CHAP HLA 1:21 - PATHIAN LEKHABU IRTHIANG C.L. Bible (BSI)

²¹ Ki khêk irhâi hi nir ngai pe ro ba, Lungngam saktheitu tûte om mahai, A ni intuangtir a nih ti ki râlhaiin an inhriatin chu ki râlhai a sân an râi a fân, ni zoro ten chu hong tung ta sian, Keima ang hin tuang ri sehai.

CHAP HLA 1:21 Iomraidhean Croise

INPÂKNA HLAHAI 35:15

Khannisianlân keima ki’rtetin chu an lôma, an inkhômpui rak a ni: Mi sual mai maihai chu ni bei hrangin an irbuka kha kha lei inhre ma unga; Bâng nuam loiin an ni soisak bita:

INPÂKNA HLAHAI 37:13

Rengpa khan ama kha innuisan a ti: A nikhua a hong itung hrang ti an hriat sikin.

INPÂKNA HLAHAI 38:16

“khano’nchu nin riam a ta, Ki kesir a châi le ki chunga lian irti an ti,” ki iti a ni.

ISAIA 14:5

Rengpa’n mi pualoihai khianghrol chu an khiakpai ta; roirêltuhai khianghrol chu;

ISAIA 14:6

mi tin ningmur pumin an vîkhaia, nam tin ningmur puma tûte ikhap nang loia dengtheina roirêlnahai chu.

JEREMIA 30:16

Nang a fâk inhektuhai chu fâk inhek ni an ti. Ni râlhai murdi sala hruai an ta, mi longtuhai chu longin om an ti. Nin ramtirtuhai chu inramtirhai ki ti.

JEREMIA 48:27

Moab, Israel mihai ni inuiso dân kha inhre mai ro? Inru kâra chang mo an nia, an thurchi ni hril rikipin ni lu ni inthik ngai hi?

JEREMIA 50:11

Khan Rengpa’n, “Babulon rama mihai, ki nam nin insiata, lômna le râifânna’n nin sipa, sepui buchîl angin le sakor inhrâm angin nin irvêl thût thûta.

JEREMIA 50:15

Khopui irhualin irdoi hrangin tânginsam roi. Babulon chu ar pêk tâka, a kulbang chu a koi tâka, a ichim a ni ta. Babulon-hai chunga phuba ki ilâk a ni. Khaangin an chunga hin phuba la unglân, mi danghai an isoisak lam ang takin anni khom soisakhai roi.

JEREMIA 50:29

Khan Rengpa’n, “Babulon doi hrangin inhril roi. Mi tukhom thal hmang dân inhriat tâk kai chu tîrsuak roi. Khopui kha irhual khak unglân, tûte inzôk no roi. A thil thohai kha thuan nôk unglân, mi a ilôhai lam takin thohai roi, Israel mi irthiang ki chunga irpâkna’n a tho sikin.

JEREMIA 50:31

“Babulon ram, nang chu irpâkna sip ni nia, khasika khan keima Rengpa Itinrêngthothei, Pathianin nang ki idoi a ni. Dûk nang tho zoro a hong itung a ni ta.

JEREMIA 51:24

Khan Rengpa’n, “Jerusalem chunga thil a itho insualhai sika khan Babulon ram le a mihaiin ki toi lai ni hmu an ti.

JEREMIA 51:49

Babulon ram chu a rammual pumpuia mi tamtak thina intungtirtu a nia, atûn hin Israel mihai tamtak thina sikin Babulon ram chu a idok hrang a ni ta. Keima Rengpa’n ki iti a ni,” a tia.

CHAP HLA 1:16

Khasikin kêng hiang dôra ki ichap, Ki mitrithi khom a irte don don a ni. Lungngam saktuhai an irthekindarh zoia, A nin hartir thei tûte om ta mahai, Râlhai an hrât tâk sikin, Ki nâi le tehai khom an chaninvâi zoi ta.

CHAP HLA 1:2

Zâna khom chap khovârin, A bianga mitrithi irte don don a luanga. Ama irngaiirsânga lungkhamtu dang nei loiin a rualhai huangin, a râl an chang zoi ta.

CHAP HLA 1:22

An thil saloi thohai khom hmu pehaiin lân, Ki sual sika an ni iloh lam ang hin lôhai ro, Intak tuangin ki irzal ngôi ngôi a ni ta.

CHAP HLA 1:4

Zion panna lampui chu a ping khaka, Kût hmang hrang khom tûte om ta mahai, An khopui mikothai khom a siat zoi tâka, Changpân a ap zoi ta. Hla sak thei dôngmatehai khom an irzal zoi ta, An deipuhai khom khêkin an inrûm a ni ta.

CHAP HLA 1:8

Jerusalem hin thil saloi a tho intam hrai sikin, a innim a ni ta. A’rngaiinhluhai khan an en irhniama, a silkai boi kha an hmusuak tâk sikin, Inzakin a khêka, hnung songsanin a om.

CHAP HLA 2:15

O, Jerusalem ni kôla fehaiin chu, kut inbênin nang an êsêla; an luheiin, hi hi mo khua hoitak an iti, rammualin a isong kha! an tia.

CHAP HLA 2:16

Ni râlhaiin nang an innuisana, Irfûiin an ha nang an irialkhum a ni. “Kin hong hmu ta kin itum nikhua, kin hmu tâk,” an tia.

EZEKIELA 26:2

“Mihriam nâipa, Tura khopuia omhai khan hiang hin Jerusalem kha an nuisoa, ‘Jerusalem chu irnôitirin a om tâka, a sum bepâr thônahai chu inboipaiin a om tâka, ama chu itiklai khom a ni doitu ni thei ta ngai no ni,’ tiin an khêka.

JOELA 3:14

Mi sâng tamtakhai kha Jehosafata irhôra an om khôm ta; kha khan a ni, Rengpa nikhua zuang tung hrang a ni.

THUPHUANG 18:6

Nin chunga a itho angin a chunga tho unglân, A sinthohai murdi a bâk inhniin thuan unglân, Zu nangni a irfûk pe hranga bâk hnia hrâtin a khilât insip pe roi.