Pa Pilipián Pulosay kágad 3:2 - Hodáay Pákén Ketáb Balochi zobáná

² Cha kochekkán hozzhár bebét. Cha badkárán hozzhár bebét. Cha góshtborrán hozzhár bebét.

Pa Pilipián Pulosay kágad 3:2 Iomraidhean Croise

Zabur 119:115

Cha man dur bebét, oo badkárán, ke man wati Hodáay hokmáni randgiriá bekanán.

Zabur 22:16

Kochekán mani chapp o chágerd geptag, sherr o badkáráni rombá angerr án, mani dast o pádesh thong thong kortagant,

Zabur 22:20

Mani arwáhá cha zahm o shamshirá berakkén o mani zendagiá cha kochekáni zolm o zórákiá.

Mattá 24:10

Gorhá bázéné poshtá kenzit o cha ráhá thagalit, yakké domiá dróhit o kast o kénaga kant.

Mattá 7:15

Cha drógén paygambarán hozzhár bebét. Á, méshay póstá gwará kanant o shomay kerrá káyant bale cha bon o béhá derrókén gork ant.

Mattá 7:6

Pák o palgárén chizzán kochekkán madayét o wati morwáredán hukkáni démá maperrénét. Chó mabit ke áyán lagatmál bekanant o per betarrant o shomay jendá derr o drásh bekanant.

Pulosay kágad pa Rumián 2:28

Chéá ke Yahudi á naent ke sarzáherá Yahudi ent o anchosh ham rástén sonnat bayag, sarzáheri chizzé naent.

Pa Galátián Pulosay kágad 5:13

Oo brátán! Shomá gwánk janag butagét ke ázát bebét, bale chó mabit ke é ázáti pa shomay gonahkárén tab o sareshtá móhé bebit. Eshiay badalá pa mehr yakdomiay hezmatá bekanét.

Pa Galátián Pulosay kágad 5:15

Shomá yakdomiá chillénag o waragá ét, bechárét, yakdomiay dastá tabáh mabét.

Pa Galátián Pulosay kágad 5:6

Chéá ke Issá Masihay ráhá sonnat bayag o nabayagay máná yakk ent, tahná hamá imáná máná hast ke cha mehray ráhá watá záhera kant.

Pa Pilipián Pulosay kágad 3:19

Esháni ásar tabáhi ent. Esháni hodá wati jenday láp ent o bénangi esháni pahr o shán ent. Ésháni hayál gón donyái chizzán ent.

Pa Pilipián Pulosay kágad 3:3

Chéá ke sonnat butagén má én. É má én ke Hodáyá cha áiay Pákén Ruhay barkatá parastesha kanén. Pa má pahr o sháné ke gón Issá Masihá hawár én o márá cha wati jesmá, bezán cha donyái chizzán omété nést,

Pa Timutáusá Pulosay awali kágad 1:19

wati imán o pákén zamirá barjáh dásht bekanay. Lahtén mardomá wati zamiray tawár gósh nadáshtag o wati imánesh zawál kortag.

Pa Titusá Pulosay kágad 1:16

É mardoma gwashant ke má Hodáyá zánén, bale áyáni kár pésha dárant ke áiá nazánant. Choshén mardom bazzhenák ant, náparmán ant o hecch sharrén káray kábel naant.

Petrosay Domi Kágad 2:22

É batal áyáni bárawá chón wassha gwashit ke: “Kochekk pa wati shántagénán pera tarrit.” o “Shoshtagén hukk padá pujgeláni tahá létha wárt.”

Yahudáay Kágad 1:4

Chéá ke lahtén anchén mardom chérokái shomay nyámá potertag ke wati béhodáiay sawabá cha pésará mayárig kanag butagant. Á Hodáay rahmatán tába dayant o pa wati bénangén kár o wáhagán káresha bandant o may yakk o yakdánagén Wájah o Hodáwand, Issá Masihá namannant.

Elhám 2:9

Man tai ázár o nézgáriá sarpad án bale taw hastómand ay. Á koprána zánán ke hamá mardomán kortagant ke watá Yahudia gwashant bale Yahudi naant. Á Shaytánay kanisahé ant.

Elhám 21:8

Bale lagór o nábáwar o hamá ke bazzhnák ant, hónig o zenahkár o jáduger o botparast o sajjahén drógband, esháni ásar esh ent ke ásay gwarmá gón ás o gókortá sóchag bebant. É domi mark ent.”

Elhám 22:15

Bale kochekk, jáduger, zenahkár, hónig, botparast o harkas ke dróga bandit o gón drógá mehra kant, é sajjahén cha shahrá dhanna bant.

Elhám 3:9

Bechár, man cha Shaytánay kanisahay mardomán lahtén tará dayán, cha hamáyán ke watá Yahudia gwashant bale Yahudi naant o dróga bandant. Bechár, man áyána parmáyán, á káyant, tai pádáni démá kapant o sarpada bant ke man tará dóst dáshtag.