2 TIMOTHEA toc2 2 TIMOTHEA 1:14 - PATHIAN LEKHABU IRTHIANG C.L. Bible (BSI)

¹⁴ Ni chunga irnghat, thilpêk roiinpui tak kha, einia a om ngai, Irtha Irthiang hmangin a sân vong insa roh.

2 TIMOTHEA toc2 2 TIMOTHEA 1:14 Iomraidhean Croise

LUKA 16:11

Rammual irchon chunga lua nin iamom no’n te tu mo irchon tak tak kha nangni inkoltir ngam hrang?

JOHANA 14:17

Irtha dik tak chu, rammualin nei thei maka, ama an hmu thei no sik le ama an inhriat no sikin. Nangni’n chu ama nin inhriat, nin kuang a om maia, nangnia a om mai sikin.

ROM KHUAA MIHAI KUANGA TÎRTÔN PAULA LEKHATHON 3:2

Lam tinrênga a sân an lâp; An lâpna tak chu Pathian thuhai inkoltir an inina hi a ni.

ROM KHUAA MIHAI KUANGA TÎRTÔN PAULA LEKHATHON 8:11

Mithi lai ata Jisua kaithoi nôkpu irtha kha nangnia a omin chu, thina irthoka Krista Jisua kaithoi nôkpu khan nin takpum thi thei kha nangnia ama Irtha inomtirin nin takpum thi thei kha inhring a ti.

ROM KHUAA MIHAI KUANGA TÎRTÔN PAULA LEKHATHON 8:13

Taksa dâna nin omin chu nin ithi ngêt hrang a ni: aniachu, nin taksa irzuk lam thil sual thohai Irthaa nin thatpaiin chu hring nin ti.

ROM KHUAA MIHAI KUANGA TÎRTÔN PAULA LEKHATHON 8:9

Pathian Irtha kha nin kuang a omin chu taksa mi ni ta mak chêia, Irtha mi nin ni ual ta a ni. Tukhom Krista Irtha nei loi chu ama mi ni mah.

1 KORINTH 3:16

Pathian in nin nih ti le Pathian irtha nangnia a om tih nin inhriat loi ma ni?

1 KORINTH 6:19

Nin takpum kha nin sûnga om Pathian nangni ipêk Irtha Irthiang in a nih ti nin inhriat loi ma ni? Mâni ta ni ta mak chêia,

1 KORINTH 9:17

Hi sin hi keima nuam inthangna sika ki isin ni sianlân chu thahlo tûng thei ki ti; khannisian, Pathianin hi sin a nin koltir sikin ki sintum piala bêin ki isin a ni.

2 KORINTH 5:16

Khasikin mihriam irkhî lamin tûte hril insiat ta no ni ung. Mihriam irkhî dânin Krista lei inhre ta khom unglân, tho ta ma ung.

GALATIA 2:7

Nei nêkin Petera kha sertanhai laia Thurchi Sa hrilna sin inkoltir a ini ang dênin sertanloihai kuang Thurchi Sa hrilna sin hi ki kuang inkoltir a nih ti an hmu.

EFESI 2:22

Nangni khom amaa khan Irthaa Pathian omna in hrangin mi danghai leh sia insa nin ni.

EFESI 5:18

Uain inrui uar ta no roi, siatna bul a ni, Irtha sip ual roi.

KOLOSA 4:11

Josua, Justa an iti hin chubai nangni a mûk, Juda Kristianhai laia khan anni inthum vai hi Pathian Ram ta hranga a sinthotu an ni, ki’rtha a sân an irngamtir a ni.

1 THESALONIKA 5:19

Irtha kha that no roi.

1 TIMOTHEA toc2 1 TIMOTHEA 1:11

Inpâk inruk Pathianin inpuang hranga a ni inkoltir Thurchi Sa roiinpui irkalna tianga irchutir uar hai chunga irlek hrang a ni.

1 TIMOTHEA toc2 1 TIMOTHEA 6:20

O Timothe, ni chunga enkoltirna irnghat hi a sân vong irdîn roh. “Inhriatna dik,” tia an isong, dik ual loi, thu irkal, rammual mi tamtakin an irhnikpui ngai ata kha irkêm roh.

2 TIMOTHEA toc2 2 TIMOTHEA 1:12

Khasika khan kêng atûn khom hianga ki ituang a ni; khannisian inzak ma ung; ki iiam chu kin hriat, ki inkoltir kha, kha Nikhua khan, a vong insa indik tih kin hriat.

2 TIMOTHEA toc2 2 TIMOTHEA 2:2

Khan, hriatpuitu tamtakhai laia keima rengata irchutirna chong ni inhriathai kha, mi dang irchutir nôk thiai hrangin, mi iamomhai kuang inkoltir roh.

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.