2 TIMOTHEA toc2 2 TIMOTHEA 2:19 - PATHIAN LEKHABU IRTHIANG C.L. Bible (BSI)

¹⁹ Khannisian, Pathian lungphûm det tak kha chu inhnîng thei ma, ama khan hi chong hi irziak a om: “Rengpa’n ama tahai chu an hriat,” iti le “Tukhom Rengpa ta ki nih ti murdi’n chu sual hnung a isongsan ngêt hrang a ni,” ti hi.

2 TIMOTHEA toc2 2 TIMOTHEA 2:19 Iomraidhean Croise

JOBA 28:28

Mihriamhai laia, “Irngai ro, Rengpa chi hi vârna a ni, thil saloi mâksan hi inhriat theina chu a ni,” a tia.

INPÂKNA HLAHAI 1:6

Mi felhai fena chu Rengpa khan an hriat mai ngaia; Mi siahai fena rêk chu irhmangna a ni.

INPÂKNA HLAHAI 112:6

Itika khom inhnîng no nia; Mi fel chu kumkhua’n inhriat maiin om a ti.

INPÂKNA HLAHAI 34:14

Sual rotsanin lân, thil sa tho roh; Irngeina zongin lân, a’rzûlin irzûl roh.

INPÂKNA HLAHAI 37:18

Rengpa’n mi sa famirkip nikhuahai an hriata: An irchon lua hrang chu kumkhuaa om mai hrang a ni.

INPÂKNA HLAHAI 97:10

O Rengpa lungthungtuhaio, sual khôkmâk roi. Ama chu a mi irthianghai hringna chu a vong insa ngai; Anni chu mi siahai kut ata a saninzôk ngai.

THUVÂRHAI 10:25

Sim phâivua a hong thoa, mi siahai kha a sêm irhmangtira, mi dikhai chu an zôk thei ngai.

THUVÂRHAI 3:7

Nangma irngaiin ki vâr irti no’n lân, Rengpa thu vai zômin lân, sual hnung songsan ro.

ISAIA 14:32

Filistia ram palaihai chu, itin mo ki isanhai hrang? Zion chu Rengpa inding a nia, amaa khan intakna tong, a mihai tûk lût an ta, tiin hong ni ta a ti.

ISAIA 28:16

Khasikin, Rengpa Pathianin hiang hin a ti: “Irngai ro, Zion-a lung ki phûm ta, zôkna lung iamom tak chu, a kila lung poimo le hlutak chu ki phûm ta, a iam zoihai chu inhnîng no nihai.

ISAIA 63:19

Kin Reng hi ni ngai loi angin nangin ni ni ena, ni mi lei ni ngai loi angin kin om zoi ta.

ISAIA 65:15

Ki inthang ki mihriamhaiin nin irhminghai kha khosâlna’n hmang an ta, Rengpa Pathianin nangni thatpai a ti, ki siahlohai chu irhming thar phuahai ki ta.

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

NAHUMA 1:7

Rengpa kha a saa, chardong nia kul det a ni; amaa an iamna irnghattuhai kha an hriat.

HAGAIA 2:23

Kha nikhuaa khan, o Zerubabela ki siahlo, Sealtiela nâipa, nang chel ki ti, Sipaihai Rengpa thu suak khan a ti; khan, irhming namna kutsabi anga nang siam sa ki ti, Rengpa thu suak khan a ti; nang ki len thang tâk a ni, Sipaihai Rengpa thu suak khan a ti, tiin.

ZAKARIA 3:9

Irngai u ta, Josua makunga ki lung kha; lung inkhata khan mit sari a om a ni: Irngai roi, a chunga khan thil irziakhai irziak ki ta, kha ram saloinahai kha sûn khat zelin lapai zit ki ta, ti hi sipaihai Rengpa thu suak a ni.

NAMBAR 16:5

Kora le a pâlhai kuang khan, “Nangtûk zîng Rengpa’n ama tahai chu ni’rhmutir a ti; ama tahai le a inthanghai chu maichâm bula ama hong nâi hrangin koihai a ti.

