama kha tangkarua irthiangtu le infâitu angin toi a ta, Levia nâipasalhai kha irthiangtir a ta, anni kha rângachak le tangkarua angin insunfâi a ti. Khan, anni khan Rengpa kuanga felna’n thil inhlanhai kha inhlan an ti.

MARKA 4:11

Jisua’n chu an kuang, “Pathian Ram thurîl kha nin kuang pêk a nia; mi danghai ta hrangin chu chongirkhek vaiin insîr a ni.

LUKA 24:25

Jisua khan an kuang, “Mi’ntohaio, deipuhai thu’nsîr tinrêng iamna tianga beng sêthaio!

JOHANA 18:37

Pilata’n, “Khante, rêng mo ni ini?” a tia. Jisua’n a sâma, “Nangma’n rêng ni ni ti khate; kei chu thutak inhriattir hi ki isuakna san le rammuala ki izuangna san chu a ni; tukhom thutaka omhai chu ki’rhâi an irngai ngai,” a tia.

JOHANA 7:17

Tukhom Pathian nuamlam tho nuam chu, ki thu irchutir hi Pathian kuang ata mo, keima iphuachôp moh ti inhria an ti.

JOHANA 8:47

Pathian ata suak khan Pathian thu a’rngaitua ngaia; nangni’n chu ki thu irngaitua mak chêi, Pathian ata suak nin ni no sikin,” a tia.

1 KORINTH 6:11

Nangni khom senkhat chu khaanga mi nin lei ni ngai. Khannisianlân, sualna ata infâiin Pathian kuanga inhlan nin ni tâka, ei Rengpa Jisua Krista le ei Pathian Irtha sikin Pathian kuang thiam nin chang ta.

2 KORINTH 7:1

Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

HEBRAI toc2 HEBRAI 12:10

Ei taksa tianga pahaiin chu sôtnotea sa an ti lam ang takin an ni sep ngai, Pathianin chu a’rthiangna ei dong theina hranga ei satna hrangin kêng a ni isep ngai.

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.

1 PETERA toc2 1 PETERA 1:7

Nin iamna fiana hrang a ni, rângachak siat thei lua meia fia a nia, kha nêka hlu ual, nin iamna chu, fia hrang pial kêng; khanchu Jisua Krista a zuang inlâr tika inpâkna hai, roiinpuina hai, chôiindômna hai, hlo nin ti.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

THUPHUANG 16:11

an na sik le an pân sika khan irvân Pathian khomâk an sâma, an sintho saloihai ata kha irlet ual mahai.

THUPHUANG 19:14

Irvâna sipaihai khan puan irnêm chekhlang le fâi tak sila, sakor ngoihai chunga chuangin an zuia.

THUPHUANG 19:8

Puan irnêm, fâitak le irtêk tak a sil hrangin pêk a ni,” a iti kin hriat. (Puan irnêm kha Pathian mihai sintho sa a ni.)

THUPHUANG 22:11

Tukhom mi felloi chu thil felloi sin mai a ta, tukhom mi porinche chu porinche om mai a ti; tukhom mi sa chu thil sa tho mai a ta, tukhom mi irthiang chu irthiangin om mai a ti,” a tia.

THUPHUANG 3:18

Khasikin nir chong theina hrangin rângachak meia irthiang tâk hai, ni korongboi ser an lang loina hranga ni sil hrang puan chek hai, ni hmu theina hranga mitna hloi hai ki kuang ircho hrangin nang ki ti.

1 SAMUELA 24:13

Tianlaia thuvârin, ‘Mi suala irthokin sual a hong suak ngai,’ iti khom nin hriata. Khasika khan ni chunga kut tha no ning.