1 TIMOTHEA toc2 1 TIMOTHEA 4:3 - PATHIAN LEKHABU IRTHIANG C.L. Bible (BSI)

³ Mi senkhatin innei le thil senkhat fâk hi dik mah tiin mi an khapa. Khannisianlân, Thutak inhre tâk, iamtuhai chu lômthu insîr puma fâk hrangin Pathian isiam a nih ti an inhriat.

1 TIMOTHEA toc2 1 TIMOTHEA 4:3 Iomraidhean Croise

IRPHUTNA 9:3

Thilhring châng thei murdi khom nin hrangin fâk thei ni an ta, anhring nangni ki ipêk ang khan itinrêng nangni ki pêk zit ta.

THUHRILTU 5:18

Irngai ta, mihriamhai ta hranga satak ki ihmu chu, Pathianin an hring sûng sôtnote a ipêk sûnga an sintho suakhai fâk le nêka, nunkhonhoi taka an ihmang hi a ni; kha kha mihriamhai tong hranga om chu a ni.

DANIELA 11:37

A’rchihai Pathian khom ite bê’n bê no nia, nupanghai irngainat pathianhai le pathian danghai khom ngaisak viat loiin: mi murdi chunga lian irti a ti.

MATHAIA 14:19

Mipuihai kha sûl chunga toi hrangin thu a pêkhaia; Khanchu, bai ringa le nga inhni kha a lâka, irvân tiang enin Pathian kuang lômthu an sîra. Bai kha a khoia, irchutirhai kuang a pêka, irchutirhai khan mipuihai kuang an sem pehai tâka.

MATHAIA 15:11

Bâia lûtin mi porinchetir ngai maka, bâi ata suakin kêng mi a iporinchetir ngai,” a tia.

MATHAIA 15:36

Khan, bai sari le nga kha a lâka, Pathian kuang lômthu an sîra, a khoia, irchutirhai kuang a pêka; irchutirhai khan mipuihai kuang an pêk tâka.

LUKA 24:30

Zân bu an hong ot suama, bai a lâka, sat a vura, a khoia an kuang a pêka.

JOHANA 6:23

Rengpa’n lômthu an sîr zoia bai an fâkna kôla Tiberi khua ata irkuang dang honghai kha an hong tung tâka.

TÎRTÔNHAI SINTHO 27:35

Kha thu kha an sîr zoiin bai a lâka, an rênga makunga khan Pathian kuang lômthu an sîr zoiin a khoia, a fâk irphut tâka.

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

ROM KHUAA MIHAI KUANGA TÎRTÔN PAULA LEKHATHON 14:3

Itinrêng fa thei mi khan a fâk loi mi kha hmusit no ri se; a fâk loitu khom khan a fâktu kha sêl no ri se; Pathianin ama kha chu a ilôm tâk kêng.

ROM KHUAA MIHAI KUANGA TÎRTÔN PAULA LEKHATHON 14:6

Sûn khat ser bîktu chu Rengpa chôiindômna hrangin a iser a ni; itinrêng fâktu chu, Pathian kuang lômthu insîr baka a ifâk a ni sikin, Rengpa a ichôiindôm a ni. A fâk loitu khom khan Pathian kuang lômthu an sîr sa dên sikin Rengpa chôiindômna hrangin a inghei a ni.

1 KORINTH 6:13

Fâknêk chu phîng ta hrang a nia, phîng chu fâknêk ta hrang a ni; khannisian, Pathianin inboi seng seng a ti. Takpum hi irditna sanoa hmang hrang ni maka, Rengpa ta hrang a ni ual; Rengpa khom takpum ta hrang a ni.

1 KORINTH 7:28

Khannisianlân dôngma ni nei leh khom tho’nsual mak che; dôngmate khomin pasal a neiin tho’nsual mah. Khannisianlân, in nin neiin chu rammuala dengthei nin ti; kha kha nangni inzôk ki inuam a ni.

1 KORINTH 8:8

Khannisian, fâk hin Pathian leh ei irzomna chu ni siam insa pe thei loi a ni; fa no khom inlân ite inchân no ih, fa khom inlân ite hmu ual no ih.

KOLOSA 2:16

Khanchu, fâk le nêk thua mani, in thua mani, nikho irthiang hmang thua mani, tha thar kût hmangna thua mani, Sabat ni thua mani, tukhomin ircham nangni nei pe no ri sehai.

KOLOSA 3:17

Krista zâra Pathian kuanga lômthu hril pumin, nin itho murdi, thu’nsîra mani sinthoa mani Rengpa Jisua irhmingin tho zit roi.

1 TIMOTHEA toc2 1 TIMOTHEA 2:4

Ama khan mi murdi saninhringa om le thutak inhriat hrangin a inuam a ni.

1 TIMOTHEA toc2 1 TIMOTHEA 4:4

Pathian thilsiam murdihai hi a saa, ite pai hrang om ma; lômthu insîr puma fâk hrang a ni.

1 TIMOTHEA toc2 1 TIMOTHEA 5:14

Khasikin meithâi la nâiinpang ualhai chu pasal nei nôkhai sianlân, nâi neiin in sûngkua enkolhai sianlân, râlhaiin ni hrilsiatna hrang zel an inei loi hrang a ni.

HEBRAI toc2 HEBRAI 13:4

Inneina hi mi murdi’n an inhlut hrang a ni, ompui sangram khomin an iamom irhlôm hrang a ni. Irdithai le uirehai chu Pathianin rêl a ti.

HEBRAI toc2 HEBRAI 13:9

Irchutirna chi dang dang le irkhêl tak tak hruai irhmangin om no unglân, Pathian lungkhamna irthoka lungrîl hrâtna hmu hi a sa, fâk thua dân zômin chu ni no ri se; kha dân zômhai khan ite irfêna hmu mahai.