NAMBAR 6:27

Khanchu Rengpa’n, “Israel irchihai chunga khan ki’rhming hi satvurna’n an inpuangin chu, kei khomin satvurhai ki ti,” a tia.

MATHAIA 24:24

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

MATHAIA 28:19

Khanchu, hmun tina mihai kuang fe unglân, ki irchutirhaiin siam unglân, Pa le Nâipa le Irtha Irthiang irhmingin baptis-hai unglân,

MATHAIA 7:23

Kha zoiin chu, ‘Nangni thil sual thotuhaio, nangni inhre ngai ma ung, ki kuang ata rot pat roi,’ tiin la hrilhai ki ti.

MATHAIA 7:25

Rua a hong thoa, tuihai a hong liana, phâivua a hong thoa, kha in kha a hong nam rak raka, khannisianlân, chim ma, lungpui chunga sin indet khak a ni sikin.

MARKA 12:16

Khanchu, an hong chôi pea, ama khan an kuang, “Tu irlim le tu irhming mo a chuang?” tiin ar donhaia. Anni khan, “Kaisara,” tiin an sâma.

MARKA 13:22

Krista dol le deipu dol an la suak hrang sikin, Pathian mi irthianghai ten khom an theiin chu an huang theina hrangin sin irkhêlhai le thilirkhêlhai khom tho an ti.

LUKA 13:27

Khannisian, ama khan, ‘Nangni ki hril, kho tianga mi mo nin ini, nangni inhre ngai ma ung; ki kuang ata rot roi, mi pualoihai!’ nangni ti nôk a ti.

LUKA 6:48

Kha mi kha chu a in sin kha lungpui chunga inthûk vita lungphûm ang kha a ni. Tui lianin a suka, inhnîng maka, det ngita sin a ni sikin.

JOHANA 10:14

Kei chu belra enkoltu sa ki ni, ki ta chu kin hriat, ki ta khomin an nin hriat.

JOHANA 13:18

Nin rênga thu insîr ma ung; ki inthanghai chu keima’n kin hriat, khannisian: ‘Ki bai fâktu’n a kuttum a nir hmua,’ ti Pathian lekha thu kha a zuang tung theina hrangin.

JOHANA 3:33

Tukhom a thu inhriattir pom chu mi dik a nih ti pom indet a ni.

TÎRTÔNHAI SINTHO 11:26

A hong hmu’n chu Antiokei-a a hong hruaia, kum khat ang dôr Koiindang mihai laia an kop saa, mi tamtak an irchutir ngai. Antiokei khuaa hin a ni irchutirhai chu ‘Kristian’ an itihna masa tak a ni.

TÎRTÔNHAI SINTHO 15:17

Mi dang, Jentailhai murdi ki’rhming irputhai khan Rengpa an zongna hrangin, kha kairênghai kha inding ki ti, tiin.

TÎRTÔNHAI SINTHO 9:14

Hi hin khom nir hming irlam murdi chel theina hrangin Ochai inlalhai kuang ata irchamneina a hmua hong kêng a ini,” a tia.

ROM KHUAA MIHAI KUANGA TÎRTÔN PAULA LEKHATHON 11:2

Pathianin a phuta a inthang, a mihai kha pai thâk viat mah. Elija thurchi Pathian Lekha thua chuang kha nin inhriat loi ma ni? Ama khan Israelhai chungchâng Pathian kuang an tungtira:

ROM KHUAA MIHAI KUANGA TÎRTÔN PAULA LEKHATHON 12:9

Lungthungna chu vârillekna kop loiin ni ri se. Sual chu khôkmâk unglân, a sa kha pom khak roi.

ROM KHUAA MIHAI KUANGA TÎRTÔN PAULA LEKHATHON 15:20

Mi dang lungphûm chunga sin inding ki ni loina hrangin Krista lan hriatloina hmun kipa Thurchi Sa inpuang hi ki nuamlam a ni.

