Pa Pilipián Pulosay kágad 3:1 - Hodáay Pákén Ketáb Balochi zobáná

¹ Nun, oo mani brátán! Shádmáni bekanét ke shomá Hodáwandayg ét. Pa man é habaráni padá nebeshtah kanag hecch grán naent o é habar pa shomá émenia kárant.

Pa Pilipián Pulosay kágad 3:1 Iomraidhean Croise

Zabur 149:2

Esráil pa wati addh kanóká shádehi bekanát, Sahyunay chokk pa wati bádsháhá gal bátant.

Zabur 32:11

Oo pahrézkárán! Hodáwanday bárgáhá shádehi kanét o shádán bebét. Oo sajjahén nékdelán! Shádehiay gwánká borz kanét.

Zabur 33:1

Oo pahrézkárán! Hodáwanday bárgáhá pa shádehi kukkár kanét, nékdelán, Hodáwanday satá kanag zéba dant.

Zabur 37:4

Cha Hodáwandá shádmán bay ke á tai delay morádá puraha kant.

Zabur 42:4

Wahdé wati delay dardán darshána kanán, hayálá kapán ke che paymá mazanén mocchiay hamráh atán, jashnay mazanén mocchiay o gón shádehiay kukkár o shogrgozáriay sawtán dém pa Hodáay lógá áyáni rahshón atán.

Zabur 5:11

Bale á sajjahén ke tai báhóth o mayára bant, shádmáni bekanant, dáemá sáz o zémel bejanant. Áyán wati sáhegay chérá negahpáni bekan, tán harkas ke tai námay dóstdár ent gón tai námá shádán bebit.

Zabur 97:1

Hodáwand bádsháhia kant, zemin shádehi bekanát o sajjahén tayábi sardhagár gal bátant.

Mattá 5:12

Gal o washdel bebét o shádehi bekanét, chéá ke ásmáná shomay mozz sakk báz ent. Pésarigén nabiáni sará ham é dhawlén ázáresh raséntag.

Luká 1:47

Mani ruh galá bál ent, ke Hodá mani rakkénók ent.

Pulosay kágad pa Rumián 5:11

Bale na tahná pa haminchoká, má cha wati Hodáwand Issá Masihay ráhá Hodáay sará pahra bandén, hamá Issá ke áiay sawabá annun márá sohl o wassháni rasetag.

Pa Pilipián Pulosay kágad 3:3

Chéá ke sonnat butagén má én. É má én ke Hodáyá cha áiay Pákén Ruhay barkatá parastesha kanén. Pa má pahr o sháné ke gón Issá Masihá hawár én o márá cha wati jesmá, bezán cha donyái chizzán omété nést,

Pa Pilipián Pulosay kágad 4:4

Modám shádmáni kanét ke shomá Hodáwandayg ét. Man padá gwashán, shádmáni kanét.

Pa Pilipián Pulosay kágad 4:8

Brátán! Nun godhsará mana gwashán ke harché ke rást ent, harché ke sharapdár ent, harché ke sharr ent, harché ke pák ent, harché ke dóstnák ent, harché ke satá karzit, harché ke nék ent o tawsip kanaga bit, hamá chizzáni bárawá pegr bekanét.

Pa Tesálunikián Pulosay awali kágad 4:1

Brátán! Dega gappé esh ent, má shomárá sój dátag ke wati zendá chón begwázénét ke Hodá cha shomá wassh o razá bebit o shomá anchosh kanagá ét ham. Nun Hodáwandén Issáay námá gón shomá dazbandia kanén o gwashén ke é chizzá róch pa róch géshter bekanét.

Pa Tesálunikián Pulosay awali kágad 5:16

Modám gal o shádán bebét.

Ákub 1:2

Oo brátán! Wahdé warh warhén chakkás o ázmáeshána kapét, é chizzá sarréchén shádehié bezánét.

Petrosay Awal Kágad 3:8

Néth, shomá sajjahén yakdel o hamdard bebét, gón yakdomiá mehr bekanét, narmdel o békebr bebét.

Petrosay Awal Kágad 4:13

Tán ódá ke gón Masihay sakkiáni saggagá sharikdár ét gal o shádán bebét, tánke hamá sáhatá ke áiay shán o shawkat paddara bit, shomá ham wassh bebét o békesás shádmáni kort bekanét.

Petrosay Domi Kágad 3:1

Oo dordánagán! É nun domi kágad ent ke pa shomá nebisagá áni. Har doén kágadon pa é sawabá nebeshtant tán shomay delá sharrén pegr o hayáláni hobb o wáhagá pédá bekanán o shomárá tahtál bedayán