CHAP HLA 2:13 - PATHIAN LEKHABU IRTHIANG C.L. Bible (BSI)

¹³ O, Jerusalem imo ki itih ta hrang? Nangma ang hi tu mo om? O, Zion dôngmate, itin mo lungngam nang ki la isak hrang? a natna tong chu tuipui lian anga irzatak a ni sikin, tu mo a lan dam thei hrang?

CHAP HLA 2:13 Iomraidhean Croise

2 SAMUELA 5:20

Khanchu Davida kha Baal-perazim-ah a fea, kha khan Davida’n Filistia mihai chu an hnê tâka. “Rengpa’n ki râlhai chu tui tial sai ang dôrin ki makunga an chê zoi tâka,” a tia. Khasikin kha hmun irhming hranga khan Baal-perazim a iti a ni ta.

2 RÊNGHAI 19:21

Israelhai Pathian Rengpa thuhril chu, hi hi a ni. Zion nâinu’n nang en nuam maka, nang an nuisana. Jerusalem nâinu’n nang a rotsana a lu nang an thik khuma.

INPÂKNA HLAHAI 60:2

Hi ram hi nin hnîngtira; nin kaktir tâka: A kakhai kha siam insa nôkin lân; an hnîng an hnînga.

ISAIA 37:22

Rengpa Israelhai Pathian thu hril chu hi hih a ni: Zion nâinu’n nang a en irhnuaia, nang a innuisana, Jerusalem nâinu’n chu ni irot hi a lu nang an thikkhuma.

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

JEREMIA 14:19

Rengpa Judahai chu ni ihnôl phar ma ni ta? Zion-a mipuihai chu ni ipaihai rak ma ni? I lo hrang mo irtharngamna kin zonga, khannisian ite thil sa tung maka; dam hrangin kin sabeia, lungkângna kêng a itung.

JEREMIA 8:22

Gilead thinghnâi hloi a iom ta loi ma ni? Kha khan nin damtir thei an iom loi mo? Khaang khan a ni’n teh itho mo ki mihai indamin an iom loi?

JEREMIA 9:18

Mipuihaiin an iti chu, “I lo hranga mithi chûl hla sak pehai hranga ni ihril, kin mithai mitrithi’n a sip zoi mâka, kin mit vunhai chapna sikin mitrithi’n an duitir zoi mâka chu,” tiin.

CHAP HLA 1:12

Khualinzin chaiirvâkhai kuang khan, Ni en roi, tukhom keima anga tuang hi la om ngai mahai. Rengpa ningmurna nikhua a tunga, ki itong a ni ta hi:

EZEKIELA 32:31

“Hi thil murdihai hin, irdoina thata omhai kha Aigupta rêng le a sipaihai ta hrangin lungngam chu ni ta a ti,” Rengpa Pathianin a ti.

DANIELA 9:12

A thu kin chunga a ihril le kin roirêltu, kin chunga roirêltuhaiin thil saloi tamtak a hong tung irkip ta. Jerusalem chunga tho ang khan vân hnuai pumpuia tho thei ni maka.