1 PETERA toc2 1 PETERA 5:5 - PATHIAN LEKHABU IRTHIANG C.L. Bible (BSI)

⁵ Khaang dênin nangni vânglaihai, ulian kuanga irpêklût roi. Sin nin irsanirhlôm theina hrangin thuhnuairôlna irbelin sin tho roi. Pathian Thubu’n, “Pathianin lârirpâkhai a doia, irngaiintômhai chu a lunginkham ngai,” ti a nia.

1 PETERA toc2 1 PETERA 5:5 Iomraidhean Croise

2 THURCHI SUINA 6:41

O Rengpa Pathian, zuar siam suakin lân, ni omna hranga hin zuang ro, ni roiinpuizia inlangna bôm leh hong lût ro. O Rengpa Pathian ni ochaihai chu an sin thônahai hi satvurhaiin lân, ni mi irthianghai chu ni thil sa tho pehai hin lômhai sian.

JOBA 22:29

Nang paihai khom sian, ngîrsuakna a om ti ni ti. Mi irngaiintômhai chu saninzôk ni an ti.

JOBA 29:14

Diknahaiin ki ompuihaia, Roirêlna dik chu ki songkol le ki rênglukhum a ni.

INPÂKNA HLAHAI 132:16

A ochaihai chu saninhringna’n inthuam ki ta, A mi irthianghai chu raifânna hla sakin khêk an ti.

INPÂKNA HLAHAI 132:9

Ni ochaihai chu felna’n inthuam sianlân; Ni mi irthianghai chu raifânin khêk ri se.

INPÂKNA HLAHAI 138:6

Rengpa chu an chungtak ni khom sianlân, Mi irngaiintômhai kha ar ngaitua ngaia, Mi lârirpâkhai chu an kuanga irthokin irbi thei ngai mah.

THUVÂRHAI 25:7

Ni toihmun kha mi lianhai inkenhai roh an iti nêkin chu, “Toihmun sa uala hin hong intoitirhai ro” nang an iti chu a sa ual.

THUVÂRHAI 3:34

Mi lârirpâkhai chu a hmusit ngaia, irngaiintômhai chu ditsakna a pêkhai ngai.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

EZEKIELA 26:16

Khanchu tuipui kôla rama khan rêng murdihai chu an rêngtoihmun ata chum an ta, an songkol irfualhai le an puan mirimhoihai khekpai an ta, inthingpumin hnuai chunga toi an ti.

DANIELA 11:12

Mi tamtak chu hruai irhmang ni an ta, a lungrîl inrangin, sîngkhat vêl chu naminrîlhai a ti, khannisian zoro sôt ual ni no ni.

LEVI DÂN 19:32

Tar luchuak tâkhai makunga ngîrna châng inhren lân, ulianhai chu inza roh. Nin Pathian chi roi, kei hi Rengpa ki ni.

LUKA 22:26

Khannisianlân, nangni laia chu khaang khan ni mah. Nin laia roiinpui tak chu a chîn tak angin om sianlân, hruaitu tak kha sinthopu angin om ual ri se.

ROM KHUAA MIHAI KUANGA TÎRTÔN PAULA LEKHATHON 12:10

Urêng angin ir-en irhlôm unglân, irchôiindôm irhlôm uar roi.

ROM KHUAA MIHAI KUANGA TÎRTÔN PAULA LEKHATHON 13:14

Rengpa Jisua Kristaa khan irbel lem unglân, nin taksa irzukna puiinhling hrangin ite irsiam no roi.

EFESI 5:21

Krista chituhai nin ni sikin irpelût irhlôm roi.

FILIPI 2:3

Mâni hrang irzûl le irngaiinhlu taka ite tho loiin tukhomin irngaiintôm takin mi danghai sa ualin bê roi.

KOLOSA 3:12

Khanchu Pathian mi inthang, mi irthiang le inditom takhai ni le irhoiin lungrîl taka irrenna hai, khonzana hai, irngaiintômna hai, thuhnuairôlna hai, tuangdiarna hai khan irvô roi.

1 TIMOTHEA toc2 1 TIMOTHEA 5:1

Upa ualhai chu ngo no’n lân, mâni pa anga enin a ngênin ngên roh; ruathartehai chu sangpa angin,

HEBRAI toc2 HEBRAI 13:17

Nin hruaituhai thu zôm unglân, an thupêk murdi zui roi. Pathian kuang an sintho an lan sîr hrang sikin irngam loiin nangni an enkol ngai a ni. An thu nin zômin chu, raifân takin sin an ti, khano’nchu, intak pumin sin an ta, nin ta hrangin sa no ni.

JAKOBA toc2 JAKOBA 4:6

Khasikin, Pathianin lungkhamna a ni ipêk hi a lian ual. Pathian Thubu’n, “Pathianin lârirpâkhai a doia, Irngaiintômhai chu lung an kham ngai,” ti a ni.

1 PETERA toc2 1 PETERA 3:8

A mong taka chu, nin rêngin lungrîl hmunkhat irput unglân, irkan irhlômin urêng angin lung irthung irhlôm unglân, lung irkham irhlômin thuhnuairôl takin om roi;

1 PETERA toc2 1 PETERA 4:1

Krista’n taksaa a tuang sikin nangni khom khaang lungrîl kha irput roi; tukhom taksaa tuang tâkin chu sual a mâksan ta.

1 PETERA toc2 1 PETERA 4:5

Khannisianlân, khahai khan, Pathian, mihring le mithihai ngaitua hranga irsiam sai kuang khan an thurchi chit anni’n lan sîr an ti.