2 TIMOTHEA toc2 2 TIMOTHEA 3:6 - PATHIAN LEKHABU IRTHIANG C.L. Bible (BSI)

⁶ Khahai laia mihai kha kêng in sûnga lûta, sual puakrik nupang into ualhai suaka a man ngai.

2 TIMOTHEA toc2 2 TIMOTHEA 3:6 Iomraidhean Croise

INPÂKNA HLAHAI 38:4

Ki pualoinahai khan ki lu hi a ngîm paia, Puakrik tak, ki izoiloi hrang ang hi a ni.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

MATHAIA 11:28

“Nangni sinsôl le puakrik pêl murdihaio, ki kuang hong unglân, keima’n nangni irngamtir ki ti.

MATHAIA 23:13

“Nangni Dân irchutirtu le Farisai vârirlethaio, nin chung a rik! vân Ram lampui kha mihai nin khâr pehai ngaia; nangni lak lût mak chêia, a lût hranghai khom an ilût lak phal mak chêi.

MATHAIA 23:14

Nangni Dân irchutirtu le Farisai vârirlethai, nin chung a rik! Meithâi sum nin fâka, mi huangna’n sôt tak tak nin chongchai ngai, khasika khan nin dûk tong lûminna ual a ti.

MATHAIA 4:24

Khanchu, Suria ram murdia a thurchi an thang tâka; damloi murdihai, damloina le natna tinrêng tuanghai, ramilhli ichelhai, hrisangol le zenginthihai, a kuang an hong hruaia, a lei indamhaia.

MARKA 4:19

khannisian, rammual intakna hai, irchon irzukna hai, irzukna dang danghai, a hong lûta, thu kha a hong dîp irhmanga, a ira ta ngai loi a ni.

1 KORINTH 12:2

Jentail mi nin ni lai khan millim chongtheiloi tiang nangni an hruai irhmang ngai ti nin inhriat.

1 TIMOTHEA toc2 1 TIMOTHEA 5:6

Meithâi rêlillek tak chu, a hring lai khomin mithi a ini chian a ni.

1 TIMOTHEA toc2 1 TIMOTHEA 6:9

Irchongna nuam mihai chu inthêmnaa an lûta, huatirhamna invêt, châng ichiom taka an in-ôka, an siatpuia, an irhmang ngai a ni.

TITA toc2 TITA 1:11

Khahai bâi kha hîp pehai hrang a ni; a sûngkua kuain mihai an inbuaihaia, sum hmu hrang sabeiin irchutir loi hrang hrang mi an irchutir ngaia.

TITA toc2 TITA 3:3

Tiana khan chu eini khom inmôltak, tukullian tak, hruai irhmanga om, irzukna le inhoina chi tinrêng suaka om ei nia, mi hnarsaa êsêlin ei oma; nunse tak, irkhôkmâk irhlôm uar mi ei ni ngai.

2 PETERA toc2 2 PETERA 2:18

Thu chanlamboi uar tak taka hrilin, suala omhai laia irthoka intân suak lai takhai chu taksa irzuknaa intiromna an inthêm inhnêhai ngaia.

2 PETERA toc2 2 PETERA 3:17

Inditom takhaio, nangni’n chu nin inhriat tâka, irdîn roi; khano’nchu uksak nei loihaiin nangni hruai irhmang an ti; nin det insat laiin tûk likna chin ni.

JUDA 1:16

Kha mihai khan chiar le mi hrilsiat vai an hrâta, anni irzukna sual vai an irzûla, bâi nghal songin irpâkin an irsora, inlâpna irzûlin mi huang an hrât tak tak a ni.

JUDA 1:18

“Zoro hnungkhôna chu, nangni innuisantuhai, Pathian uksak loia mâni irzukna ang taka omhai la om an ti,” tia nangni a ihril kha.

JUDA 1:4

Mi senkhat Pathian nei loihai, inrûkin ei laia hong lût an oma, kha mihai khan ei Pathian lungkhamna kha hurna an inchangtira, ei Hruaitu le ei Rengpa neisun Jisua Krista khom pom mahai. Kha mihai khan thiamno an chang hrang dân chu tianlai ata Pathian Thubu’n a lei inpuang sai diam tâk a ni.