DANIELA 10:8 - PATHIAN LEKHABU IRTHIANG C.L. Bible (BSI)

⁸ Kha tena chu keima vai ki om tâka, inlârna roiinpui chu ki hmua, hrâtna irthahrui boiin ki oma, ki hmêl satna khom a chuaia.

DANIELA 10:8 Iomraidhean Croise

IRPHUTNA 32:31

Khanchu Peniel hmun a khêlin chu misa a hong suaka, misa’n a hong êlin chu, a malpui koi sikin a ke an bâi tâka.

FESUAKNA 3:3

Khan, Mosia’n “La va irthîn ual hi rong, itina mo chînribuk so a ikâng zoi thei loi, hi thilirkhêl hi la van fel hi rong,” a tia.

DANIELA 10:16

Irngai ro, mi inkhat, mihriam nâipa anga inlang hin ki hmûr a zuan thema; khanchu ki bâi ki hong ânga, ki kôla ngîrpa kuang khan, “O Rengpa, inlârna sikin ki char kin donga, a ni delin kin hriata, irthahrui boi angin ki oma,

DANIELA 10:17

hi ki rêngpa siahlo hin, hi ki rêngpa hi itin mo a ichongpui thei hrang? kei lakin irnak boi angin ki oma, thoi khom thoi thei loiin ki oma,” ki tia.

DANIELA 7:28

Hi hi thil tin hekna nî chu a ni. Kei Daniela hi ki’rngaituanahai hin a nin buaia, ki hmêl ar paia, khannisian ki lungrîlin thil tinrêng ki vong mai ngai a ni.

DANIELA 8:27

Kei Daniela hi ki’rzal tâka, idôr sûn mani dam loiin ki oma, ki thoia, rêng sin ki tho ta, inlârna chu a’rkhêl ki tia, khannisian tûte’n inhrethiam mahai.

DANIELA 8:7

Belrachal kha a’rtet rakin ki hmua, a ning an mur pe oka, belrachal kha a tâia, a’rki inhni kha an khiakpai pea, ama doi hrangin belrachal kha ite a hrâtna om pe ta maka; irnênga irtettirin a sirpha tâka, belrachal kha a sansuak thei tûte om mahaia.

HABAKUKA 3:16

Kin hriatin ki sûngrîl kha an thinga, Ki hmûrhai kha hnukirhai khan an thing nor nora; ki ruhaia khan hmonna a hong lûta, Kha ki omna hmuna khan ki inthing a ni; Buaina nia khan irngam ki ta, Mipui, sipai pâl anga ni rûntu chunga a hong tung tika chu.

MATHAIA 17:6

Irchutirhai khan kha kha an inhriatin an inboka, an chi tak taka,

MARKA 9:6

An chi hrai tâk sikin, ti hrang khom a inhriat ta loi a ni.

JOHANA 16:32

Irngai roi, mâni in chita irthekindarin ki bingin nin ni mâk zoro la tung a ti, a tung thiai ta; khannisian, ki bingin om ma ung, Pa kha ki kuang a om.

2 KORINTH 12:7

Thilirkhêl tamtak ki ihmuhai sika khan irpâkna’n ki sip loina hrangin, taksa a satêna dam loina tak pêkin ki iom a ni, kha kha ki’rpâk loina hranga Setana tirtôn anga sinthoa ni zêm ngai a ni.

THUPHUANG 1:17

Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.