ROM KHUAA MIHAI KUANGA TÎRTÔN PAULA LEKHATHON 15:9

Jentailhai khomin a lungkhamna sika Pathian chôiindôm theina hrangin. Pathian Thu bu’n, “Khanchu Jentailhai laia nang inpâk ki ta, Ni’rhming inpâkin zâi ki ti,” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 8:28

Pathian lungthungtu, ama inkung anga a ikoihai hrangin chu, an satna hrangin itinrêngin a tho pe ngai tih ei inhriat;

ROM KHUAA MIHAI KUANGA TÎRTÔN PAULA LEKHATHON 9:11

nâite suak mân a sia mo a sa mo an ti thei mân khan Pathianin a nuamlam angin inkhat kha a inthang a nih ti an lang:

1 KORINTH 1:2

Korinth khuaa Pathian Koiindang om, mi irthiang ni hranga koi, Krista Jisuaa irthiangtir le hmun tina ei Rengpa Jisua Krista, (anni le eini Rengpa) irhming irlam murdihai chubai kin mûkhai.

1 KORINTH 8:3

Khannisian, tukhomin Pathian lung a thungin chu kha mi kha Pathianin a inhriat a ni.

2 KORINTH 7:1

Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.

GALATIA 4:9

Atûn chu Pathian nin hong inhriat tâka, Pathianin nangni a hong inhriat tah ti hrang a ni. Itho sikin mo rammual irchutirna dikloi mai maia, ite ni theiloihai tiang nin irheia an suak ni nôk nin inuam tâk?

EFESI 2:20

Tirtônhai le deipuhai lungphûm chunga sia nin ni, kha lungphûm a kila lung poimo tak kha Krista Jisua hi a ni.

EFESI 3:15

Pa, irvân le irnênga sûngkua tinrêngin an irhming diktak an hmûna kha.

EFESI 4:30

Pathian Irtha Irthiang kha beiindongtir no roi, irtanna ni hrangin ama ta ngei nin nizia Pathianin nangni a isinsia a ni.

1 TIMOTHEA toc2 1 TIMOTHEA 3:15

Khannisian, kin hnung taka Pathian sûngkua, Pathian hring Koiindang, thutak vongtuhai chu, i anga om hrang mani, nin hriat theina hrangin ki hong irziak a ni.

1 TIMOTHEA toc2 1 TIMOTHEA 6:19

Khanchu, nakan tena irchon hlu tak an irsiam pe ni a ta, hringna tak tak an ichang hrang a ni.

HEBRAI toc2 HEBRAI 11:10

Abrahama’n khopui, lungphûm det nei, Pathian isiam le sin kha a nghâk mai a ni.

2 PETERA toc2 2 PETERA 3:14

Khanchu inditom takhaio, hi thil nin nghâkhai hin Pathian makunga irthiang le sêlna boia om hrangin theidôr insua unglân, ama leh irngei roi.

1 JOHANA 2:19

Anni kha ei lai ata an suaka, ei mi le satak tak ni mahaia, nihai sian ei kuang an iom mai hrang a ni. Khannisian, an rêngin ei mi le sa ni zit mahai tih an inlang fiana hrangin an isuak tâk a ni.

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.

THUPHUANG 2:13

Ni omna hmun Setana toihmun omna kha kin hriat. Ki’rhming nin tûk ngita, ki inhriatpuitu iamom tak Antipas, Setana omnaa nin laia an that lai khoma khan ni iamna hi ma mak che.

THUPHUANG 21:14

Kulpui khan lungphûm sômhleihni a neia, kha lungphûmhaia khan Belrate tirtôn sômhleihnihai irhming a chuanga.

THUPHUANG 22:4

A hmêl hmu an ta, ar hming an michala chuang sa a ti.

THUPHUANG 3:8

Ni sintho murdi kin hriat: sinthotheina chînte ni nei, khan khomin ki thu ni poma, ki’rhming hnôl mak che ti kin hriat. Khasikin tûte khâr theiloi mikot kha ni makunga ki inhong a ni.