2 TIMOTHEA toc2 2 TIMOTHEA 4:8 - PATHIAN LEKHABU IRTHIANG C.L. Bible (BSI)

⁸ atûn chu, thiamchangna, chôiindômna lukhum kha, dong hrang vai ki hmabâk a ni ta; kha kha roirêl dik, Rengpa khan, kha Nikhuaa khan ni pe a ta, keima vai ni loiin ama lungthunga, a zuang inlang nôk lei nghâkhai murdi kuang khom pe sa a ti.

2 TIMOTHEA toc2 2 TIMOTHEA 4:8 Iomraidhean Croise

IRPHUTNA 18:25

nangma’n chu khaanga mi felhai mi suala an lût thei loina hrangin, mi felhai hi a sualhai le thathai hrangin chu tak nang sôn ma unga; irnêng chunga roirêltu’n fel takin a irêl ngai mo ni ma?” a tia.

INPÂKNA HLAHAI 31:19

O, ni satna, nangma chituhai hrangin ni ibukkhôm kha, a roiinpui bâka! Mihriam nâihai mithmua nangmaa iamna irnghathai hranga a itho pe kha.

INPÂKNA HLAHAI 7:11

Pathian chu roirêltu fel tak a ni, a ni, a nitin mi sualhai chunga lung hoiloina nei Pathian a ni.

THUVÂRHAI 4:9

Nangma hrangin roiinpuina rênglukhum ni a ti”.

MALAKIA 3:17

Sipaihai Rengpa khan, “Anni kha ki tahai ni an ta, irchon irkhêl bîk tak ki siamna nia chu; khan mi’n a nâipa ama sinthotu kha a isiam angin anni kha siam ki ti,

MATHAIA 24:36

“Khannisianlân, kha nikhua le a zoro kha chu Pa ti no chu tûte’n inhre mahai, irvâna vântîrtônhai khomin, Nâipa khomin inhre mahai.

MATHAIA 7:22

Kha nikhuaa khan mi tamtakin, ‘Rengpa, Rengpa! Ni’rhmingin thu kin insîra, ni’rhmingin ramilhlihai kin inhnot suak ngai, ni’rhmingin sinirkhêlhai kin itho ngai loi ma ni?’ la ti an ti.

LUKA 10:12

Nangni ki hril, Pathian Roirêl nia chu, kha khua tuang hrang nêkin chu Sodom khua tuang hrang chu a zâi om ual a ti.

ROM KHUAA MIHAI KUANGA TÎRTÔN PAULA LEKHATHON 2:5

Ni tukullian le ni milung ngar sikin Pathian ningmurna nikhua, dik taka Pathianin roi a rêlna nikhua tika mani hremna bukkhôm chian ni ni.

ROM KHUAA MIHAI KUANGA TÎRTÔN PAULA LEKHATHON 8:23

Kha vai kha ni mah, eini Irtha ra masa dongtuhai ngei khom hi, a nâia a ni siam tika chu, nghâkhmo’n ei inrûm a ni.

1 KORINTH 2:9

Pathian Thu’n, “Pathianin ama lungthunghai ta hranga an irfûk angin chu, Mita hmu ngailoi le mikuara inhre ngai loi. Mihriam lungrîla lût ngai loi a ni,” a iti angin.

1 KORINTH 3:13

Krista Nikhuaa khan meiin an lâr hrang sikin, mei ngei khan mi tin sintho kha fia ta a ta, a ini tak inlang a ti.

1 KORINTH 9:25

Irsiatnaa changhaiin chu lam tinrênga an irdîn ngai. Anni chu rênglukhum siatthei hmu hrangin an irsiata, eini’n chu rênglukhum siat theiloi hmu hranga a ni.

2 KORINTH 5:2

Irvâna ei omna hrang ina khan, a nir khu hrang irzuk tak takin hi ina hin ei inrung tak tak ngai a ni;

FILIPI 3:11

Khanchu mithi thoinôknaa khan kaithoi ni ngêt ki ti.

