Zabur 27:4 - Hodáay Pákén Ketáb Balochi zobáná

⁴ Cha Hodáwandá yak chizzé lóthetagon o hameshiay pad o randá bán, ke wati zenday sajjahén róchán Hodáwanday lógá jahmenend bebán, tánke Hodáwanday zébáiá begendán o parasteshgáhá cha hamáiá rahshóni belóthán.

Zabur 27:4 Iomraidhean Croise

Zabur 26:8

Oo Hodáwand! Maná tai lóg sakk dóst ent, tai shán o shawkatay jágah.

Zabur 23:6

Allamá, mehr o néki zenday sajjahén róchán mani pad o randá ant o Hodáwanday kalátá jahmenenda bán, tán abad.

Zabur 65:4

Bahtáwar hamá ent ke tawi gechéna kanay o wati bárgáhá káray tánke hamódá jahmenend bebit. Cha tai dargáhay nékiá séráp bátén, cha tai parasteshgáhay pákiá.

Zabur 84:4

Bahtáwar ant hamá ke tai bárgáhá jahmenend ant, á modám tará názénant. Ósht...

Zabur 84:10

Tai bárgáhay yak róché gehter ent cha dega jágahéay hazárán róchá, cha badkáráni tambuáni tahá árámén zendéay gwázenagá maná wati Hodáay dargáhay dapá óshtag dóstera bit,

Luká 10:42

bale tahná yakk chizz zalurat ent. Maryamá hamá gehterén pa wat gechén kortag ke cha áiá pach geraga nabit.”

Zabur 27:8

Taw gwashtag: “Mani chehragay shóházá bebay.” Dela gwashit: “Hodáwandá! Tai chehragay shóházá án.”

Mattá 6:33

Cha har chizzá pésar, Hodáay bádsháhi o áiay rástén ráhay shóházá bebét, é sajjahén wat shomárá dayaga bant.

Pa Pilipián Pulosay kágad 3:13

Oo brátán! Mana nagwashán ke angat á chizzon dastá áwortag, man bass yakk chizzé kanán, gwastagénán béhayála kanán o pa démaygán johda kanán.

Zabur 90:17

May Hodáwandén Hodáay mehrabáni pa má sar bát, may dastáni kárán barkat beday, haw, may dastáni kárán barkat beday.

Luká 2:37

bale randá janózám but. Nun áiay omr hashtád o chár sál at o áiá cha mazanén parasteshgáhá dhann, pád éra nakort. Shap o róch, Hodáyá saná o satá kanán, wati wahd pa dwá o róchaga gwázént.

Dányál 9:3

Gorhá man wati dém Hodáwandén Hodáay némagá tarrént, dwá o peryát kort, róchag dásht, gónién god gwará kort o watá por per rétk.

Zabur 50:2

Hodá cha Sahyuná ke zébáiay kamál ent, wati nurá drapshána kant.

Luká 18:1

Issáyá pa moridán mesálé áwort tán áyán sarkech bedant o pésh bedárit ke harwahd dwá bekanant o hechbar delprósh o náomét mabant.

Luká 13:24

Áiá passaw dát: “Johd kanét cha tankén darwázagá begwazét, chéá ke man shomárá gwashán, bázéné cha hamé darwázagá gwazagay johdá kant, bale gwasta nakant.

Pa Timutáusá Pulosay awali kágad 5:5

Janózámé ke hakk o del hájatmand o békas ent, wati ométá gón Hodáyá bandit o shap o róch dwá kant o cha Hodáyá komakka lóthit.

Zabur 26:6

Oo Hodáwand! Wati dastán bégonáhiay tahá shódán o tai korbánjáhay sará chahra warán,