DANIELA 12:1 - PATHIAN LEKHABU IRTHIANG C.L. Bible (BSI)

¹ “Kha irzoi tena chu ni mipui nâihai san ngaitu, hruaitu roiinpuitak Mikaela kha ngîr a ta; buaina zoro, nam om phut ata, kha ni tena la om ngai loi kha, hong om a ta: kha nî tena chu ni mihai kha sansuakin om an ta, mi tin lekhabua irhming chuang murdihai chu.

DANIELA 12:1 Iomraidhean Croise

INPÂKNA HLAHAI 56:8

Nangin chu kin vâinahai hi ni’rsinsia ngaia: Ki mitrithihai hi ni savun koka khan thun ro; Ni lekhabua a ichuang intam mo ni ma?

INPÂKNA HLAHAI 69:28

Anni chu hringna bu ata kâtpaiin omhai sianlân, mi felhai laia khan irziak sa no ri se.

ISAIA 4:3

Zion-a a thi zoi loi le Jerusalema irhming irziakhai chu, “Mi irthiang,” ti an ti.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

JEREMIA 30:7

Kha ni sûn kha irkhêl tak ni a ti! Khaang kha om thei no ni, Jakoba chardong zoro hrang chu a ni, khannisian sansuak ni a ti,” tiin.

EZEKIELA 13:9

Khan, ki kut hin thu dikloi hriltuhai le deipu tep loi ma mai hmutuhai chu doi ki ta, ki mihai inkhômnaa khan om sa thei no nihaia, Israel insûngkuahai irhming irziakna bua khan irziakin om no nihai; Khanchu Rengpa pathian chu ki nih ti inhriat nin ti.

EZEKIELA 34:24

Kei Rengpa hi an Pathian ni ki ta, ki sinthotu Davida anga rêng kha an chunga roirêltu ni a ti, keiin ki iti a ni.

EZEKIELA 5:9

Nin sintho porinche tak takhai sikin ki la iti ngai loi, tho khom ki la itho ngai loi chu ni chunga tho ki ti.

DANIELA 10:13

Khannisian Persia ram hruaituin sûn sômhni sûn khat a nir doipuia; khannisianlân irngai ro, Mikaela hruaitu lian chu ni san hrangin a honga; Persia rêng kuanga khan ki hong oma.

DANIELA 10:21

Khannisian thudik irziaknaa irziak chu hril ki ta: hitaka hin, nin hruaitu Mikaela ti no chu, tûte ni san hrang om no nihai.

DANIELA 11:45

Khan Tuipui le tâng irthiang roiinpui tak kâra khan a rêng puan in chu sung a ta, khannisian a mongna tung a ta, tûte’n san thei ni no ni.

DANIELA 7:10

Khatak ata kha mei a hong chok suaka, a sânga sângin a sin an thoa, a makunga khan a sîng a sîng têlin an ngîra, roirêlna kha a phut tâka, lekhabuhai a phên tâka.

DANIELA 9:12

A thu kin chunga a ihril le kin roirêltu, kin chunga roirêltuhaiin thil saloi tamtak a hong tung irkip ta. Jerusalem chunga tho ang khan vân hnuai pumpuia tho thei ni maka.

JOELA 2:2

inthimna le khor-uina nikhua, inthimna le khor-ui, sûm zîng le izîng irsa khak angin mi huaisen tamtak pâl la hmu ngai loi, itiklai khoma hmu nôk ta loi hrang hong pût an ta, tâng kha kôlirsal ituam angin hong tuam an ti.

MALAKIA 3:16

Khanchu, Rengpa chituhai kha an chongirhlôma: Rengpa’n a lei irngaituaa, a lei inhriata, Rengpa chituhai le ar hming uksaktuhai hrangin inhriat maina lekhabu kha a makunga irziak a ni tâka.

MATHAIA 24:21

Kha zoro dengthei inthang om hrang kha chu rammual irsiang ata atûn ten hin la om ngai mah, om khom om nôk ta no ni.

