CHAP HLA 5:16 - PATHIAN LEKHABU IRTHIANG C.L. Bible (BSI)

¹⁶ Ki lu ata rênglukhum a tâka; kin chung a rik, kin lei tho insual tâka.

CHAP HLA 5:16 Iomraidhean Croise

JOBA 19:9

Ki roiinpuina ar khu zoi ta, ki lua rênglukhum chu a ni lâkpai pea.

INPÂKNA HLAHAI 89:39

Ni siahlo thuthung chu nin tira: A rênglukhum chu irnênga paithâk rakin nir hniamtir tâka.

THUVÂRHAI 14:34

Felna’n nam a chôiirsânga; sualna chu nam tin hrangin mualinphoina a ni.

THUVÂRHAI 27:24

irchon chu kumkhua’n dâi hrang ni maka, rênglukhum khom hi suanpâr murdi tena hrang ni ma.

ISAIA 3:8

Jerusalem chu a ichim a ni ta hi, Judai ram khom a isiat zoi a ni ta. Rengpa doiin an chonga, sin an tho ngai a ni, a roiinpuina an êsêl sikin.

JEREMIA 13:18

Rengpa’n a ni tia, “Rêng le a nu chu an rêngtoihmun ata zuang chum hrangin hrilhai ro, an rênglukhum enhoi takhai an lua irthokin a tâk pehai ta sikin.

JEREMIA 2:17

Israel, Rengpa ni Pathianin lampuia nang ki hruai lai khan, ni ni mâksan sika khan, hi thil hi ni bingin ni lu chunga ni intungtir tâk a ni.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

JEREMIA 4:18

Judai rama ni omdân le ni thil thohaiin ni chunga a ichum a ni ta. Ni sualna’n ni tuanga; ni milung taka nang a isun a ni ta.

CHAP HLA 1:1

E he! Jerusalem khua irhming satak ni ngai kha te, a lei siat rem rum ta ngaia! Nam tinhai irngaiirsâng lei ni ngai kha meithâi angin te a om tâka. Khua roiinpui tak lei ni kha, siatin te a om tâka.

CHAP HLA 1:18

Rengpa hi chu a dik a nia, a thu ki zôm no sikin, mi murdi’n ki thurchi hi irngai ta roi, Ki ituang natinsat lam hi nin hmu ving, Kin ruatharte le dôngmatehai sala an in-ôk zoi tâk.

CHAP HLA 1:20

Rengpa ki ituang lam hi ni en ro, Ki lum hlut hluta ite invol thei ma ung, Ki sual hrai sika a ni; Ki’rsîr tatak ta, Khandaia ni that hrang lak ki kôla hin an pung maia, In sûng tiang lak hripuiin a ni bôm.

CHAP HLA 1:8

Jerusalem hin thil saloi a tho intam hrai sikin, a innim a ni ta. A’rngaiinhluhai khan an en irhniama, a silkai boi kha an hmusuak tâk sikin, Inzakin a khêka, hnung songsanin a om.

CHAP HLA 2:1

Rengpa ningmurnain, Zion khua chu inthimin a irkhu tâka. Israelhai roiinpuina chu irvân ata hnuaia an thâkpai zoi ta. A ningmurna nî tena chu, a ke irnghatna hnuai a irnghil tâk a ni.

CHAP HLA 4:13

Deipuhai sual sikin le ochaihai dik loina sika a ni, kho sûnga khan mi dikhai thisen an insuak sika a ni.

EZEKIELA 21:26

Rengpa pathian khan hiang hin a ti. Ni rênglukhum le ni tupi khum chu khekpai ro, hi hi a pangai ni ta no ni; mi irhnuaihai chu chôiirsângin om an ta, mi irsânghai chu irhnuaiin om an ti.

MIKA 6:13

Khasikin kei khomin nataka popin nangni ki izêm tâk a ni; ni sualnahai sikin nangni ki insiat chit tâk a ni.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

THUPHUANG 3:11

Ki izuang lat hrang tâk kêng, ni thil nei kha dôn chianin lân, khanchu inhnêna lômman ni idong tum kha nang irchupui no nihai.

1 SAMUELA 7:6

Khanchu Mizpa-a khan an irbûm tâka, tui an chôia, Rengpa kuang thilinhlanhai an bunthuana, kha nî khan chu a sûn nitungin bu an ngheia. “Rengpa chunga khan kin lei isual tâk a ni,” an tia. (Mizpa-a khan a ni Samuela’n Israelhai roi a irêl pehai.)