1 PETERA toc2 1 PETERA 5:4 - PATHIAN LEKHABU IRTHIANG C.L. Bible (BSI)

⁴ Khanchu, Belra Enkoltu Inlaltak a zuang inlang tena chôiindômna lukhum roiinpui chuai theiloi kha dong nin ti.

1 PETERA toc2 1 PETERA 5:4 Iomraidhean Croise

INPÂKNA HLAHAI 23:1

Rengpa chu a ni enkoltu a nia; ite irsam no ning.

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

EZEKIELA 34:23

Khanchu ki sinthotu Davida anga rêng inkhat an belrapu hrangin pehai ki ta, ama’n anni chu donsuihai a ti.

EZEKIELA 37:24

Reng ki sinthotu Davida ang khan an rêngin om an ta, an rêngin roirêltu inkhat hnuaia inthurual takin om an ta, khanchu iamom takin ki dânhai chu zôm an ti.

DANIELA 12:3

Hruaitu vârhai chu irvân vâr angin vâr an ta, mi tamtak felna tianga hong kîrhai chu ârsi angin kum kumtuangin vâr an ti.

ZAKARIA 13:7

Khan Sipaihai Rengpa’n hiang hin a hrila, “O khandai, harin lân, keima ta hrang sinthotu belrapu kha that roh. Ama chu thatin lân, belrahai chu irthekindarh an ti.

JOHANA 10:11

Kei hi belra enkoltu sa ki ni; belra enkoltu sa’n a belrahai hrangin a hringna a pêk ngai.

1 KORINTH 9:25

Irsiatnaa changhaiin chu lam tinrênga an irdîn ngai. Anni chu rênglukhum siatthei hmu hrangin an irsiata, eini’n chu rênglukhum siat theiloi hmu hranga a ni.

2 TIMOTHEA toc2 2 TIMOTHEA 4:8

atûn chu, thiamchangna, chôiindômna lukhum kha, dong hrang vai ki hmabâk a ni ta; kha kha roirêl dik, Rengpa khan, kha Nikhuaa khan ni pe a ta, keima vai ni loiin ama lungthunga, a zuang inlang nôk lei nghâkhai murdi kuang khom pe sa a ti.

HEBRAI toc2 HEBRAI 13:20

Khan, ei Rengpa Jisua, a thina sika kumtuang thuthung deta om, Belrapu Roiinpuitak, thina irthoka a kaithoitu irngeina Pathian khan a lungdo nin sin theina hrangin thil sa nin innang murdi nangni pe sianlân, Jisua Krista zâra einia hin, ama a lungdo sin ri se. Krista kuang roiinpuina kumtuangin om mai ri se! Amen.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

1 PETERA toc2 1 PETERA 1:4

Khasikin, Pathianin a mihai hranga irchon tamtak a isia kha dong hrangin ei itûng a ni. Kha irchon siat thei loia, hmon thei loi le chuai thei ngai loi kha Pathianin nin ta hrangin irvâna a isia tâk a ni.

1 PETERA toc2 1 PETERA 2:25

Belra angin lamchan nin invâi tâka, atûn chu nin irtha Enkoltu le Hruaitu kuanga khan nin hong ikîr nôk tâk a ni.

1 PETERA toc2 1 PETERA 5:2

Nin laia Pathian belrahai kha enkol insa roi, nakhrâtin ni loiin Pathian nuamlam anga irzuk taka tho’n, fâk sa hrang sabei sika ni loiin, sintho nuamna lungrîl irputin enkol roi.

1 JOHANA 3:2

Inditom takhaio, atûn hin Pathian nâihai ei ni tâka, itin mo ei la iom hrang tih chu lan lang mah. Ama a zuang inlâr tika chu ama angin om ei tih iti ei inhriat, a nilam ang takin ama kha ei la hmu hrang sikin.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

THUPHUANG 3:11

Ki izuang lat hrang tâk kêng, ni thil nei kha dôn chianin lân, khanchu inhnêna lômman ni idong tum kha nang irchupui no nihai.