MARKA 13:19

Kha nikhuahaia intakna kha chu Pathianin rammual a siam phut ata a vuan tena rammualin a lei inhriat ngai murdi nêka irkhêl ual tak chu a ni hrang sikin. Khaanga kha chu itiklai khom om nôk viat ta no ni.

LUKA 10:20

Aniachu, irthahai nin irchamin an om sika hin lôm no roi, irvâna nin irhming irziak a ni sikin lôm ual roi,” a tia.

ROM KHUAA MIHAI KUANGA TÎRTÔN PAULA LEKHATHON 11:15

Anni pai thâkna lua rammual hi Pathian ruala siam nôkna a ni’n chu, anni lômlût nôkna chu thina ata hring nôkna ni no ni mo?

ROM KHUAA MIHAI KUANGA TÎRTÔN PAULA LEKHATHON 11:26

Kha tika khan kêng Israel mi murdi saninhringna an iom hrang a ni. “Zion ata Saninhringna kha a zuang isuak hrang a ni, Jakoba kuang ata Pathian ngaisak loina inboi a ti,

EFESI 1:21

Krista chu irvân roirêltuhai, irchamneituhai, sinthotheituhai le rênghai chung vita roirêlin hi rammual le rammual la hong om hranga irhming tinrêng laia irhming inchungtak a inei a ni.

FILIPI 4:3

Nang khom, ki ringkol irbunpui iamom tak, kha nupanghai kha changpui hrangin nang ki ngên a ni; anni khan Klemena le Hringna Bua irhming chuang danghai le, Thurchi Sa hrilna sina ni sinpui intam ngai an ni.

JUDA 1:9

Mikaila, vântîrtôn inchungtak khomin, Diabola le Mosia ruak chungchânga an irsêl lai khan, chong saloiin hal nuam mah, “Rengpa’n hal ri se,” a ti chian a ni.

THUPHUANG 1:5

Jisua Krista, inhriatpuitu iamom tak, thina irthoka thoinôk masa tak le rammual rênghai chunga roirêltu kuanga irthok ata, lungkhamna le irngeina kha nin ta ni ri se. Lung a ni thunga, a thina sikin ei sualhai ata a ni’rtansuaka,

THUPHUANG 12:7

Khanchu, irvâna irdoina a om ta. Mikaila le vântîrtônhaiin dragon kha an doia, dragon le a tirtônhai khomin an doi dêna;

THUPHUANG 13:8

Irnêng le irvân siam mâna that tâk Belrate hringna bua irhming chuanghai ti no’n chu irnêng chunga om mi murdi’n chubai mûk an ti.

THUPHUANG 17:14

Khanchu, Belrate kha doi an ta, khannisianlân, Belrate kha rênghai Reng, inlalhai Inlaltak a ni sikin anni kha inhnê a ta, a inhnêna kha a ikoihai, a inthanghai le iamoma ama zuituhai khomin dong sa an ti,” a tia.

THUPHUANG 20:12

Khanchu, mithihai, a lian a chînin, rêngtoihmun makunga ngîr ki hmua. Lekhabuhai an phara, lekhabu dang hringna lekhabu khom kha ar phar saa. Khanchu, mithihai kha an sintho seng lekhabua chuang ang takin roirêl pêkin an om ta.

THUPHUANG 20:15

Tukhom hringna lekhabua ar hming chuang loi ka chu meidîla khan an pai thâk sa ta.

THUPHUANG 3:5

An hnêtu ka chu khaang khan puan chekhai insiltir ni an ta, hringna lekhabua irthokin an irhming kha pai viat no ning. Ka Pa le vântîrtônhai makunga ki ta an ni tiin inpuang inlang ki ti.

THUPHUANG 7:14

“Ka pu, inhre ma ung. Nangma’n nin hriat,” tiin ki sâma. Ama khan ki kuang, “Hihai hi dengintheina ichiom tak ata hong zôkhai kha an nia, an puanhai Belrate thisena irsunfaiin an inchek tâkhai a ni.