CHAP HLA 1:22 - PATHIAN LEKHABU IRTHIANG C.L. Bible (BSI)

²² An thil saloi thohai khom hmu pehaiin lân, Ki sual sika an ni iloh lam ang hin lôhai ro, Intak tuangin ki irzal ngôi ngôi a ni ta.

CHAP HLA 1:22 Iomraidhean Croise

INPÂKNA HLAHAI 143:7

O Rengpa, ni sâm zôi zel ro! Ki’rtha a’rzal ta. Keima ata hi ni hmâi thup no ro, khano’nchu khurpadopa chumhai angin ki om duai itinin.

INPÂKNA HLAHAI 79:10

Ithoa mo nam tinin, “Kho mo an Pathian kha te?” an iti. Ni siahlohai thisen suak phuba lâkna chu ei mithmua nam tin laia hin inhriat ni ri se.

ISAIA 13:7

Khasikin, mi tinrênghai hrâtna tôm a ta, an phûk inthing a ti.

JEREMIA 10:25

Ram dang chubai nang mûk ngai loihai chunga khan le nang hnôltu mihai chunga khan ni ningmur chu insum roh. Ni mihai an thata, an ni insiat chita, kin ram khom an ni inramtir zoi tâk a ni.

JEREMIA 18:23

A ni, Rengpa an ni inrûka thuphan dân hi nin hriat vinga. An tho’nchâina mo, an sualna chu ngaidam no roh. Ni ningmur lai takin anni chu intem takin paihai ta ro,” tiin.

JEREMIA 30:16

Nang a fâk inhektuhai chu fâk inhek ni an ti. Ni râlhai murdi sala hruai an ta, mi longtuhai chu longin om an ti. Nin ramtirtuhai chu inramtirhai ki ti.

JEREMIA 51:35

Zion mihaiin, “Ei chunga nuamninga lôna a itung hi Babulon ram chu mô inpêltir ni ri se!” ti ri sehai. Jerusalem mihaiin, “Ei ituang hi Babulon ram chu a mophurtu ni ri se!” ti ri sehai.

JEREMIA 8:18

Ki milung natna hi indam thei ni ma, lungrîla na ki ni.

CHAP HLA 1:13

Irvân ata mei a zuang tîra, ki ru sûnga an lûttira, Ki ke ta hrangin lên a dâpa, hnungkîr a nin thotira lungrîl mumalboiin a ni siama.

CHAP HLA 5:17

Hi sika hin kin irzal ta. Kin mit khom a zîng ta.

LUKA 23:31

Thing hring lua hiang hin an lo’n te, thing châr len vâng te itin takin mo an ilo hrang?” a tia.

EFESI 3:13

Khanchu, nin ta hranga ki ituangnahai sika, indôp loi hrangin nangni ki ngên, nin roiinpuina hrang a ni.

THUPHUANG 6:10

Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.