2 TIMOTHEA toc2 2 TIMOTHEA 2:25 - PATHIAN LEKHABU IRTHIANG C.L. Bible (BSI)

²⁵ Ama doituhai khom tuangdiarthei takin a suiôi hrang a ni, thutak inhre hrangin Pathianin an lungrîl a irlettir zôi thei.

2 TIMOTHEA toc2 2 TIMOTHEA 2:25 Iomraidhean Croise

JEREMIA 31:33

Kha ni tena Israel in sûngkuahai le ki thuthung hrang chu hi hi a ni. An lungrîla ki dân sia ki ta, an milunga irziak sa ki ti. Kei an Pathian ni ki ta, anni chu ki mihai ni an ti.

EZEKIELA 11:19

Anni chu lungrîl hmunkhatin siam ki ta, lungrîl thar pêk ki ti; khan an taksa ata lungrîl lung anga ngar chu la ki ta, an kuanga khan taksa lungrîl irnêm pe ki ti.

EZEKIELA 12:3

Khasikin, nang mihriam nâipa, sala intângnaa fe hrang angin ni neinunhai intêl infelin lân, khan sûn khovâra an mithmu ngêta sala intâng hrangin fesuak ro, an mithmu ngêta hi hmun ata hmun danga irson ro, tehelzong insûngkua an nina kha, an ngaitua thei nâk mo.

EZEKIELA 36:26

Milung thar le ngaituana thar nangni pe ki ta, nin milung, lung anga ngar kha lapai ki ta, thuzôm theina milung nangni pe ki ti.

EZEKIELA 36:31

Nin omdân pualoihai le nin sin siat thohai kha inhre suak nin ta, khanchu nin porinchenahai le nin sualnahai sikin nin mithmu ngêta khan nin bingin irtir irhlôm nin ti.

ZAKARIA 12:10

Davida irchi suanpâra mihai le Jerusalema mihai chunga khan khonzâna le chongchai nuamna irtha chu buak ki ti. Khanchu an lei isun that tâk kha en an ta, mi’n a nâi khât a ichâ angin ama chu la châ an ti. Nâilutîr sûntuhai angin a sân la sûn an ti.

MATHAIA 11:29

Ki ringkol irbun unglân, ki kuang irchu roi, thuhnuairôl tak le irngaiintôm tak ki ni sikin, Khanchu nin irtha ta hrangin irngamna hmu nin ti.

MATHAIA 21:32

Baptistu Johana khan lampui dik nin izui hrang nangni irhmu a zuanga, lei iam mak chêia; khâzana irfuangtuhai le notizuarhaiin chu an lei iam a ni. Nangni chu nin hmu hnung khomin nin ngaituana thûlin ama iam mak chêi,” a tia.

MARKA 1:15

“Zoro a hong tung ta; Pathian Ram khom anai ta; irlet unglân, Thurchi Sa hi iam ta roi,” a ti thiaia.

JOHANA 5:34

Thu ki inhriattir hi mihriama irthoka ni maka; khannisianlân, saninhringa nin om theina hrangin hi thu hi ki ihril a ni.

TÎRTÔNHAI SINTHO 11:18

Hi chong hi an inhriat le chu sêl ta mahaia, “Khaang khan a ni’n chu, Pathianin Jentailhai khom irleta, hring hranga zoro’nchum a ipêk a ni kha te,” tiin Pathian an inpâk ta.

TÎRTÔNHAI SINTHO 2:38

Petera’n, “Irlet unglân nin sualhai ngaidam a nina hrangin Jisua Krista irhmingin baptisma chang chit roi; khanchu, hi thilpêk, Irtha Irthiang hi, dong nin ti.

TÎRTÔNHAI SINTHO 20:21

Judahai le Grikhai kuang khom Pathian tiang an sualna irlet hrang le ei Rengpa Jisua iam hrangin ngûk takin thu ki hril ngai.

TÎRTÔNHAI SINTHO 5:21

Kha thu kha an inhriatin chu an fe tâka, zînga chu Tempila an lûta, mi an irchutirhai ta. Ochai inlaltak le a chanpuihai khan Israel upahai Sanhedrin-ah mi murdi an koi bukhaia, tîrtônhai kha va hruai hrangin intângna ina mi an tîra.

TÎRTÔNHAI SINTHO 5:31

Israelhai sual irlettira ngaidam an ni theina hrangin. Ama ngei kha Pathianin rêng le saninhringtu ni hrangin a chang tiang a chôiindôm ta.

TÎRTÔNHAI SINTHO 8:22

Aniachu, ni sual hi irletin lân, Rengpa kuang chongchaiin lân, ni ngaituana sual hi nang ngaidam no ni mo.

GALATIA 6:1

Urênghaio, mi tu mo khatin sual a tho lai takin tong ta unglân, nangni irtha mihaiin nin indik hrang a ni; khannisianlân, irngaiintôm takin ni tho hrang a ni. Nangni khom thêmnaa nin lût sa loina hrangin irdîn dêkin om roi.

1 TIMOTHEA toc2 1 TIMOTHEA 2:4

Ama khan mi murdi saninhringa om le thutak inhriat hrangin a inuam a ni.

1 TIMOTHEA toc2 1 TIMOTHEA 6:11

Nang, Pathian mi, kha thilhai kha nangma’n chu rotsan roh. Felna hai, Pathian ngaisakna hai, iamna hai, lungthungna hai thuhnuairôlna hai, tuangdiarna hai, nunhoina hai, nei tum khak roh.

2 TIMOTHEA toc2 2 TIMOTHEA 3:7

Kha nupanghai kha irzukna tinrênga hruai irhmang, inhriat tum maia thutak inhre thei viat loihai an ni.

TITA toc2 TITA 1:1

Kei Paula hi, Pathian siahlo le Jisua Krista tirtôn, Pathian mi izenhai iamnaa kaihruai hrang le

TITA toc2 TITA 3:2

Tûte hrilsiat loia, irngeisîpa rual irchanga, mi tin chunga zâidam hrangin ti pe roh.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

1 PETERA toc2 1 PETERA 3:15

Krista kha inza unglân, nin lungrîla rênga nei roi. Nangnia om nin isabei nasan chu nangni irdon murdi chu sâm hrangin irsiam diam roi.

1 JOHANA 5:16

Tukhomin, a urêng, thina dôr ni loi sual tho’n hmu sianlân, ngên pe a ta, Pathianin hringna pe a ti. Hi hi thina dôra sual tho loihai hranga a ni. Khannisian, thina hrang dôr sual a oma, khaanghai ta hrangin ngên pe hrang ti ma ung.