2 TIMOTHEA toc2 2 TIMOTHEA 1:7 - PATHIAN LEKHABU IRTHIANG C.L. Bible (BSI)

⁷ Pathian Irtha ei idong hin nin dôptir maka, hrâtna hai, lungthungna hai, mâni irseptheina hai a ni ipêk a ni.

2 TIMOTHEA toc2 2 TIMOTHEA 1:7 Iomraidhean Croise

INPÂKNA HLAHAI 119:80

Ki mualinphoi loina hrangin ki lungrîl hi ki thupêka khan sat irkipin om ri se.

THUVÂRHAI 2:7

Mi nunhoi hrangin vârna dik a buk khôma, mi dikhai hrangin ama chu phô a ni.

THUVÂRHAI 8:14

Thil hi ki ngaituaa, ki ngaitua suak ngai. Inhriat thiamna ki neia, hrât tak chu ki ni.

ISAIA 11:2

Rengpa irtha’n ompui a ta, vârna le inhriattheina hai, irfûktir theina le hâina hai, Rengpa chitna le inhriattheina irtha inneitir a ti.

MIKA 3:8

Khannisianlân Jakoba-hai kuang an tho’nsualna inhriattir hrang le Israelhai kuang an sualna inhriattir hrangin Rengpa irtha sika thilthotheinahai roirêlnahai le hrâtnahai khan ki isip tâk a ni.

ZAKARIA 4:6

Khataka khan ki kuang, “Hihai hi Jerubabela kuanga Rengpa thu kha a nia; hrâtna ni loiin, thiltho theina ni ual hliak loiin, ki’rtha’n kêng, tiin sipaihai Rengpa khan a ti e.

LUKA 10:19

An kuang, “Irngai u ta, mirûl, âinuvêt hai, râlpa hrâtna murdi hai sirbe theina ircham nangni ki pêk a ni, ite’n nangni inna viat no ni.

LUKA 15:17

“Khan, a hong inhriat suak tena chu, ka pa ina irhlo mihai bu nêk zoiloi a itam tia le te, keima lak hi hin phîngchâmin ki ithi chian hrang ma ni!

LUKA 24:49

Irngai u ta, Pa chonginkung chu nin chunga zuang tîr ki ti. Chung tiang ata sinthotheina nin chunga a chum mâka chu, khopuia hin lei om mai roi,” a tia.

LUKA 8:35

Khanchu, i thil mo a hong itung ta tih en hrangin mihai kha an suaka, Jisua kuang an hong tungin chu, ramilhli isuaksan tâk pa kha puan sila, lungrîl pangai irputin Jisua ke bula toi an hong hmu’n chu, a sân an chi tâka.

JOHANA 14:27

Irtharngamna nangni ki mâk pe, keima irtharngamna kêng nangni ki ipêk; rammualin a ipêk ang ni loiin nangni ki ipêk a ni. Nin milung dûk tong no ri se, chi khom chi no ri se.

TÎRTÔNHAI SINTHO 1:8

Khannisianlân, Irtha Irthiang nin chunga a zuang tung tika sinthotheina la nei nin ti; khanchu, Jerusalema, Judai le Samari ram pumpuihaia kôlkung dênin ki thu inhretuhai nin ini hrang a ni,” a tia.

TÎRTÔNHAI SINTHO 10:38

Nazaret Jisua chu Pathianin Irtha Irthiang le sinthotheina’n a vurzia kha nin inhriat. Pathian khan a ompui maia, sin sa thoa inzin vêlin Diabola soisak murdihai an damtir thiaia.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

TÎRTÔNHAI SINTHO 21:13

Paula khan, “Imo nin itina, nin chap nin chapa, bei nin ni indongtira nin dôptir nin itum mo? Rengpa Jisua irhming sika khan Jerusalema khan khit vai mo ki’rhuama, thi khom ki irhuam kêng,” a tia.

TÎRTÔNHAI SINTHO 26:11

Sinagok tina Jisua hril insiatir tumin ki hremhai chian chiana, an chunga ki ning an mur hrai sikin, ram dang dênin deng kin theitirhai ngai.

TÎRTÔNHAI SINTHO 26:25

Khannisianlân, Paula khan “Festa mahripom tak, invêt ma unga; thu dik tak le thu vâr tak ki insîr ual a ni.

TÎRTÔNHAI SINTHO 6:8

Stefana chu Pathian lungkhamna le sinthotheina’n a sipa, mi laia sinirkhêl le thilirkhêl roiinpui tak a tho ngaia.

TÎRTÔNHAI SINTHO 9:22

Saula thu insîra khan mi an hne tîr tîra, Jisua chu Mesia a nih ti fel takin a hrilfiah ngai sikin Damaska-a Judahai kha a sêl indonghaia, an buaitirhai chit ta.

ROM KHUAA MIHAI KUANGA TÎRTÔN PAULA LEKHATHON 5:5

Kha sabeina khan bei nin dongtir maka, Irtha Irthiang a ni ipêk hmangin ei lungrîla hin Pathianin a lungthungna kha a zuang ibuak tâk a ni.

ROM KHUAA MIHAI KUANGA TÎRTÔN PAULA LEKHATHON 8:15

Nin Irtha dong kha suak anga ichia nangni inomtir nôk hrang ni loiin nâia nangni siam hranga Irtha a ni ual; khasika khan, “Abba! ka Pa” tiin ei ikhêk suak ngai a ni.

1 KORINTH 2:4

Ki bâia irthoka irchûna thu suak le ki thu insîrhai khom kha mihriam vârnaa inthêmna thu ni maka, Pathian Irtha sinthotheinaa inhriatna thu a ni ual.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

KOLOSA 1:8

Irtha zâra lungthungna nin nei thu hi a ni hril a ni.

HEBRAI toc2 HEBRAI 2:15

thi chia dam sûnga suaka om murdihai kha a sansua theina hranga a ni.

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.

1 JOHANA 4:18

Lungthungnaa hin chitna rêng om maka, lungthungna irkip khan chitna murdi an hnot irhmang ngai. Chitna hi hremna a ni sa, ichia om chu lungthungnaa a la irkip loi a ni.