KOLOSA 1:5

Thurchi Sa thutak nin inhriat ata sabeina nin lei nei tâk sika a ni, kha sabeina kha nin ta hrangin irvâna sia insa a ni.

1 THESALONIKA 1:10

A Nâipa Jisua, mithi lai ata kaithoi, ningmurna zuang tung hrang ata ni sansuakpu kha, irvân ata zuang nghâka nin omhai an insîr sup sup a ni.

1 THESALONIKA 5:4

Urênghaio, nangni chu inthima om mak chêia, kha nikhua chu inru angin nangni de no ni.

2 THESALONIKA toc2 2 THESALONIKA 2:8

Kha zoro tika chu Dân insiatpa kha hong inlang a ta, khannisian ama kha Rengpa Jisua’n hong that a ta, a zuang nôkna roiinpui taka khan zuang irhmangtir a ti.

1 TIMOTHEA toc2 1 TIMOTHEA 6:19

Khanchu, nakan tena irchon hlu tak an irsiam pe ni a ta, hringna tak tak an ichang hrang a ni.

2 TIMOTHEA toc2 2 TIMOTHEA 1:10

Khannisian atûn hin, a ni saninhringtu Krista Jisua a zuanga khan, kha kha a hong inlang lik tâk a ni. Ama khan thina an hnê tâka, Thurchi Saa hin hringna le thi theiloina a hong inlang tâk a ni.

2 TIMOTHEA toc2 2 TIMOTHEA 1:12

Khasika khan kêng atûn khom hianga ki ituang a ni; khannisian inzak ma ung; ki iiam chu kin hriat, ki inkoltir kha, kha Nikhua khan, a vong insa indik tih kin hriat.

2 TIMOTHEA toc2 2 TIMOTHEA 1:18

Rengpa khan kha Nikhuaa khan a lungkhamna kha indongtir ri se! Efesi khuaa ki ta hranga sin a ithozia khom nin hriat infel a ni.

2 TIMOTHEA toc2 2 TIMOTHEA 2:5

Mi intân irsiat khom dân ang taka an tân no’n chu lômman hmu thei no ni.

2 TIMOTHEA toc2 2 TIMOTHEA 4:1

Pathian le Krista Jisua, mithi le mi hring roirêltu hrang makunga a zuang nôkna le a ram inhriatin thu nang ki pêk.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

HEBRAI toc2 HEBRAI 12:11

Sepna rêng rêng hi tuang laiin chu raifânomin inlang ngai maka, intak takin an lang ngai a ni. Khannisianlân, tuang zoi tika chu, khataka tuang suaka om tâkhaiin chu ra irtharngam om tak an suaktira, mi a siaminsa ngai.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

1 PETERA toc2 1 PETERA 1:4

Khasikin, Pathianin a mihai hranga irchon tamtak a isia kha dong hrangin ei itûng a ni. Kha irchon siat thei loia, hmon thei loi le chuai thei ngai loi kha Pathianin nin ta hrangin irvâna a isia tâk a ni.

1 PETERA toc2 1 PETERA 5:4

Khanchu, Belra Enkoltu Inlaltak a zuang inlang tena chôiindômna lukhum roiinpui chuai theiloi kha dong nin ti.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

THUPHUANG 19:11

Khan, irvân irhong ki hmua, sakor ngoi le a chunga chuang iamom le dik taka an iti ki hmu sa. Ama khan fel takin roi a rêla, a râl a doi ngai.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

THUPHUANG 22:20

Hi thu inhretuhai hin, “A ni tak tak! Ki izuang hrang tâk kêng!” a ti. Amen, zuang ta roh, Rengpa Jisua!

THUPHUANG 4:10

Upa sômhni minlihai kha rêngtoihmuna toitu makunga khan inbokin kumtuanga hring maitu kha chubai an mûka. An rênglukhumhai kha rêngtoihmun matona siain,

THUPHUANG 4:4

Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.