Pa Pilipián Pulosay kágad 2:25 - Hodáay Pákén Ketáb Balochi zobáná

²⁵ Bale mana gwashán zaluri ent ke man Epapróditusá padá shomay kerrá dém bedayán ke á, mani brát o hamkár o hamkopagén johdkár o shomay kásed ent ke shomá pa mani zaluratáni purah kanagá dém dátag.

Pa Pilipián Pulosay kágad 2:25 Iomraidhean Croise

Yuhanná 13:16

Shomárá rásténa gwashán, hecch golám cha wati wájahá o hecch kásed cha wati dém dayóká master naent.

Yuhanná 17:18

Hamá dhawlá ke taw maná jaháná rawán dát, man ham é mardom jaháná rawán dátant.

Pulosay kágad pa Rumián 16:3

Mani salámán pa hamkárén Priskilá o Akwiláyá sar kanét, ke mani hamráhiá Issá Masihay hezmatesh kortag.

Pulosay kágad pa Rumián 16:9

Masihay hezmatá may hamkár Urbánus o mani dóstén sangat Estákisá salám sar kanét.

Pa Pilipián Pulosay kágad 2:26

Chéá ke á, pa shomá sajjahénáni didárá hodónák ent. Paréshán ent ke shomá áiay nádráhiay hálá sahig butagét.

Pa Pilipián Pulosay kágad 4:18

Maná har chizz rasetag o sakk báz rasetag. Gón Epápróditusá harché ke shomá dém dátag, maná rasetagant o nun maná har chizz hast. Shomay é théki washbóén shogránah o delpasondén korbánigé ke Hodáyá washnóda kant.

Pa Pilipián Pulosay kágad 4:3

Oo mani wapádárén hamráh! Man cha taw dazbandia kanán ke hamá janénáni komakká bekan ke pa wasshén mestágay sheng kanagá mani hamkópagiá gón Klémentus o mani é dega hamkárán johdesh kortag ke námesh “Zenday Ketábá” nebeshtah ent.

Pa Tesálunikián Pulosay awali kágad 3:2

may brát Timutáus ke Hodáay ráhá Masihay wasshén mestágay sheng kanagay kárá may hamkár ent, áiá déma dayén ke shomay imáná mohrter bekant o shomárá delbaddhi bedant

Pa Pilimuná Pulosay kágad 1:24

Mani hamkár Markás o Aristarkás o Démás o Luká ham tará saláma kanant.