2 TIMOTHEA toc2 2 TIMOTHEA 2:12 - PATHIAN LEKHABU IRTHIANG C.L. Bible (BSI)

¹² Ei tuangin chu, Ama leh roirêl sa ei ti. Ei hnôlin chu, ni hnôl a ti.

2 TIMOTHEA toc2 2 TIMOTHEA 2:12 Iomraidhean Croise

THUVÂRHAI 30:9

khano’nchu ki nei hraiin nang ki phil itinin. A ninole kin riang hrai khomin mi ta kin rûkin ki Pathian mualphoi ki sak itinin.

MATHAIA 10:33

Khannisianlân, tukhom vântâng inhriata ni hnôl chu ka Pa irvâna mi makunga hnôl ki ti.

MATHAIA 26:35

Petera’n a kuang, “Ni kuang thi a chuk khomin nang phil viat no ning,” a tia. Khaang dênin irchutir murdi khan an ti chita.

MATHAIA 26:75

Âr a khuang zôi tâka, “Âr a khuang mân nangin voi thum ni phil ni ti,” tia Jisua’n a iti kha Petera khan an hriat suaka, khanchu a suaka a chap ngûi ngûi tâka.

MARKA 10:33

“Irngai u ta, Jerusalema ei hong ife nôk hrang a ni hi; Mihriam Nâipa hi Ochai inlalhai le Dân irchutirtuhai kuta incheltirin om a ti. Thi hrangin rêlinchuk an ta, kha hnung chu Jentailhai kuta pêk an ti.

MARKA 8:38

Tukhom atûnlaia mihai, uire hmang le sual takhai laia keima le ki thu inzakpui chu, Mihriam Nâipa hi vântîrtôn irthianghai le a Pa roiinpuina leh a zuang tika chu lan zakpui a ti,” a tia.

LUKA 12:9

Khannisianlân, mihai makunga ni hnôl ka chu Mihriam Nâipa khomin Pathian vântîrtônhai makunga hnôl a ti.

LUKA 22:29

Ka pa’n ram a ni inkung pe ang dênin kei khomin ram nangni kin kung pe;

LUKA 22:30

khanchu, ki rama chu ki maichâma fâkin, in nin ta, rêngtoihmuna toiin Israel nam sômhleihnihai chunga roirêl pe nin ti.

LUKA 9:26

Ki thu le keima nin zakpui ka chu Mihriam Nâipa khomin a roiinpuina le, Pa le vântîrtôn irthianghai roiinpuina le, a zuang tika anni kha lan zakpui a ti.

TÎRTÔNHAI SINTHO 14:22

“Intakna tamtak tuangin Pathian Rama ei ilût hrang a ni,” tiin iamtuhai lungrîl an indettira, iamna kha chel khak hrangin an inthorhaia.

ROM KHUAA MIHAI KUANGA TÎRTÔN PAULA LEKHATHON 5:17

Mi inkhat, mimal sualna sika rammuala hin thina’n roi a rêl a ni tâkin chu, mi inkhat ngêt Jisua Krista sikin, Pathian lungkhamna irkhêl tak le thilmanboi pêk thiam changna dongtuhai chu, hringna changin roiinpui takin roirêl ngêt an ti.

ROM KHUAA MIHAI KUANGA TÎRTÔN PAULA LEKHATHON 8:17

Pathian nâihai ei niin chu ar chon luatuhai ei ni, Krista tuangna ei irkoppui ngêt hrang a ni.

FILIPI 1:28

Khanchu, doituhai chu i ang khomin chi loiin, hâitakin om unglân; khanchu, nangni inhnê no nihaia, inhnêhai nin ti, kha kha anni ta hrangin irhmangna a nih ti irsinsiana feltak ni a ti; asan chu inhnêna nangni petu kha Pathian a ni.

1 TIMOTHEA toc2 1 TIMOTHEA 5:8

Khannisianlân, tukhomin mâni in tiang le khuahai, a bîkin mâni in sûng mihai a donsui no’n chu a iamna kha a hnôla, iamloi mi nêkin an sual ual a ni.

JUDA 1:4

Mi senkhat Pathian nei loihai, inrûkin ei laia hong lût an oma, kha mihai khan ei Pathian lungkhamna kha hurna an inchangtira, ei Hruaitu le ei Rengpa neisun Jisua Krista khom pom mahai. Kha mihai khan thiamno an chang hrang dân chu tianlai ata Pathian Thubu’n a lei inpuang sai diam tâk a ni.

THUPHUANG 1:6

khua le tui le a Pathian le a Pa sintho hranga ochaihaia ni siamtu kuang, a ni, ama kuang ngei roiinpuina le irchamneina kumtuangin om mai ri se! Amen.

THUPHUANG 1:9

Kei Johana, nin urêngpa le Jisua hnung zuinaa a Ram mihai chunga dengtheina hong tung diar taka tuangna lama nin chanpuipa ki ni, Pathian thu le Jisua’n thutak a inpuang thu kin puangna sikin Patmos chômbunga intângin ki oma.

THUPHUANG 2:13

Ni omna hmun Setana toihmun omna kha kin hriat. Ki’rhming nin tûk ngita, ki inhriatpuitu iamom tak Antipas, Setana omnaa nin laia an that lai khoma khan ni iamna hi ma mak che.

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.

THUPHUANG 20:6

Kha thoinôkna masa taka changhai kha chu an vân a sa’n an irthiang a ni. Khahai chunga khan chu thi hnina khan ircham rêng nei ta mah; Pathian le Krista Ochaihai ni an ta, ama leh kum sângkhat roirêl an ti.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.

THUPHUANG 3:8

Ni sintho murdi kin hriat: sinthotheina chînte ni nei, khan khomin ki thu ni poma, ki’rhming hnôl mak che ti kin hriat. Khasikin tûte khâr theiloi mikot kha ni makunga ki inhong a ni.

THUPHUANG 5:10

Kin Pathian sintho hrangin khua le tuia le ochaihaiin ni siam tâka; Khanchu, irnênga roirêl an ti,” tiin hla thar an saka.