2 TIMOTHEA toc2 2 TIMOTHEA 4:18 - PATHIAN LEKHABU IRTHIANG C.L. Bible (BSI)

¹⁸ Rengpa’n sualna tinrênga irthokin ni kêlsua a ta, a vân rama khin hoi takin ni hruai a ti. Roiinpuina kha a kuang kumtuangin om mai ri se! Amen.

2 TIMOTHEA toc2 2 TIMOTHEA 4:18 Iomraidhean Croise

IRPHUTNA 48:16

siatna tinrênga nin zôktu vântirtônin nâipanghai hi satvur ri se, khan ki’rhming le kir chibul Abrahama le Isaka irhming pêlin om ri sehai, rammual pumpui hi lua sipa pungin om ri sehai,” a tia.

1 THURCHI SUINA 4:10

Israel hai Pathian kuang Jabeza chu a chongchaia, “O Pathian, sat ni vurin lân, ram irzat tak ni pe’n lân, nâ ki tuang loina hrangin thil saloihai ata ni hrungin lân, ni ompui mai ro,” a tia. Khanchu Pathianin a izong angin a ompui a ni.

INPÂKNA HLAHAI 121:7

Rengpa khan sual tinrêng ata nang hrung a ta; Ni hringna chu hrung a ti.

INPÂKNA HLAHAI 37:28

Rengpa’n chu roirêlna fel a’rngaiinhlua, A mi irthianghai chu rotsan ngai mah; Kumkhua hrangin vong insa’n an oma: Mi sia irchihai chu irhmangtirin om an ti.

INPÂKNA HLAHAI 73:24

Nangin ni lei inkungna’n ni hruai ni ta, Kha zoi tika chu roiinpuinaa khin ni lôm a ti.

INPÂKNA HLAHAI 92:10

Khannisianlân ki’rkî hi selepa irkî angin ni chôiindôma: Sahriak thara pol ki ni ta.

THUVÂRHAI 14:32

Mi sia chu a sintho insual khan ama irhmangna hrang an tungtir ngaia, mi fel chu a felna khan hrung mai a ti.

MATHAIA 13:43

Khanchu, Pathian nâihai chu an Pa Rama misa angin vâr ta an ti. Irngai roi, mikuar nei murdi’n chu!

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

LUKA 11:4

Keini khomin kin chunga tho’nsual murdi kin ngaidam ngai angin, Nang khomin kin sualhai ni ngaidam roh, Thêmnaa ni hruai lût no roh,’ ti hi,” a tia.

LUKA 12:32

Pôl tômtehaio, chi no roi, Ram nangni pêk hi nin pa nuamlam tak a ni.

LUKA 22:29

Ka pa’n ram a ni inkung pe ang dênin kei khomin ram nangni kin kung pe;

JOHANA 17:15

“Anni chu rammual ata la suak hrangin nang ngên ma ung, mi sual ata hrung hrangin nang ki ngên a ni.

ROM KHUAA MIHAI KUANGA TÎRTÔN PAULA LEKHATHON 11:36

Thil murdi hi ama ata zuang om, ama sika le ama hranga om a ni. A kuang kumtuang roiinpuina kha om ri se. Amen.

ROM KHUAA MIHAI KUANGA TÎRTÔN PAULA LEKHATHON 16:27

Pathian omsun, vâr tak, Jisua Krista sikin kumtuangin roiinpuina om ri se. Amen.

1 KORINTH 1:21

Pathian vâr dân chu hi hi a ni, Rammualin vârna hmanga Pathian an inhriat theiloi hnungin, kin thuhril invêt hmanga iamtuhai saninhring hi: Kha kha Pathian nuamlam tak a ni.

1 KORINTH 10:13

Fiana nin itong hen hi mi tong ban om ual mah. Pathian chu iam a oma, ni tuang thei bana irkhêl fiana nin chunga intungtir no ni, nin doi zoi theina hrangin fiana hong tung laiin lôitheina lampui nangni siam pe a ti.

