Pa Pilipián Pulosay kágad 1:17 - Hodáay Pákén Ketáb Balochi zobáná

¹⁷ Hamá mardom ke pa watwáhi o watgarazi Masihay paygámá jára janant, niyatesh sáp naent o hayála kanant ke gón wati é kárá, bandijáhá mani ázárán gésh korta kanant.

Pa Pilipián Pulosay kágad 1:17 Iomraidhean Croise

Luká 21:14

Gón wat shawr kanét ke pa wati démpániá, cha wahdá pésar paréshán mabét.

Kásedáni Kár 22:1

“Oo pet o brátán! Maná é hakká bedayét ke shomay démá wati démpániá bekanán.”

Kásedáni Kár 26:1

Bádsháh Agripásá gón Pulosá gwasht: “Tará wati démpániay móh o mókal ent.” Pulosá dast borz kort o pa wati bémayáriay paddar kanagá habará lagget o gwashti:

Kásedáni Kár 26:24

Hamedá, Pestusá pa borztawári Pulosay habaray tahá dawr kort o gwashti: “Oo Pulos! Taw bésár ay, tai géshén zánt o zánagá tará ganók kortag.”

Pulosay kágad pa Rumián 2:8

Bale pa watwáh o hamá mardomán wati kahr o gazabá gwárénit ke hakk o rástiay badalá badkáriay randgir ant.

Pa Pilipián Pulosay kágad 1:18

Gorhá ché? Toré pa badniyati Masihay járá bejanant yá pa del o setk, bale har warhá Masihay jár wa janag bayagá ent o man cha é kárá shádán án. Haw, modám shádmánia kanán

Pa Pilipián Pulosay kágad 1:7

É rást ent ke man báyad ent shomá sajjahénáni bárawá anchosh pegr bekanán ke pegr kanagá án, chéá ke shomá mani delá ét. Toré man zamzilán bebán yá wasshén mestágay démpáni o sábet kanagá, shomá sajjahén Hodáay rahmatán gón man sharikdár ét.

Pa Pilipián Pulosay kágad 2:3

Hecch káré pa watwáhi o watpasondi makanét. Pa békebri o darbéshi degarán cha wat borzter sarpad bebét.

Pa Timutáusá Pulosay awali kágad 2:7

Man pa é maksadá gechén kanag butagán ke jár janók o kásedé bebán o darkawmán imán o rástiay tálimá bedayán. Man rást gwashagá án, dróg nabandagá án.

Pa Timutáusá Pulosay domi kágad 2:9

pa hameshiá sakki o sória saggán, tantaná chó radkárá zamzilán bastagán. Bale Hodáay habar zamzilán nabastag.

Pa Timutáusá Pulosay domi kágad 4:16

Awali randá ke man hakdiwáná pésh kanag bután, kass mani komakká nayátk. Sajjahénán maná yalah kort. Hodá eshán bebakshát.