Zabur 4:3 - Hodáay Pákén Ketáb Balochi zobáná

³ Bezánét ke Hodáwandá Hodádóst pa wat zortag o jetá kortagant. Wahdé Hodáwandá tawára kanán, á eshkont.

Zabur 4:3 Iomraidhean Croise

Zabur 31:23

Oo Hodáwanday sajjahén dóstdárán! Áiá dóst bedárét, Hodáwand wati wapádáráni negahpániá kant, bale gorunákénán báz sezá dant.

Zabur 34:15

Hodáwanday chamm gón pahrézkárán ent o góshi ham pa áyáni peryátán pach.

Zabur 49:3

Mani dap, hekmat bayána kant, delay johlánkén pegr, pahm o zánta bakshit.

Zabur 50:5

“Hodádóstán mani gwará yakjáh kanét, hamá ke gón korbánig kanagá, gón man ahdesh bastag.”

Zabur 56:9

Gorhá á wahdá ke tará gwánka janán dozhmen pada kenzant. Eshiá zánán ke Hodá gón man ent.

Zabur 6:8

Oo sajjahén badkárán! Cha man dur bét, chiá ke Hodáwandá mani gréwagáni tawár eshkotagant.

Zabur 62:10

Pa zolm o zórá tawkal makanét o pa dozziá omét mabandét, harchont ke shomay mál géshtera bit, pa áiá del mabandét.

Dargwaz 33:16

Agan taw may hamráh mabay, chón zánaga bit ke tai chammán maná kadr o ezzat hast, maná o tai mahluká? Chéá ke hamé chizz ent ke maná o tai mahluká cha donyáay á dega sajjahén kawmán jetá kant.”

Yuhanná 15:16

Shomá maná gechén nakortag, man shomárá gechén kortag o dém dátag ke shomá berawét o bar o samar byárét, abadmánén bar o samar. Gorhá harché ke mani námay sará cha Petá belóthét, shomárá dant.

Pa Timutáusá Pulosay domi kágad 2:19

Bale padá ham Hodáay sará báwarmand mohra óshtant, lógéay mohkamén bonyáday paymá. Hodáyá wati báwarmandáni sará é habar naksh kortag o mohr jatagant: “Hodáwand wati mardomán pajjáha kárit” o “Harkas ke Hodáwanday námá gipt, báyad ent watá cha badkáriá dur bedárit.”

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.

Petrosay Domi Kágad 2:9

Gorhá hamé paymá Hodáwanda zánt ke wati pahrézkárén mardomán chón cha chakkásán berakkénit o badkárán sezá bedant tán hamá wahdá ke dádrasiay róch berasit.