Pa Pilipián Pulosay kágad 2:11 - Hodáay Pákén Ketáb Balochi zobáná

¹¹ o har zobán bemannit o begwashit: “Issá Masih Hodáwand ent” ke Hodáén Petá shán o shawkat berasit.

Pa Pilipián Pulosay kágad 2:11 Iomraidhean Croise

Zabur 110:1

É Hodáwanday paygám ent pa mani Hodáwandá: “Mani rástén némagá benend tán hamá wahdá ke tai dozhmenán tai pádáni chéray padag o chárchóbahé bekanán.”

Zabur 18:49

Oo Hodáwand! Paméshká tará kawmáni nyámá satá kanán o tai námá názénán.

Mattá 10:32

Harkas mardománi démá maná bemannit, man ham wati ásmáni Petay démá áiá mannán,

Luká 2:11

Á esh ent ke Dáuday shahr Bayt-Lahemá maróchi pa shomá rakkénóké pédá butag ke á, Hodáwandén Masih ent.

Yuhanná 12:42

Angat ham Yahudiáni bázén sarókéá áiay sará imán áwort. Bale cha hamé torsá ke Parisi áyán cha kanisahá dar makanant, námesha nagept.

Yuhanná 13:13

Shomá maná ostád o Hodáwanday námá tawára kanét, rásta gwashét, man hamá án.

Yuhanná 13:14

Agan man shomay Hodáwand o ostád án o shomay pádon shoshtant, shomárá ham yakdegaray pád shódagi ant.

Yuhanná 14:13

harché ke shomá mani námay sará lóthét, á wáhagá sarjama kanán, tánke Chokk Petay shán o shawkatá záher bekant.

Yuhanná 14:23

Issáyá passaw tarrént: “Á kas ke maná dósta dárit, hamá habaráni sará kára kant ke man gwashtagant. Mani Pet áiá dósta dárit o man o Peta káén o áiay kerrá lóg o jágaha kanén.

Yuhanná 17:1

Cha é habarán o rand, Issáyá dém pa ásmáná cháret o gwasht: “Oo Pet! Á wahd o sáhat átkag. Wati Chokkay shán o shawkatá záher kan ke Chokk tai shán o shawkatá záher bekant.

Yuhanná 20:28

Tumáyá gwasht: “Oo mani Hodáwand, oo mani Hodá!”

Yuhanná 5:23

tánke sajjahén mardom hamá dhawlá ke Petá ezzata dayant, Chokká ham ezzat bedayant. Kasé ke Chokká ezzata nadant, Petá ham ezzata nadant, chéá ke Chokkay dém dayók Pet ent.

Yuhanná 9:22

Áiay pet o mátá cha Yahudián torset, paméshká é dhawlá passawesh dát. Yahudián cha pésará shawr kortagat ke harkas báwar bekant o begwashit ke Issá, Masih ent, áiá cha kanisahá dara kanén.

Kásedáni Kár 10:36

Shomá zánét ke Hodáyá pa Bani Esráilián wati kolaw ráh dát o cha Issá Masihay ráhá, ke sajjahénáni Hodáwand ent, sohl o émeniay mestág dát.

Kásedáni Kár 2:36

Paméshká, Esráilay sajjahén kawm allam bezánt, hamá Issá ke shomá salib kasshet, Hodáyá Hodáwand o Masih kortag.”

Pulosay kágad pa Rumián 14:11

Parchá ke nebisag butag: “Hodáwanda gwashit: ‘Anchosh ke man zendag án, é habar ham rást ent, hamok mardom mani démá kóndhána kapit o har zobán Hodáyá satá kant o sárháit.’”

Pulosay kágad pa Rumián 14:9

Masih paméshká mort o padá zendag but ke mordagáni ham Hodáwand bebit o zendagénáni ham.

Pulosay kágad pa Rumián 15:9

tánke darkawm, Hodáyá pa áiay rahmatán satá o saná bekanant. Anchosh ke nebisag butag: “Paméshká tará kawmáni nyámá satá kanán o tai námá názénán.”

Petrosay Awal Kágad 1:21

Cha áiay wasilahá, shomárá Hodáay sará báwar hast, hamá Hodáay sará ke Masihi cha mordagán zendag kort o shán o shawkati dát. Paméshká, shomá Hodáay sará báwara kanét o cha hamáiá ométwár ét.

Yuhannáay Awali Kágad 4:15

Á ke mannit Issá Hodáay chokk ent, Hodá áiay delá jágaha kant o á Hodáay arwáh o jabiná.

Yuhannáay Awali Kágad 4:2

Hodáay Ruhá é dhawlá zánét: har hamá Ruh cha Hodáay némagá ent ke báwara kant o mannit ke Issá Masih, ensáni rang o dróshomá ér átkag.

Yuhannáay Domi Kágad 1:7

Chéá ke bázén rad dayóké donyáyá potertag o tálán ent o é habará namannant ke Issá Masih ensáni jesm o jánéá ér átkag. É paymén mardom rad dayók o Masihay dozhmen ant.

Elhám 3:5

Harkas ke sóbéna bit, hamesháni dhawlá espétpósha bit. Man áiay námá hechbar cha “Zenday Ketábá” gára nakanán o wati Pet o Petay préshtagáni démá áiá mannán.