Zabur 69:4 - Hodáay Pákén Ketáb Balochi zobáná

⁴ Á ke bésawab cha man naprata kanant cha mani saray mudán géshter ant. Bázéné mani gár kanagay randá ent dozhmen mani sará drógén bohtáma janant. Cha man lóthant hamá chizzán per betarrénán ke man nadozzetagant.

Zabur 69:4 Iomraidhean Croise

Zabur 35:19

Mayl ke prébkárén dozhmen mani sará shádehi kanant, mayl hamá ke mopt o náhakká cha man bézár ant chammok o pónzok bekanant.

Zabur 40:12

Chiá ke béhesábén sakkián maná angerr kortag, mayárbárián maná geptag o dista nakanán, cha mani saray mudán gésh ant, mani del kaptag.

Zabur 59:3

Bechár ke che paymá pa mani kóshá kaminesh kortag. Oo Hodáwand! Zórákén mard mani helápá yakjáh butagant, maná hech gonáh o mayáré ham nést.

Zabur 6:7

Chammon cha bázén andóhán nezór butagant o cha bázén dozhmenán tahár.

Yuhanná 15:25

Áyáni Sharyatá nebeshtah ent ke ‘Moptá cha man napratesh kort.’ É dhawlá é habar rást o sarjam but.

Petrosay Awal Kágad 2:22

“Áiá hecch gonáh nakort o kassárá prébi nadát.”

Petrosay Awal Kágad 2:24

Áiá wat may gonáháni bár salibay sará wati baddhá laddhet, tánke gonáh cha may delá bemerit o pa néki o páki zend begwázénén, ke shomá cha hamáiay thapp o thórán dráh butagét.

Petrosay Awal Kágad 3:18

Masihá ham yakk baré pa may gonáhán sakki sagget, bezán á “Nék o Páká” pa gonahkárán wati ján nadr kort tán márá pa Hodáyá sar bekant. Masih jesmi koshag but bale Ruhá zendag kort.