1 KORINTH 15:50

Urênghaio, “Taksa le thisenin Pathian Ram lua thei no nia, a hmon thei hin hmon theiloi kha lua thei ual no ni,” ti hi a ni.

2 KORINTH 1:10

Ama khan kha thina ichiom tak ata kha a ni saninhring tâka, ni la saninhring a ti; ni la saninhring nôk mai a ti, tiin kin tûngna amaa kin irnghata,

GALATIA 1:5

Pathian kuang khan roiinpuina kumtuangin om ri se. Amen.

1 THESALONIKA 5:23

Irngeina Pathian ngêt khan nin pumin irthiangtir sianlân, ei Rengpa Jisua Krista zuang nôk tika chu nin irtha le lungrîl le nin taksa a puma sêlna boiin inomtir ri se.

2 THESALONIKA toc2 2 THESALONIKA 3:3

Rengpa chu iam a oma, ama khan nangni an hrâtin mi sualhaia irthokin nangni inzôk a ti.

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

1 TIMOTHEA toc2 1 TIMOTHEA 6:16

Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

2 TIMOTHEA toc2 2 TIMOTHEA 1:12

Khasika khan kêng atûn khom hianga ki ituang a ni; khannisian inzak ma ung; ki iiam chu kin hriat, ki inkoltir kha, kha Nikhua khan, a vong insa indik tih kin hriat.

2 TIMOTHEA toc2 2 TIMOTHEA 4:1

Pathian le Krista Jisua, mithi le mi hring roirêltu hrang makunga a zuang nôkna le a ram inhriatin thu nang ki pêk.

HEBRAI toc2 HEBRAI 11:16

Kha nêkin, ram sa ual irvâna om kha kêng an irngai. Khasikin Pathianin an Pathian irti kha inzak maka, an ta hrangin khopui ten khom a lei siam pe tâk sikin.

HEBRAI toc2 HEBRAI 12:22

Nangni chu Zion Tâng, Pathian hring khopui, vân Jerusalem le Vântîrtôn sâng tamtakhai omna nin ingîr a ni.

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

1 PETERA toc2 1 PETERA 1:5

Ama nin iam sikin saninhringna sinsiam sai, zoro hnungkhôna inlang a ni dênin, Pathian sinthotheina khan nangni vong a ti.

1 PETERA toc2 1 PETERA 5:11

Ama kuang khan sinthotheina kumkhua’n om ri se. Amen.

2 PETERA toc2 2 PETERA 1:11

Khanchu ei Rengpa le saninhringtu Jisua Krista kumtuang rama lôm takin nangni inlûttir a ti.

2 PETERA toc2 2 PETERA 3:18

Ei Rengpa le saninhringtu Jisua Krista inhriatna hai, lungkhamna hai irsônlian mai roi. A kuanga khan roiinpuina atûn ata kumtuang dênin om ri se. Amen.

JUDA 1:1

Jisua Krista suak le Jakoba urêng Juda khan, Pa Pathian lungkhamna le Jisua Krista ienkolnaa om, ikoihai chu chubai ki mûk.

1 SAMUELA 17:37

Kâmkeibaknei le savomhai kut pâr ata ni sansuaktu Rengpa khan, kha Filistia mi kut ata kha ni sansuak ngêt a ti,” a tia. Khanchu Saula khan Davida kuang khan, “A sa fe ngânin lân, Rengpa khan nang ompui ri se,” a tia.

1 SAMUELA 25:39

Davida khan Nabala a thi ti a hon hriatin chu, “Nabala’n a ni hmusitna sikin Nabala chunga phuba a lâka, a suak hi thil saloi tho loiin a ni khaptu Rengpa chu inpâkin om ri se. Nabala thil saloi tho chu Rengpa’n ama chunga ngêt a insumpai pe a ni,” a tia. Kha hnung chu Davida khan Abigaili kha dôngmaa va biak hrangin mi a tîra.