CHAP HLA 2:11 - PATHIAN LEKHABU IRTHIANG C.L. Bible (BSI)

¹¹ Ki mitrithi suak hraina sikin, ite infel ma ung, Ki mihai dongtum kin sâpin kin renhai sabaka. Ki milung a siat sabak a ni. Nâipang le nâitesenhai khom kholaidunga ruak irtet dûlin an oma.

CHAP HLA 2:11 Iomraidhean Croise

JOBA 16:13

A thal kâptuhaiin ki’rhîlin an ni irhuala, thalhai chu ki panga lûtin popin a ni siama, Khan khomin inrenna zel nir hmutir maka.

JOBA 30:27

ki ningmurna hi dâi thei ta maka; Intak tuangnahai hin a ni de ta.

INPÂKNA HLAHAI 119:82

Ni thu thîrna’n ki mit a chamai zoi tâka; “Nangma’n itika mo irtharngam ni ni isak hrang?” ki ti, ki ti ngai.

INPÂKNA HLAHAI 22:14

Tui anga bunpaiin ki oma. Ki ru murdihai khom irphêtin a oma: Ki milung hi khuaihlu angin a zôi zoi ta.

INPÂKNA HLAHAI 31:9

O Rengpa, lung nin khamin lân, Chardongin ki oma: Ki beidongna sikin ki mit dolde a suak tîr tîra, A ni, ki hringna le ki taksa dênin.

INPÂKNA HLAHAI 38:8

Ki’rzala, a ni zeng zuaka; Ki milung hoiloina sikin kin hrûm rak raka,

INPÂKNA HLAHAI 6:7

Hmu khom hmu thei ta ma ung: Râl sikin ki chapa, ki mit khom a zîng zoi ta.

INPÂKNA HLAHAI 69:3

Ki khêkna’n ki sôl tâka; ki dang a châr zoi ta. Ki Pathian ki nghâknaa hin ki mit a chamai zoi ta.

ISAIA 22:4

Ni rotsan ving roi, ki mithihai hi, châhai hrang ki ni, tûte’n nin thâi no roi.

ISAIA 38:14

Vangalsâng angin kin hrâm ngaia, vasu angin kin kur long long ngaia. Chung tianga thîrin ki mit an vûng zoi ta. Rengpa imanêpa ki om hi, a bul zuang tum ta roh.

ISAIA 51:20

Ni nâihai chu kholaidung hmun tina irzalin an irtet phura, Lên leh sa ai khum angin, Rengpa ningmurna an tuang ta, an Pathianin a ihnôl a ni.

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

JEREMIA 4:19

A na! tuang zoi ta ma ung, a na! Ki milung a na hraia a nin buai zoi ta! ki idâihrek thei ta loi a ni hi; bekul tum irhâi le irdoina khêk irhâi kin hriat tâk sikin.

JEREMIA 44:7

“Khaangin atûn hin keima Rengpa Itinrêngthothei, Israelhai Pathianin nin ta hrangin, i lo hranga khaanga thil saloi kha nin itho ti hi nangni ki irdon a ni. Pasalhai, nupanghai, nâipanghai le nâitehai chunga siat chitna intung nin ni, tûte hôi loia an iom hrang hi nin inuam ma ni?

JEREMIA 8:19

Ram dang le kha ki mihai chapna ki inhriat hi irngai roi. “Zion-a Rengpa chu a iom ta loi ma ni? Khatak khan Zion rêng chu a iom ta loi ma ni?” Rengpa an rêng khan a sâma. Ni millimhai chubai mûkin; nin ram dang pathian hmanghmunboihai makunga lu kûnin, “I lo hrang mo ki ning nin inmurtir,” a tia.

CHAP HLA 1:11

Fâk hrang zongin an khêka, An hringna hrangin an neinun sahai zuarin fâk nêk an zonga, “Rengpa, ni en ro, kin intem lam hi,” tiin khopui chu a khêka.

CHAP HLA 1:16

Khasikin kêng hiang dôra ki ichap, Ki mitrithi khom a irte don don a ni. Lungngam saktuhai an irthekindarh zoia, A nin hartir thei tûte om ta mahai, Râlhai an hrât tâk sikin, Ki nâi le tehai khom an chaninvâi zoi ta.

CHAP HLA 1:20

Rengpa ki ituang lam hi ni en ro, Ki lum hlut hluta ite invol thei ma ung, Ki sual hrai sika a ni; Ki’rsîr tatak ta, Khandaia ni that hrang lak ki kôla hin an pung maia, In sûng tiang lak hripuiin a ni bôm.

CHAP HLA 5:17

Hi sika hin kin irzal ta. Kin mit khom a zîng ta.

LUKA 23:29

Nupang ching hai, nâivong ngai loihai, nâi don ngai loihai chu an vân a sa e! an ti zoro la hong tung a ti.

1 SAMUELA 30:4

Kha hnung chu Davida le a kuanga omhai chu an chap tâka, sôl takin an oma.